ഹൃത്വിക് റോഷന്റെ ഫൈറ്ററിന് നേട്ടം.
ഹൃത്വിക് റോഷൻ നായകനായി പ്രദര്‍ശനത്തിനെത്തിയ ചിത്രമാണ് ഫൈറ്റര്‍. വൻ ഹൈപ്പിലായിരുന്നു ഹൃത്വിക് റോഷൻ ചിത്രം പ്രദര്‍ശനത്തിനെത്തിയത്. ബോക്സ് ഓഫീസിലും അത് പ്രതിഫലിച്ചിരുന്നു. മൂന്നാമാഴ്‍ചയിലും ഹൃത്വിക് റോഷന്റെ ഫൈറ്ററിന് കളക്ഷനില്‍ മികച്ച നേട്ടമുണ്ടാക്കാനായി എന്നാണ് ബോക്സ് ഓഫീസ് റിപ്പോര്‍ട്ട്
ഹൃത്വിക്കിന്റെ ഫൈറ്ററിന് മൂന്നാം വെള്ളിയാഴ്‍ചത്തെ കളക്ഷൻ ഇന്ത്യയില്‍ നിന്ന് മാത്രമായി നേടാനായത് 1.6 കോടിയും തുടര്‍ന്നുള്ള ദിവസങ്ങളില്‍ യഥാക്രമം 3.50 കോടി, നാല് കോടി, ഒരു കോടി, ഒരു കോടി, 1.60 കോടി എന്നിങ്ങനയും മൂന്നാം വ്യാഴാഴ്‍ച 0.90 ലക്ഷവുമാണ് എന്നാണ് ബോക്സ് ഓഫീസ് റിപ്പോര്‍ട്ട്. സംവിധായകൻ സിദ്ധാര്‍ഥ് ആനന്ദിന്റെ പുതിയ ചിത്രത്തില്‍ ദീപിക പദുക്കോണ്‍ നായികയായി എത്തിയപ്പോള്‍ മൂന്നാമാഴ്‍ച മൊത്തം 13.60 കോടി രൂപയും ഇന്ത്യയില്‍ നിന്ന് ആകെ 201 കോടി രൂപയില്‍ അധികവും നേടാനായി എന്നാണ് റിപ്പോര്‍ട്ട്. ഛായാഗ്രാഹണം സത്‍ചിത് പൗലോസാണ്. അനില്‍ കപൂറും ഒരു പ്രധാനപ്പെട്ട കഥാപാത്രത്തെ അവതരിപ്പിക്കുന്ന ഫൈറ്ററില്‍ സഞ്‍ജീദ ഷെയ്‍ക്കും നിര്‍ണായക വേഷത്തില്‍ ഉണ്ട്..
undefined
ഹൃത്വിക് റോഷൻ നായകനായി മുമ്പെത്തിയ ചിത്രം വിക്രം വേദയാണ്. തമിഴ് പ്രേക്ഷകരെ അമ്പരപ്പിച്ച ഒരു ചിത്രമായ വിക്രം വേദയുടെ അതേ പേരിലുള്ള ഹിന്ദി റീമേക്കിലായിരുന്നു ഹൃത്വിക് റോഷൻ നായകനായത്. സംവിധാനം പുഷ്‍കര്‍- ഗായത്രി ദമ്പതിമാരാണ്. ഹൃത്വിക് റോഷൻ നായകനായ ബോളിവുഡ് ചിത്രം ഭുഷൻ കുമാര്‍, കൃഷൻ കുമാര്‍, എസ് ശശികാന്ത് എന്നിവരാണ് നിര്‍മിച്ചത്.
ഹൃത്വിക് റോഷനു പുറമേ ഹിന്ദി ചിത്രത്തില്‍ സെയ്‍ഫ് അലിഖാൻ, രാധിക ആംപ്‍തെ, രോഹിത്ത് സറഫ്, യോഗിത ബിഹാനി, ഷരീബ് ഷാഷ്‍മി തുടങ്ങിയവരും കഥാപാത്രങ്ങളായി. പി എസ് വിനോദാണ് ഛായാഗ്രാഹണം. സാം സി എസ് പശ്ചാത്തല സംഗീതം നിര്‍വഹിച്ച വിക്രം വേദയുടെ പാട്ടുകള്‍ വിശാല്‍ ദദ്‍ലാനി, ശേഖര്‍ രവ്‍ജിയാനി എന്നിവര്‍ ഒരുക്കിയപ്പോള്‍ ഹിറ്റായിരുന്നു. ഇന്ത്യക്ക് പുറമേ 104 രാജ്യങ്ങളിലായിട്ട് ചിത്രം റിലീസ് ചെയ്‍തപ്പോള്‍ മോശമല്ലാത്ത പ്രതികരണം ലഭിച്ചിരുന്നുവെന്നാണ് ബോക്സ് ഓഫീസ് റിപ്പോര്‍ട്ട്.
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക