കേരളത്തില്‍ പ്രീ സെയിലില്‍ ആ ചിത്രം മാത്രമാണ് കങ്കുവയ്‍ക്ക് മുന്നിലെന്നാണ് റിപ്പോര്‍ട്ട്.
രാജ്യമൊന്നടങ്കം കാത്തിരിക്കുന്ന ചിത്രമാണ് കങ്കുവ. നവംബര്‍ 14നാണ് ചിത്രത്തിന്റെ റിലീസ്. സൂര്യയുടെ കങ്കുവയുടെ അഡ്വാൻസ് ബുക്കിംഗ് തുടങ്ങിയതു മുതല്‍ വലിയ ഹൈപ്പും ആണ്. കേരളത്തിലും റിലീസിന്റെ അഡ്വാൻസ് ബുക്കിംഗ് കളക്ഷൻ കണക്കുകള്‍ ഞെട്ടിക്കുന്നതാണ് എന്നാണ് റിപ്പോര്‍ട്ട്.
കേരളത്തില്‍ പ്രീ സെയില്‍ രണ്ട് കോടി കവിഞ്ഞിരിക്കുകയാണ്. വേട്ടയ്യന്റെ പ്രി സെയില്‍ കളക്ഷൻ ചിത്രം ഓപ്പണിംഗിന് മറികടന്നിരിക്കുന്നു. ഒരു തമിഴ് ചിത്രമാണ് അഡ്വാൻസ് കളക്ഷനില്‍ കങ്കുവയ്‍ക്ക് മുന്നിലുള്ളത്. തമിഴകത്തിന്റെ വിജയ് നായകനായി വന്ന ദ ഗോട്ട് മാത്രമാണ് പ്രീ സെയില്‍ കളക്ഷനില്‍ കങ്കുവയ്‍ക്ക് മുന്നിലുള്ളത്.
കങ്കുവ എന്ന സിനിമയിലെ നായക താരമായ സൂര്യക്ക് പുറമേ നടരാജൻ സുബ്രഹ്‍മണ്യൻ, ആനന്ദരാജ്, ദിഷാ പഠാണി, റെഡിൻ കിംഗ്‍സ്‍ലെ, ടി എം കാര്‍ത്തിക്, ജി മാരിമുത്ത്, ദീപാ വെങ്കട്, ബാല ശരവണൻ, രവി രാഘവേന്ദ്ര, കെ എസ് രവികുമാര്‍, ഷാജി ചെൻ, ബി എസ് അവിനാശ്, അഴകം പെരുമാള്‍, പ്രേം കുമാര്‍, കരുണാസ്, രാജ് അയ്യപ്പ, ബോസ് വെങ്കട് എന്നിവരും മറ്റ് പ്രധാന കഥാപാത്രങ്ങളായി ഉണ്ടാകുമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. സിരുത്തൈ ശിവയ്‍ക്കും മദൻ കര്‍ക്കിക്കുമൊപ്പം തിരക്കഥ എഴുതുന്നത് ആദി നാരായണനും ആണ്. വെട്രി പളനിസ്വാമിയാണ് വരാനിരിക്കുന്ന സൂര്യ ചിത്രമായ കങ്കുവയുടെ ഛായാഗ്രാഹണം. ദേവി ശ്രീ പ്രസാദാണ് സംഗീതം.
കങ്കുവയുടെ ബജറ്റ് ഏകദേശം 350 കോടിയോളമാണ് എന്ന് റിപ്പോര്‍ട്ടുകള്‍ സൂചിപ്പിക്കുന്നു. ഇരട്ട വേഷത്തിലാണ് ചിത്രത്തില്‍ സൂര്യയുണ്ടാകുക. സൂര്യ ടൈറ്റില്‍ കഥാപാത്രമായ കങ്കുവയെ ചിത്രത്തില്‍ അവതരിപ്പിക്കുന്നു. രണ്ടാമത്തേത് പുതിയ കാലത്തെ ഒരു കഥാപാത്രമായ ഫ്രാൻസിസ് ആണ്.
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക