5ജി ഫോണ്‍ പുറത്തിറക്കുന്നതിന് മുന്നോടിയായി ഒരു ടീസര്‍ വീഡിയോ മോട്ടോ പുറത്തുവിട്ടിട്ടുണ്ട്. ഇത് പ്രകാരം 12 5ജി ബാൻഡുകളും മുൻവശത്ത് ഒരു പഞ്ച്-ഹോൾ കട്ട്ഔട്ടുമായിട്ടായിരിക്കും മോട്ടോ ജി51 5ജി എത്തുക എന്നാണ് സൂചന.
മോട്ടറോള മോട്ടോ ജി51 സ്മാർട്ട്ഫോൺ ഇന്ത്യന്‍ വിപണിയില്‍ അവതരിപ്പിക്കുന്നു. ഡിസംബർ 10നാണ് ഈ ഫോണ്‍ ഇന്ത്യയില്‍ അവതരിപ്പിക്കുമെന്നതെന്നാണ് ഔദ്യോഗിക ട്വിറ്റര്‍ അക്കൌണ്ടിലൂടെ മോട്ടറോള അറിയിച്ചത്. ഈ ഡിവൈസ് ഫ്ലിപ്പ്കാർട്ട് വഴിയായിരിക്കും രാജ്യത്ത് വിൽപ്പനയ്ക്ക് എത്തുന്നത്. മികച്ച സവിശേഷതകളുമായി എത്തുന്ന മോട്ടോ ജി51 5ജി വലിയ പ്രതീക്ഷയാണ് ഇന്ത്യന്‍ വിപണിയില്‍ മോട്ടോയ്ക്ക് നല്‍കുന്നത്.
ഈ 5ജി ഫോണ്‍ പുറത്തിറക്കുന്നതിന് മുന്നോടിയായി ഒരു ടീസര്‍ വീഡിയോ മോട്ടോ പുറത്തുവിട്ടിട്ടുണ്ട്. ഇത് പ്രകാരം 12 5ജി ബാൻഡുകളും മുൻവശത്ത് ഒരു പഞ്ച്-ഹോൾ കട്ട്ഔട്ടുമായിട്ടായിരിക്കും മോട്ടോ ജി51 5ജി എത്തുക എന്നാണ് സൂചന. മോട്ടോ ജി200, ജി71, ജി41, മോട്ടോ ജി31 എന്നിവയ്‌ക്കൊപ്പമാണ് ആഗോള വിപണിയില്‍ മോട്ടറോള മോട്ടോ ജി51 സ്മാർട്ട്ഫോൺ ഇറക്കിയത്. അതിനാല്‍ തന്നെ മോട്ടോ 51 5ജിക്ക് പിന്നാലെ ഈ ഗാഡ്ജറ്റുകളും ഇന്ത്യയില്‍ എത്തിയേക്കും എന്നാണ് റിപ്പോര്‍ട്ടുകള്‍.
undefined
ആഗോളതലത്തില്‍ ലോഞ്ച് ചെയ്ത പ്രത്യേകതകളോടെ തന്നെയായിരിക്കും മോട്ടോ ജി51ന്‍റെ ഇന്ത്യന്‍ അരങ്ങേറ്റവും എന്നാണ് റിപ്പോര്‍ട്ട്.
മോട്ടോ ജി51 120Hz റിഫ്രഷ് റേറ്റും 20:9 അസ്പാക്ട് റേഷിയോവും ഉള്ള 6.8-ഇഞ്ച് എഫ്എച്ച്ഡി+ ഐപിഎസ് എൽസിഡി ഡിസ്‌പ്ലേയുമായിട്ടാണ് എത്തുന്നത്. അഡ്രിനോ 619 ജിപിയുവുള്ള ഈ സ്മാര്‍ട്ട് ഫോണിന് കരുത്താകുന്നത് ക്വാൽകോം സ്‌നാപ്ഡ്രാഗൺ 480+ പ്രോസസർ ആയിരിക്കും. ഈ പ്രോസസറുമായി ഇന്ത്യയിലെത്തുന്ന ആദ്യത്തെ ഡിവൈസ് ആയിരിക്കും മോട്ടോ ജി51 5ജി എന്നതും പ്രധാന പ്രത്യേകതയാണ്.
8 ജിബി റാം, 128 ജിബി ഓൺബോർഡ് സ്റ്റോറേജ് എന്നിവയും മോട്ടോ ജി51 5ജി സ്മാർട്ട്ഫോണിൽ ഉണ്ടായിരിക്കും. സ്റ്റോറേജ് സംവിധാനം വര്‍ദ്ധിപ്പിക്കാനും സാഹചര്യം ഈ ഫോണിലുണ്ട്. ആൻഡ്രോയിഡ് 11 ഒഎസിൽ പ്രവർത്തിക്കുന്ന ഫോണിൽ 10വാട്സ് ഫാസ്റ്റ് ചാർജിങ് സപ്പോർട്ടുള്ള 5,000 എംഎഎച്ച് ബാറ്ററി ഈ സ്മാര്‍ട്ട് ഫോണിനുണ്ട്. 50എംപി പ്രൈമറി സെൻസർ, 8എംപി അൾട്രാ വൈഡ്, 2എംപി മാക്രോ ഷൂട്ടർ എന്നിവ അടങ്ങുന്ന ട്രിപ്പിൾ റിയർ ക്യാമറ സംവിധാനമാണ് ഫോണിൽ പിന്നില്‍ ഉണ്ടാകുക. സെൽഫികൾക്കും വീഡിയോ കോളുകൾക്കുമായി 13 എംപി സെൽഫി ക്യാമറ സെൻസര്‍ മുന്നിലുണ്ടാകും.
ഇന്ത്യയില്‍ ഈ ഫോണിന് പ്രതീക്ഷിക്കുന്ന വിലയിലേക്ക് വന്നാല്‍ മോട്ടോ ജി51 5ജി സ്മാർട്ട്ഫോണിന് ഇന്ത്യയിൽ 20,000 രൂപയിൽ താഴെയായിരിക്കും വില എന്നാണ് ടെക് സൈറ്റുകള്‍ നല്‍കുന്ന സൂചന. ഇന്ത്യയിൽ ഇൻഡിഗോ ബ്ലൂ, ബ്രൈറ്റ് സിൽവർ എന്നീ രണ്ട് നിറങ്ങളിൽ ലഭ്യമാകും.