ഈ സീസണില്‍ പി എസ് ജിയിക്ക് ലീഗ് കിരീടം സമ്മാനിച്ച എംബാപ്പെ ലോകകപ്പില്‍ ഫ്രാന്‍സിനെ ഫൈനലില്‍ എത്തിക്കുന്നതിലും നിര്‍ണായക പങ്കുവഹിച്ചു. ഫൈനലില്‍ ഹാട്രിക് നേടിയെങ്കിലും കൈയകലെ കിരീടം കൈവിട്ടു.
പാരീസ്: ഈ വര്‍ഷത്തെ ബാലണ്‍ ഡി ഓര്‍ പുരസ്കാരം സ്വന്തമാക്കാന്‍ താനും അര്‍ഹനാണെന്ന് തുറന്നു പറഞ്ഞ് ഫ്രാന്‍സിന്‍റെ യുവസൂപ്പര്‍ താരം കിലിയന്‍ എംബാപ്പെ. ലോകകപ്പ് ജേതാവായ ലിയോണല്‍ മെസിയും പ്രീമിയര്‍ ലീഗ് ടോപ് സ്കോററായ ഏര്‍ലിങ് ഹാളണ്ടും തമ്മിലായിരിക്കും ഇത്തവണ ബാലണ്‍ ഡി ഓറിനായി മത്സരമുണ്ടാകുക എന്ന റിപ്പോര്‍ട്ടുകള്‍ക്കിടെയാണ് താനും ബാലണ്‍ ഡി ഓറിന് അര്‍ഹനാണെന്ന് എംബാപ്പെ വ്യക്തമാക്കിയിരിക്കുന്നത്.
ഈ സീസണില്‍ പി എസ് ജിയിക്ക് ലീഗ് കിരീടം സമ്മാനിച്ച എംബാപ്പെ ലോകകപ്പില്‍ ഫ്രാന്‍സിനെ ഫൈനലില്‍ എത്തിക്കുന്നതിലും നിര്‍ണായക പങ്കുവഹിച്ചു. ഫൈനലില്‍ ഹാട്രിക് നേടിയെങ്കിലും കൈയകലെ കിരീടം കൈവിട്ടു. എങ്കിലും ലോകകപ്പിലെ ഗോള്‍വേട്ടക്കാരനുള്ള ഗോള്‍ഡന്‍ ബൂട്ട് സ്വന്തമാക്കി. സീസണില്‍ പി എസ്‌ജിയുടെയും ടോപ് സ്കോറര്‍ ആയ എംബാപ്പെ ക്ലബ്ബിനായും രാജ്യത്തിനായും 54 ഗോളുകളാണ് ഈ സീസണില്‍ അടിച്ചു കൂട്ടിയത്.
undefined
ബാലണ്‍ ഡി ഓര്‍ പോരാട്ടത്തില്‍ മെസിക്കൊപ്പം മത്സരിക്കുന്ന ഹാലണ്ടും 54 ഗോളുകളാണ് സീസണില്‍ നേടിയത്. ക്യാപ്റ്റനായി തെരഞ്ഞെടുക്കപ്പെട്ട എംബാപ്പെക്ക് കീഴില്‍ യുറോ യോഗ്യതാ പോരാട്ടത്തില്‍ ഫ്രാന്‍സ് തിങ്കളാഴ്ച ഗ്രീസിനെ മറികടന്നിരുന്നു. പെനല്‍ ലഭിച്ചശേഷം കിക്കെടുത്ത എംബാപ്പെക്ക് പിഴച്ചെങ്കിലും കിക്ക് എടുക്കുന്നതിന് മുമ്പ് ഗ്രീസ് താരങ്ങള്‍ ബോക്സില്‍ കയറിയതിനാല്‍ റഫറി വീണ്ടും കിക്കെടുക്കാന്‍ ആവശ്യപ്പെട്ടു. രണ്ടാം കിക്ക് വലയിലാക്കിയാണ് എംബാപ്പെ ഫ്രാന്‍സിന് വിജയം സമ്മാനിച്ചത്. ഈ ഗോളോടെയാണ് എംബാപ്പെ ഹാളണ്ടിന്‍റെ ഗോള്‍വേട്ടക്കൊപ്പമെത്തിയത്. മാഞ്ചസ്റ്റര്‍ സിറ്റിക്കൊപ്പം പ്രീമിയര്‍ ലീഗ്, ചാമ്പ്യന്‍സ് ലീഗ്, എഫ് എ കപ്പ് കിരീടങ്ങളാണ് ഹാളണ്ട് നേടിയത്.
ഹാളണ്ടിനല്ല, ഇത്തവണവും ബാലോണ്‍ ഡി ഓര്‍ മെസിക്ക് തന്നെ! വ്യക്തമായ കാരണമുണ്ടെന്ന് റൊണാള്‍ഡോ
ബാലണ്‍ ഡി ഓര്‍ സ്വന്തമാക്കാനുള്ള മാനദണ്ഡങ്ങളെല്ലാം താന്‍ പാലിക്കുന്നുണ്ടെന്നാണ് കരുതുന്നതെന്ന് ഗ്രീസിനെതിരായ മത്സരത്തിനുശേഷം എംബാപ്പെ ഫ്രഞ്ച് മാധ്യമത്തോട് പറഞ്ഞു. വ്യക്തിഗതമായ നേട്ടങ്ങളെക്കുറിച്ച് പറയുക ബുദ്ധിമുട്ടാണെങ്കിലും നമ്മള്‍ നമ്മുടെ പേര് തന്നെ പറയുന്നത് പൊതു സ്വീകാര്യത ഉണ്ടാക്കില്ല. എങ്കിലും ബാലണ്‍ ഡി ഓറിനുള്ള മാനദണ്ഡങ്ങളെല്ലാം ഞാന്‍ പൂര്‍ത്തീകരിച്ചിട്ടുണ്ടെന്നാണ് കരുതുന്നത്. ആളുകള്‍ വോട്ട് ചെയ്യുന്നതിന് അനുസരിച്ചാണല്ലോ വിജയിയെ തെരഞ്ഞെടുക്കുക. നമുക്ക് നോക്കാം എന്താണ് സംഭവിക്കുകയെന്ന്. ഞാനീക്കാര്യത്തില്‍ ശുഭാപ്തി വിശ്വാസിയാണ്- എംബാപ്പെ പറഞ്ഞു. കരീം ബെന്‍സെമയാണ് നിലവിലെ ജേതാവ്. സെപ്റ്റംബര്‍ ആറിന് ബാലണ്‍ ഡി ഓറിനുള്ള 30 താരങ്ങളുടെ ചുരുക്കപ്പട്ടിക പുറത്തുവിടുക. ഒക്ടോബര്‍ 16ന് ബാലണ്‍ ഡി ഓര്‍ ജേതാവിനെ വോട്ടെടുപ്പിലൂടെ പ്രഖ്യാപിക്കും.