അമർ കൗശിക്കിന്റെ ഹൊറർ-കോമഡി ചിത്രം സ്ത്രീ 2 ഇന്ത്യൻ ബോക്സ് ഓഫീസിൽ തരംഗം സൃഷ്ടിക്കുകയാണ്. രൺബീർ കപൂറിന്റെ ആനിമലിന്റെ ലൈഫ് ടൈം കളക്ഷൻ മറികടന്ന ചിത്രം ഇതിനകം 508 കോടി രൂപ നേടി.
മുംബൈ: രൺബീർ കപൂർ നായകനായ ബ്ലോക്ക്ബസ്റ്റർ ആനിമലിന്റെ ഇന്ത്യയിലെ ലൈഫ് ടൈം കളക്ഷനെ മറികടന്ന് അമർ കൗശിക്ക് സംവിധാനം ചെയ്ത ഹൊറർ-കോമഡി ചിത്രം സ്ത്രീ 2. ഇൻഡസ്ട്രി ട്രാക്കർ സാക്നിൽക് പറയുന്നതനുസരിച്ച്, ചിത്രം ശക്തമായ മൂന്നാം വാരാന്ത്യത്തിന് ശേഷം തിങ്കളാഴ്ച 6.5 കോടി രൂപയാണ് നേടിയത്. അതായത് ചിത്രം ശക്തമായി തന്നെ മുന്നോട്ട് പോവുകയാണ് എന്ന് സാരം.
സന്ദീപ് റെഡ്ഡി വംഗയുടെ ആനിമൽ സൃഷ്ടിച്ച 505 കോടിയുടെ ആജീവനാന്ത റെക്കോർഡ് മറികടന്ന്, ഔദ്യോഗിക കണക്കുകൾ പ്രകാരം സ്ത്രീ 2 19 ദിവസത്തെ 508 കോടി രൂപയായി ഇന്ത്യന്‍ കളക്ഷന്‍ ഉയര്‍ത്തി. ആഗോളതലത്തിൽ, സ്ട്രീ 2 700 കോടി രൂപ നേടിയെന്നാണ് വിവരം. 1000 കോടിയിലധികം നേടിയ കൽക്കി 2898 എഡിക്ക് പിന്നിൽ ഈ വർഷത്തെ ഏറ്റവും ഉയർന്ന രണ്ടാമത്തെ ഇന്ത്യന്‍ സിനിമയിലെ ഗ്രോസറായി സ്ത്രീ 2 മാറി. ബജറ്റ് വച്ച് നോക്കിയാല്‍ സൂപ്പര്‍ ഡ്യൂപ്പര്‍ ഹിറ്റ് എന്നും പറയാം.
സ്ട്രീ 2 ബോക്സ് ഓഫീസിൽ ഇതേ കുതിപ്പ് തുടര്‍ന്നാല്‍ കൂടുതൽ റെക്കോർഡുകൾ തകർക്കാൻ സാധ്യതയുണ്ട്. എസ്എസ് രാജമൗലിയുടെ ബാഹുബലി 2: ദി കൺക്ലൂഷന്‍, പഠാന്‍, ഗദർ 2 എന്നിവയുടെ ഇന്ത്യന്‍ കളക്ഷന്‍ റെക്കോഡ് സ്ത്രീ 2 ഈ ആഴ്ച തകര്‍ത്തേക്കും.
ശ്രദ്ധ കപൂര്‍ നായികായി എത്തു സ്ത്രീ 2വിന്‍റെ ബജറ്റ് 50 കോടിയാണ്. ഈ ചിത്രത്തില്‍ വിക്കിയായി രാജ്‍കുമാര്‍ റാവുവും ജനയായി അഭിഷേക് ബാനര്‍ജിയും രുദ്രയായി പങ്കജ് ത്രിപഠിയും ബിട്ടുവായി അപര്‍ശക്തി ഖുറാനയും വിക്കിയുടെ അച്ഛനായി അതുല്‍ ശ്രീവാസ്‍തവയും എംഎല്‍എയായി മുഷ്‍താഖ് ഖാനും ചിട്ടിയായി ആര്യ സിംഗും നരേന്ദ്രയായി ആകാഷ് ദഭാഡെയും അഞ്ജു ഭാഭിയായി വിപാഷ അരവിന്ദും ഉണ്ട്. ഛായാഗ്രാഹണം നിര്‍വഹിച്ചിരിക്കുന്നത് ജിഷ്‍ണു ഭട്ടാചാരിയാണ്. സംഗീതം സച്ചിൻ- ജിഗാറാണ്.
ബോളിവുഡില്‍ ഒരു കോമഡി ഹൊറര്‍ ചിത്രമായിട്ടാണ് സ്ത്രീ 2 ഒരുക്കിയിരിക്കുന്നത്. തിരക്കഥ നിരെണ്‍ ഭട്ടാണ്. 2018 ല്‍ ഇറങ്ങിയ സ്ത്രീ എന്ന ചിത്രത്തിന്‍റെ രണ്ടാം ഭാഗമാണ് സ്ത്രീ2. രാജ്‍കുമാര്‍ റാവുവും ശ്രദ്ധ കപൂറായിരുന്നു അതിലേയും താരങ്ങള്‍. സ്ത്രീ അന്ന് ഏകദേശം 180.76 കോടി രൂപ നേടിയപ്പോള്‍ രാജ്‍കുമാര്‍ റാവുവിനൊപ്പം സ്ത്രീ 2വിലെ താരനിര തന്നെ അണി നിരന്നിരുന്നു.
മഡ്ഡോക്ക് ഫിലിംസിന്‍റെ സൂപ്പര്‍നാച്ചുറല്‍ യൂണിവേഴ്സിലെ ചിത്രമാണ് സ്ത്രീ 2. 2018-ൽ അമർ കൗശിക് സംവിധാനം ചെയ്ത് രാജ്കുമാർ റാവുവും ശ്രദ്ധ കപൂറും അഭിനയിച്ച സ്ത്രീയില്‍ ആരംഭിച്ചതാണ് മഡ്ഡോക്ക് ഫിലിംസിന്‍റെ സൂപ്പര്‍നാച്ചുറല്‍ യൂണിവേഴ്സ്. 2022-ൽ വരുൺ ധവാനും കൃതി സനോണും അഭിനയിച്ച ഭേഡിയ എന്ന ചിത്രത്തിന് ശേഷം. ഫ്രാഞ്ചൈസിലെ അടുത്ത ചിത്രമായി എത്തിയത് മുഞ്ജ്യ എന്ന ചിത്രമാണ്. ഇതും വലിയ വിജയമാണ് അതിന് ശേഷമാണ് ഓഗസ്റ്റ് 15ന് സ്ത്രീ 2 എത്തിയത്.
എഡി 2209 ല്‍ നടക്കുന്ന കഥ: കിച്ച സുദീപിന്‍റെ 'ബില്ല രംഗ ബാഷ' ഒരുങ്ങുന്നു