Realme 9 5G SE, Realme 9 5G launched: ഇത് റിയല്‍മിയുടെ ആദ്യ SE ഫോണാണ്, അതിന്റെ സവിശേഷതകള്‍ പരിശോധിച്ചാല്‍, ഇതൊരു പ്രീമിയം ഗെയിമിംഗ് ഫോണ്‍ ആണെന്നു തോന്നും.
റിയല്‍മി ഇന്ത്യയില്‍ രണ്ട് പുതിയ 5ജി ഫോണുകള്‍ അവതരിപ്പിച്ചു. റിയല്‍മി 9 5ജി എസ്ഇ (Realme 9 5G SE), റിയല്‍മി 9 5ജി (Realme 9 5G) വ്യത്യസ്ത ചിപ്സെറ്റുകള്‍ നല്‍കുന്ന രണ്ട് പുതിയ നമ്പര്‍-സീരീസ് ഫോണുകളും ഫാസ്റ്റ് ചാര്‍ജിംഗ്, അള്‍ട്രാ എച്ച്ഡി ക്യാമറകള്‍ എന്നിവ പോലുള്ള സവിശേഷതകള്‍ കൊണ്ടുവരുന്നു. 'SE' എന്നത് സ്പീഡ് പതിപ്പിനെ സൂചിപ്പിക്കുന്നു.
ഇത് റിയല്‍മിയുടെ ആദ്യ SE ഫോണാണ്, അതിന്റെ സവിശേഷതകള്‍ പരിശോധിച്ചാല്‍, ഇതൊരു പ്രീമിയം ഗെയിമിംഗ് ഫോണ്‍ ആണെന്നു തോന്നും. 144Hz ഡിസ്പ്ലേ, ക്വാല്‍കോം 5G പ്രോസസര്‍, അതിവേഗ ചാര്‍ജിംഗ് ബാറ്ററി എന്നിവയെല്ലാം ഗെയിമര്‍മാരെ ആകര്‍ഷിക്കും. എന്നാല്‍ ഫോണ്‍ മിഡ് റേഞ്ച് ചിപ്സെറ്റ് ഉപയോഗിക്കുന്നതിനാല്‍, ഉയര്‍ന്ന നിലവാരമുള്ള ഗ്രാഫിക്‌സ് പ്രവര്‍ത്തിക്കുമെന്ന് പ്രതീക്ഷിക്കരുത്.
undefined
റിയല്‍മി 9 5ജി രണ്ട് റാം വേരിയന്റുകളില്‍ വരുന്നു. 6 ജിബി റാമുള്ളതിന് 14,999 രൂപയും 8 ജിബി റാമുള്ള ഉയര്‍ന്ന പതിപ്പിന് 17,499 രൂപയുമാണ് വില. മെറ്റിയര്‍ ബ്ലാക്ക്, സ്റ്റാര്‍ഗേസ് വൈറ്റ് നിറങ്ങളിലാണ് ഇത് വരുന്നത്. റിയല്‍മിയുടെ ഓണ്‍ലൈന്‍ സ്റ്റോറായ ഫ്‌ലിപ്കാര്‍ട്ടില്‍ നിന്നും അടുത്തുള്ള സ്റ്റോറുകളില്‍ നിന്നും ഇത് മാര്‍ച്ച് 14 ന് വില്‍പ്പനയ്ക്കെത്തും.
മികച്ച സ്‌പെസിഫിക്കേഷനുള്ള 9 5G SE 6GB RAM, 8GB RAM വേരിയന്റുകളിലും വരുന്നു. ആദ്യത്തേതിന് 19,999 രൂപയും രണ്ടാമത്തേതിന് 22,999 രൂപയുമാണ് വില. സ്റ്റാറി ഗ്ലോ, അസൂര്‍ ഗ്ലോ എന്നിവയാണ് ഈ ഫോണിന്റെ കളര്‍ വേരിയന്റുകള്‍. മാര്‍ച്ച് 14 ന് ഉച്ചയ്ക്ക് 12 മണിക്ക് ഫ്‌ലിപ്പ്കാര്‍ട്ടില്‍ നിന്നും റിയല്‍മിയുടെ ഓണ്‍ലൈന്‍ സ്റ്റോറില്‍ നിന്നും ഫോണ്‍ വില്‍പ്പനയ്ക്കെത്തും.
മുഴുവന്‍ 9 സീരീസുകളിലെയും മാര്‍ക്യൂ ഫോണാണ് 9 5G. മറ്റൊരു വിധത്തില്‍ പറഞ്ഞാല്‍, ഈ ഫോണ്‍ കുറഞ്ഞ മിഡ് റേഞ്ച് വിലയ്ക്ക് ഏറ്റവും സന്തുലിതമായ സ്‌പെസിഫിക്കേഷനുകള്‍ നല്‍കുന്നു. അതിന്റെ സവിശേഷതകളും നന്നായി കാണപ്പെടുന്നു. 6.5-ഇഞ്ച് ഫുള്‍-എച്ച്ഡി + ഡിസ്പ്ലേ, 90 ഹേര്‍ട്‌സ് റിഫ്രഷ് റേറ്റ്, 90.5 ശതമാനം സ്‌ക്രീന്‍-ടു-ബോഡി അനുപാതം, 600 നിറ്റ്സിന്റെ ഏറ്റവും ഉയര്‍ന്ന തെളിച്ചം എന്നിവയുമായാണ് ഇതു വരുന്നത്. 8 ജിബി വരെ റാമും 128 ജിബി സ്റ്റോറേജും ജോടിയാക്കിയ ഒക്ടാ കോര്‍ മീഡിയടെക് ഡൈമെന്‍സിറ്റി 810 5 ജി പ്രോസസര്‍ ഇതില്‍ ഉപയോഗിക്കുന്നു.
സ്റ്റോറേജ് വിപുലീകരിക്കാന്‍ ഒരു മൈക്രോ എസ്ഡി കാര്‍ഡ് ചേര്‍ക്കാം. സോഫ്റ്റ്വെയറിന് മുന്‍ഗണന നല്‍കുന്ന ആളുകള്‍ അല്‍പ്പം നിരാശരാകേണ്ടി വന്നേക്കാം. കാരണം റിയല്‍മി 9 5ജി ആന്‍ഡ്രോയിഡ് 11-നൊപ്പം റിയല്‍മി യുഐ 2.0 സ്‌കിന്‍ ഉള്ളതാണ്. എന്നാല്‍ ആന്‍ഡ്രോയിഡ് 12-ന്റെ ഏറ്റവും പുതിയ ആന്‍ഡ്രോയിഡ് ഫീച്ചറുകള്‍ ഉപയോഗിക്കാന്‍ ആഗ്രഹിക്കുന്ന ആളുകള്‍ക്ക് മാത്രമേ ഇത് പ്രാധാന്യമുള്ളൂ. കൂടാതെ 9 5G ന് ഈ വര്‍ഷാവസാനം എപ്പോഴെങ്കിലും പുതിയ പതിപ്പ് ലഭിക്കുമെന്ന് പ്രതീക്ഷിക്കുന്നു. റിയല്‍മി 9 5ജിയില്‍ സൈഡ് മൗണ്ടഡ് ഫിംഗര്‍പ്രിന്റ് സെന്‍സറും ഉണ്ട്.
മൂന്ന് ക്യാമറകളില്‍ F1.8 അപ്പേര്‍ച്ചറുള്ള 48 മെഗാപിക്‌സല്‍ മെയിന്‍ സെന്‍സര്‍, F2.4 അപ്പേര്‍ച്ചറുള്ള ബ്ലാക്ക് ആന്‍ഡ് വൈറ്റ് സെന്‍സര്‍, F2.4 അപ്പേര്‍ച്ചറുള്ള 4cm മാക്രോ സെന്‍സര്‍ എന്നിവ ഉള്‍പ്പെടുന്നു. മുന്‍വശത്ത്, ഫോണിന് 16-മെഗാപിക്‌സല്‍ ക്യാമറയുണ്ട്, അത് ഡിസ്‌പ്ലേയിലെ പഞ്ച്-ഹോളിനുള്ളിലാണ്. USB-C പോര്‍ട്ട് വഴി 18 വാട്‌സ് ഫാസ്റ്റ് ചാര്‍ജിംഗുള്ള 5000 എംഎഎച്ച് ബാറ്ററിയാണ് ഫോണ്‍ ഉപയോഗിക്കുന്നത്. ബോക്‌സില്‍ റിയല്‍മി ഫാസ്റ്റ് ചാര്‍ജര്‍ നല്‍കും. 8.5 എംഎം കനമുള്ള, 5000 എംഎഎച്ച് ബാറ്ററിയുള്ള ഈ വിഭാഗത്തിലെ ഏറ്റവും കനം കുറഞ്ഞ ഫോണുകളില്‍ ഒന്നാണ് റിയല്‍മി 9 5 ജി.
സ്പീഡ് പതിപ്പ് 9 5G-യെക്കാള്‍ ശ്രദ്ധേയമായ ചില മെച്ചപ്പെടുത്തലുകള്‍ കൊണ്ടുവരുന്നു. 144 ഹേര്‍ട്‌സ് റിഫ്രഷ് റേറ്റും HDR10-നുള്ള പിന്തുണയും ഉള്ള 6.6-ഇഞ്ച് Full-HD+ LCD ലഭിക്കും. ഡിസ്‌പ്ലേയില്‍ ഒരു പഞ്ച്-ഹോള്‍ ഉണ്ട്, അതിനുള്ളില്‍ 16 മെഗാപിക്‌സല്‍ സെല്‍ഫി ക്യാമറയുണ്ട്. ഈ ഫോണും ആന്‍ഡ്രോയിഡ് 11 അടിസ്ഥാനമാക്കിയുള്ള റിയല്‍മി യുഐ 2.0 ഉപയോഗിക്കുന്നു, എന്നാല്‍ ആന്‍ഡ്രോയിഡ് 12 അപ്ഡേറ്റ് ഉടന്‍ ലഭ്യമാകും. മിഡ് റേഞ്ച് പ്രകടനവും 5 ജിയും നല്‍കുന്ന ക്വാല്‍കോം സ്നാപ്ഡ്രാഗണ്‍ 778 ജി പ്രോസസറാണ് ഫോണ്‍ ഉപയോഗിക്കുന്നത്. ഫോണില്‍ 8 ജിബി റാമും 128 ജിബി സ്റ്റോറേജും ഉണ്ട്, എന്നാല്‍ കൂടുതല്‍ സ്റ്റോറേജിനായി മൈക്രോ എസ്ഡി കാര്‍ഡ് ചേര്‍ക്കാം.