രണ്ടാം ദിനമായ ശനിയാഴ്ചയും റിലീസ് സെന്‍ററുകളില്‍ ചിത്രത്തിന് മികച്ച ബുക്കിംഗ് ആണ് ലഭിക്കുന്നത്.
കായംകുളം കൊച്ചുണ്ണി എന്ന വിജയ ചിത്രത്തിനു ശേഷം റോഷന്‍ ആന്‍ഡ്രൂസും നിവിന്‍ പോളിയും ഒന്നിച്ച ചിത്രമാണ് സാറ്റര്‍ഡേ നൈറ്റ്. പുതുതലമുറയിലെ യുവാക്കളുടെ സൌഹൃദത്തിന്‍റെ കഥ പറയുന്ന ആഘോഷ ചിത്രം ഇന്നലെയാണ് തിയറ്ററുകളില്‍ എത്തിയത്. മികച്ച തിയറ്റര്‍ കൌണ്ടുമായി എത്തിയ ചിത്രത്തിന്‍റെ റിലീസ് ദിന കളക്ഷന്‍ പുറത്തെത്തിയിരിക്കുകയാണ് ഇപ്പോള്‍. ആഗോള ബോക്സ് ഓഫീസില്‍ നിന്ന് ആദ്യ ദിനം ചിത്രം നേടിയത് 3.27 കോടിയാണെന്ന് ചിത്രവുമായി ബന്ധപ്പെട്ട കേന്ദ്രങ്ങള്‍ അറിയിക്കുന്നു.
തല്ലുമാലയ്ക്കു ശേഷം റിലീസ്‍ദിനത്തില്‍ തിയറ്ററുകളില്‍ യുവപ്രേക്ഷകര്‍ കൂട്ടമായെത്തിയ ചിത്രമാണ് സാറ്റര്‍ഡേ നൈറ്റ്. സൌഹൃദങ്ങള്‍ക്ക് ഏറെ വില കല്‍പ്പിക്കുന്ന സ്റ്റാന്‍ലി എന്ന കഥാപാത്രമായി നിവിന്‍ പോളി എത്തുന്ന ചിത്രത്തില്‍ സിജു വില്‍സണ്‍, സൈജു കുറുപ്പ്, അജു വര്‍ഗീസ് എന്നിവരും പ്രധാന വേഷങ്ങളില്‍ എത്തുന്നു. രണ്ടാം ദിനമായ ശനിയാഴ്ചയും റിലീസ് സെന്‍ററുകളില്‍ ചിത്രത്തിന് മികച്ച ബുക്കിംഗ് ആണ് ലഭിക്കുന്നത്.
undefined
നവീൻ ഭാസ്‌കര്‍ ആണ് ചിത്രത്തിന് തിരക്കഥ ഒരുക്കിയിരിക്കുന്നത്. ദുബൈ, ബെംഗളൂരു, മൈസൂര്‍ എന്നിവിടങ്ങളിലായി ചിത്രീകരിച്ച സിനിമ അജിത്ത് വിനായക ഫിലിംസിന്റെ ബാനറില്‍ വിനായക അജിത്ത് ആണ് നിര്‍മ്മിച്ചിരിക്കുന്നത്. സാനിയ ഇയ്യപ്പന്‍, മാളവിക, പ്രതാപ് പോത്തന്‍, ശാരി, വിജയ് മേനോന്‍, അശ്വിന്‍ മാത്യു എന്നിവരാണ് മറ്റ് താരങ്ങള്‍.
ഛായാഗ്രഹണം അസ്‍ലം പുരയില്‍, എഡിറ്റിംഗ് ടി ശിവനടേശ്വരന്‍, സംഗീതം ജേക്സ് ബിജോയ്, പ്രൊഡക്ഷന്‍ ഡിസൈന്‍ അനീസ് നാടോടി, മേക്കപ്പ് സജി കൊരട്ടി, വസ്ത്രാലങ്കാരം സുജിത്ത് സുധാകരന്‍, കളറിസ്റ്റ് ആശിര്‍വാദ്, ഡിഐ പ്രൈം ഫോക്കസ് മുംബൈ, സൗണ്ട് ഡിസൈന്‍ രംഗനാഥ് രവി, ഓഡിയോഗ്രഫി രാജാകൃഷ്ണൻ എം ആർ, ആക്ഷന്‍ കൊറിയോഗ്രഫി അലന്‍ അമിന്‍, മാഫിയ ശശി, കൊറിയോഗ്രാഫര്‍ വിഷ്ണു ദേവ, സ്റ്റില്‍സ് സലിഷ് പെരിങ്ങോട്ടുകര, പൊമോ സ്റ്റില്‍സ് ഷഹീന്‍ താഹ, പ്രൊഡക്ഷന്‍ കണ്‍ട്രോളര്‍ നോബിള്‍ ജേക്കബ്, കലാസംവിധാനം ആല്‍വിന്‍ അഗസ്റ്റിന്‍, മാര്‍ക്കറ്റിങ് കണ്‍സള്‍ട്ടന്റ്‌സ് വിവേക് രാമദേവന്‍, ഡിസൈന്‍സ് ആനന്ദ് രാജേന്ദ്രന്‍.