ഐഫോണില്‍ മടക്കാവുന്ന സ്‌ക്രീന്‍ സ്ഥാപിക്കാനുള്ള പദ്ധതി വളരെ പ്രാരംഭ ഘട്ടത്തിലായതിനാല്‍, ഇത് 2021 ഐഫോണിനുള്ളതല്ലെന്ന് ബ്ലൂംബെര്‍ഗിന്റെ റിപ്പോര്‍ട്ട് പറയുന്നു.
ഐഫോണിനായി മടക്കാവുന്ന ഒരു സ്‌ക്രീന്‍ നിര്‍മ്മിക്കുന്ന പദ്ധതിയുമായി ആപ്പിള്‍ മുന്നോട്ടുപോകുന്നതായി റിപ്പോര്‍ട്ട്. ഈ വര്‍ഷം തന്നെ ഇത്തരമൊരു ഫോള്‍ഡബിള്‍ സ്മാര്ട്ട് ഫോണിന്റെ സാങ്കേതികവിദ്യയുമായി ആപ്പിള്‍ രംഗത്തെത്തിയേക്കുമെന്നും സൂചന. പദ്ധതിയുടെ ഗവേഷണവിവരങ്ങളെക്കുറിച്ച് ആപ്പിള്‍ ഇതുവരെ സ്ഥിരീകരിച്ചിട്ടില്ല. പദ്ധതി വളരെ പ്രാരംഭ ഘട്ടത്തിലാണെങ്കിലും പൂര്‍ണ്ണമായും പ്രവര്‍ത്തിക്കുന്ന പ്രോട്ടോടൈപ്പ് പുറത്തുവന്നിട്ടില്ല. ഈ ഫോണ്‍ വൈകാതെ പുറത്തിറക്കുന്നില്ലെങ്കില്‍ ഭാവിയില്‍ ഐഫോണില്‍ ഉള്‍പ്പെടുത്താന്‍ കഴിയുന്ന മടക്കാവുന്നതും വഴക്കമുള്ളതുമായ സ്‌ക്രീനുകള്‍ക്കായി ഈ സാങ്കേതികവിദ്യ ആപ്പിള്‍ പരിശോധിക്കുന്നുമെന്നും റിപ്പോര്‍ട്ടുകള്‍ പറയുന്നു.
ഐഫോണില്‍ മടക്കാവുന്ന സ്‌ക്രീന്‍ സ്ഥാപിക്കാനുള്ള പദ്ധതി വളരെ പ്രാരംഭ ഘട്ടത്തിലായതിനാല്‍, ഇത് 2021 ഐഫോണിനുള്ളതല്ലെന്ന് ബ്ലൂംബെര്‍ഗിന്റെ റിപ്പോര്‍ട്ട് പറയുന്നു. 2021 ന് പകരം, ആപ്പിള്‍ വരാനിരിക്കുന്ന ഐഫോണ്‍ 13 ല്‍ ചെറിയ മാറ്റങ്ങള്‍ മാത്രമേ ചേര്‍ക്കൂ, അത് ഈ വര്‍ഷം സെപ്റ്റംബറിലോ ഒക്ടോബറിലോ ആരംഭിക്കും. കഴിഞ്ഞ വര്‍ഷം, ഐഫോണ്‍ 12-ല്‍ ആപ്പിള്‍ ഒരു പുതിയ ഡിസൈന്‍ പരീക്ഷിച്ചിരുന്നു. ഇതേ രൂപകല്‍പ്പന ഐഫോണ്‍ 13ലും ഉപയോഗിക്കാന്‍ സാധ്യതയുണ്ട്. ഐഫോണ്‍ 13ലെ ഏറ്റവും വലിയ മാറ്റം ഡിസ്‌പ്ലേയ്ക്ക് കീഴില്‍ ഫിംഗര്‍പ്രിന്റ് സെന്‍സര്‍ ഉള്‍പ്പെടുത്തുന്നതായിരിക്കുമെന്ന് ബ്ലൂംബര്‍ഗ് റിപ്പോര്‍ട്ട് ചെയ്യുന്നു. വണ്‍പ്ലസ് 8 പ്രോ പോലുള്ള മുന്‍നിര ആന്‍ഡ്രോയിഡ് ഫോണുകള്‍ ഇതിനകം ഡിസ്‌പ്ലേയിലുള്ള ഫിംഗര്‍പ്രിന്റ് സെന്‍സര്‍ ഉപയോഗിക്കുന്നു. ആപ്പിള്‍, ടച്ച്‌ഐഡി നീക്കംചെയ്യാന്‍ തീരുമാനിച്ചതിനാല്‍, ഫെയ്‌സ് ഐഡിയെ ആശ്രയിച്ചിരിക്കുന്നു. എങ്കിലും, 2020 ല്‍ ആളുകള്‍ മാസ്‌ക്ക് ധരിച്ചു കൊണ്ടു ഫോണുകള്‍ ഉപയോഗിച്ചതിനാല്‍ ഫെയ്‌സ് ഐഡിയുടെ പരിമിതികള്‍ വ്യക്തമായി.
undefined
അതുകൊണ്ടു തന്നെ, ആപ്പിള്‍ ഐഫോണ്‍ 13 ഡിസ്‌പ്ലേയില്‍ ഫിംഗര്‍പ്രിന്റ് സെന്‍സര്‍ ഉള്‍പ്പെടുത്താന്‍ സാധ്യതയുണ്ട്. ഫോള്‍ഡിങ് ഫോണുകള്‍ ഇപ്പോഴും വികസിത പാതയിലാണ്. സാംസങ് രണ്ട് ഫോണുകള്‍ ഇത്തരത്തില്‍ പുറത്തിറക്കി. ഈ വര്‍ഷം അവസാനത്തോടെ എല്‍ജി ഇത്തരമൊന്നു വിഭാവനം ചെയ്യുന്നു. ഷവോമിയും ഇതേ പാതയിലാണ്. അവരുടെ ഫോണിന്റെ പ്രോട്ടോടൈപ്പ് വെബില്‍ സജീവമാണ്. വലിയ സ്മാര്‍ട്ട്‌ഫോണ്‍ കമ്പനികള്‍ മടക്കാവുന്ന സ്‌ക്രീനുകളിലേക്ക് തിരിയുമ്പോള്‍, ആപ്പിളും അത്തരമൊരു സ്‌ക്രീന്‍ വൈകാതെ ഉള്‍പ്പെടുത്തുമെന്നു തന്നെയാണ് സൂചന.
ഐഫോണിനായി മടക്കാവുന്ന സ്‌ക്രീനുകളിലേക്ക് മാറാന്‍ ആപ്പിള്‍ തീരുമാനിച്ചാലും, 2022 ന് മുമ്പോ 2023 അല്ലെങ്കില്‍ 2024 ന് മുമ്പോ സംഭവിക്കാന്‍ സാധ്യതയില്ല. സാങ്കേതികവിദ്യ പൂര്‍ണ്ണമാണെന്ന് ഉറപ്പിച്ചതിനു ശേഷമേ ആപ്പിള്‍ പലപ്പോഴും പുതിയ രീതിയിലേക്ക് നീങ്ങുകയുള്ളൂ എന്ന് അവര്‍ തെളിയിച്ചിട്ടുണ്ട്. നിലവില്‍, മടക്കാവുന്ന സ്‌ക്രീനുകളുള്ള ഫോണുകള്‍ സാധാരണ ഹൈഎന്‍ഡ് ഫോണിനേക്കാള്‍ മികച്ചതല്ല. ഇന്‍ഡിസ്‌പ്ലേ ഫിംഗര്‍പ്രിന്റ് സെന്‍സറിനുപുറമെ, ഐഫോണ്‍ 12 നെ അപേക്ഷിച്ച് ഐഫോണ്‍ 13 ന് ചെറിയ മാറ്റങ്ങള്‍ മാത്രമേ ഉണ്ടാകൂ. ഇതിനര്‍ത്ഥം ഇതിന് സമാനമായ രൂപകല്‍പ്പന, സമാന ഡിസ്‌പ്ലേ വലുപ്പം, സമാന ക്യാമറകള്‍ എന്നിവ ഉണ്ടാകാന്‍ സാധ്യതയുണ്ട് എന്നാണ്.