അമർ കൗശിക് ചിത്രം സ്ത്രീ 2 അഞ്ചാം വാരാന്ത്യ കളക്ഷൻ റെക്കോർഡുകൾ തകർത്തു, മൊത്തം കളക്ഷൻ 547.25 കോടി രൂപയിലെത്തി. ഈ ബോക്സോഫീസ് വിജയം ചിത്രത്തെ ജവാൻ്റെ ആജീവനാന്ത കളക്ഷൻ റെക്കോർഡിനോട് അടുപ്പിക്കുന്നു.
മുംബൈ: അമർ കൗശിക് സംവിധാനം ചെയ്ത ഹൊറർ കോമഡി സ്ത്രീ 2 എക്കാലത്തെയും വലിയ അഞ്ചാം വാരാന്ത്യം റെക്കോർഡ് കളക്ഷന്‍ നേടി ചരിത്രം കുറിച്ചിരിക്കുകയാണ്. ശ്രദ്ധ കപൂറും രാജ്കുമാർ റാവുവും പ്രധാന വേഷത്തില്‍ എത്തുന്ന സ്ത്രീ 2വിന്‍റെ ബോക്സോഫീസ് ഓട്ടം ഉടനൊന്നും നില്‍ക്കില്ലെന്നാണ് ഇത് തെളിയിക്കുന്നത്. ദിനേശ് വിജനും ജിയോ സ്റ്റുഡിയോയും ചേർന്ന് നിർമ്മിച്ച ചിത്രം അഞ്ചാം വാരാന്ത്യത്തിൽ 15.25 കോടി രൂപ കളക്ഷൻ നേടി. ഇതോടെ ഈ സൂപ്പര്‍ നാച്വറല്‍ ത്രില്ലറിന്‍റെ മൊത്തം കളക്ഷൻ 547.25 കോടി രൂപയിലെത്തി.
വിക്കി കൗശൽ നയിക്കുന്ന ഉറി: ദ സർജിക്കൽ സ്‌ട്രൈക്കിൻ്റെ അഞ്ചാം വാരാന്ത്യ റെക്കോഡ് സ്ത്രീ 2 മറികടന്നു. അഞ്ചാം വാരാന്ത്യത്തിൻ്റെ അവസാനത്തിൽ, ജവാൻ്റെ (ഹിന്ദി) ആജീവനാന്ത കളക്ഷനിൽ നിന്ന് വെറും 8 കോടി രൂപ മാത്രം അകലെയാണ് സ്ത്രീ 2. ഇപ്പോഴത്തെ കണക്ക് പ്രകാരം ഈ വാരത്തിൻ്റെ അവസാനത്തോടെ ഹിന്ദി സിനിമാ ചരിത്രത്തിലെ ഏറ്റവും വലിയ ഗ്രോസറായി സ്ത്രീ 2 മാറും.
അറ്റ്‌ലി സംവിധാനം ചെയ്ത ജവാന്‍ ഹിന്ദിയിൽ 555.50 കോടി രൂപ നേടിയിരുന്നു.കഴിഞ്ഞ വര്‍ഷത്തെ ബോക്സോഫീസ് വിന്നറായിരുന്നു ഷാരൂഖ് ഖാൻ ചിത്രം ജവാന്‍.
രാജ്‍കുമാര്‍ റാവു, ശ്രദ്ധ കപൂര്‍, പങ്കജ് ത്രിപാഠി എന്നിവരെ പ്രധാന കഥാപാത്രങ്ങളാക്കി അമര്‍ കൗശിക് സംവിധാനം ചെയ്ത സ്ത്രീ 2 എന്ന ചിത്രമാണ് ബോക്സ് ഓഫീസില്‍ തകര്‍പ്പന്‍ സംഖ്യകള്‍ നേടുന്നത്. ഓഗസ്റ്റ് 15 നായിരുന്നു ചിത്രത്തിന്‍റെ റിലീസ്.
അതേസമയം ആഗോള ബോക്സ് ഓഫീസില്‍ നിന്ന് സ്ത്രീ 2 ഇതിനകം 760 കോടി നേടിയിട്ടുണ്ട്. ആഗോള കളക്ഷനില്‍ ജവാനും (1100 കോടി) പഠാനുമടക്കം (1050 കോടി) നിരവധി ചിത്രങള്‍ സ്ത്രീ 2 ന് മുന്നില്‍ ഉണ്ട്.
ഓണദിനത്തില്‍ കുഞ്ഞിന്‍റെ മുഖം ആദ്യമായി ലോകത്തിന് കാണിച്ച് അമലപോള്‍
'സ്ക്വിഡ് ഗെയിം' ഈ ബോളിവുഡ് ചിത്രത്തിന്‍റെ മോഷണമെന്ന് ആരോപണം: ഇന്ത്യന്‍ സംവിധായന്‍ കേസിന്