വമ്പൻ നേട്ടവുമായി കൊറിയൻ ലാലേട്ടൻ.
മാ ഡോങ് സിയോക് മലയാളി സിനിമാ പ്രേക്ഷകരുടെയും പ്രിയങ്കരനാണ്. കാരണം മോഹൻലാലുമായുള്ള രൂപ സാദൃശ്യമാണ്. മോഹൻലാലിന്റ ലുക്കാണ് മാ ഡോങിനുമെന്ന് സിനിമാ ആരാധകര്‍ ചൂണ്ടിക്കാട്ടുന്നു. കൊറിയൻ ലാലേട്ടനെന്ന് മലയാളി പ്രേക്ഷകര്‍ വിളിക്കുന്ന മാ ഡോങ് സിയോകിന്റെ പുതിയ സിനിമ ദ റൗണ്ടപ്പ് പണിഷ്‍മെന്റ് വൻ ഹിറ്റായി മാറിയിരിക്കുകയാണ് എന്നാണ് ബോക്സ് ഓഫീസ് റിപ്പോര്‍ട്ട്.
കൊറിയൻ ബോക്സ് ഓഫീസില്‍ 467 കോടി രൂപയിലധികം മാ ഡോങ് സിയോകിന്റ സിനിമ നേടി എന്നാണ് റിപ്പോര്‍ട്ട്. കൊറിയൻ ബോക്സ് ഓഫീസില്‍ 2024ല്‍ ദ റൗണ്ടപ്പ് പണിഷ്‍മെന്റന്റെ മുന്നില്‍ എക്സ്ഹുമ മാത്രമാണ് ഉള്ളത്. കൊറിയൻ ബോക്സ് ഓഫീസില്‍ 794 കോടി രൂപയാണ് എക്സ്ഹുമ നേടിയിരിക്കുന്നതെന്നാണ് റിപ്പോര്‍ട്ട്. ദ റൗണ്ടപ്പ് പണിഷ്‍മെന്റ് സിനിമ എന്തായാലും വമ്പൻ ഹിറ്റായി മാറിയിരിക്കുകയാണ് എന്നാണ് കളക്ഷൻ റിപ്പോര്‍ട്ടുകള്‍ സൂചിപ്പിക്കുന്നത്.
undefined
ദ റൗണ്ടപ്പ് പണിഷ്‍മെന്റ് സിനിമ സംവിധാനം ചെയ്‍തിരിക്കുന്നത് ഹിയ മ്യൂങ് ഹേംഗ് ആണ്. ഇത് ഒരു ആക്ഷൻ ക്രൈം സിനിമ ആയിട്ടാണ് പ്രദര്‍ശനത്തിന് എത്തിയിരിക്കുന്നതെന്നാണ് റിപ്പോര്‍ട്ട്. ദ റൗണ്ടപ്പ് എന്ന സിനിമയുടെ നാലാം ഭാഗമായിട്ടാണ് മാ ഡോങ് സിയോക് നായകനായ ദ റൗണ്ടപ്പ് പണിഷ്‍മെന്റ് ഒരുക്കിയിരിക്കുന്നത്. ഒരു അന്വേഷണ ഉദ്യോഗസ്ഥൻ ആയിട്ടാണ് ചിത്രത്തില്‍ മാ ഡോങ് സിയോക് വേഷമിട്ടിരിക്കുന്നത്.
കൊറിയയില്‍ വൻ പ്രതിഫലം വാങ്ങിക്കുന്ന താരമാണ് മാ ഡോങ് സിയോകെന്നാണ് റിപ്പോര്‍ട്ട്. മാ ഡോങ് സിയോകിന് 4.14 കോടി രൂപയാണ് പ്രതിഫലം. നെയിംലെസ് ഗ്യാങ്സ്റ്റര്‍ റൂള്‍സ് ഓഫ് ദ ടൈം എന്ന ഹിറ്റിനു പുറമേ ദ അണ്ജസ്റ്റലെയും വേഷം സിയോകിനെ പ്രശസ്‍തനാക്കി. ട്രെയിൻ ടു ബുസാൻ എന്ന ചിത്രത്തിലെ വേഷമാണ് മാ ഡോങ്ങിനെ അന്താരാഷ്‍ട്ര പ്രശസ്‍തിയിലേക്ക് ഉയര്‍ത്തുന്നത്.
Read More: വീണ്ടുമെത്തിയപ്പോള്‍ ഗില്ലി ശരിക്കും നേടിയത് എത്ര?, കണക്കുകള്‍ പുറത്ത്
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക