'തുടരുമിലേക്ക് ആദ്യം പരിഗണിച്ചത് ശോഭനയെ അല്ല', ആ നായികയെ വെളിപ്പെടുത്തി സംവിധായകൻ തരുണ്‍ മൂര്‍ത്തി

എന്തുകൊണ്ടാണ് ആ നായിക പിൻമാറിയതെന്നും പറയുന്നു സംവിധായകൻ തരുണ്‍ മൂര്‍ത്തി.

മോഹൻലാല്‍ നായകനായി വരാനിരിക്കുന്നതാണ് തുടരും. ശോഭനയാണ് മോഹൻലാലിന്റെ നായികയായി എത്തുന്നത്. ലളിത എന്ന കഥാപാത്രമായാണ് ശോഭനയെത്തുന്നത്. ആ വേഷത്തിലേക്ക് ജ്യോതികയെയും പരിഗണിച്ചിരുന്നുവെന്ന് സംവിധായകൻ തരുണ്‍ മൂര്‍ത്തി വെളിപ്പെടുത്തിയതാണ് ഇപ്പോള്‍ ശ്രദ്ധയാകര്‍ഷിക്കുന്നത്.

ജ്യോതികയോട് കഥ പറഞ്ഞിരുന്നുവെന്നും വെളിപ്പെടുത്തുന്നു സംവിധായകൻ തരുണ്‍ മൂര്‍ത്തി. കഥ ജ്യോതികയ്‍ക്ക് ഇഷ്‍ടപ്പെടുകയും ചെയ്‍തിരുന്നുവെന്നു പറയുന്നു തരുണ്‍ മൂര്‍ത്തി. എന്നാല്‍ ആ സമയത്ത് സൂര്യയും ജ്യോതികയും ഒരു വേള്‍ഡ് ടൂര്‍ പ്ലാൻ ചെയ്‍തിരുന്നുവെന്നും സൂര്യ തുടരുമിന് പിന്തുണ നല്‍കിയിരുന്നു എന്നും എന്തുകൊണ്ടാണ് മലയാളത്തിലേതു പോലെ കലാമൂല്യവും വാണിജ്യവും ഇടകലരുന്ന സിനിമ തമിഴിലേക്ക് വരാതിരിക്കുന്നതെന്നും ജ്യോതിക ചര്‍ച്ച ചെയ്‍തിരുന്നുവെന്നും തരുണ്‍ മൂര്‍ത്തി വ്യക്തമാക്കുന്നു . എന്നാല്‍ വേള്‍ഡ് ടൂര്‍ ക്യാൻസല്‍ ചെയ്യേണ്ടി വരും എന്നതിനാലാണ് പിൻമാറേണ്ടി വന്നത് എന്നതും തുടരുമിലേക്ക് പിന്നീട് ശോഭന എത്തുകയായിരുന്നു എന്നും തരുണ്‍ മൂര്‍ത്തി വെളിപ്പെടുത്തുന്നു.

വൻ തുകയ്‍ക്കാണ് ഹോട്‍സ്റ്റാര്‍ ചിത്രത്തിന്റെ ഒടിടി റൈറ്റ്‍സ് നേടിയിരിക്കുന്നത് എന്നുമാണ് റിപ്പോര്‍ട്ട്. തുടരുമിലെ പ്രമേയത്തിലെ ഓരോ രംഗത്തെ കുറിച്ചും വലിയ കൗതുകമായിരുന്നു മോഹൻലാലിന് എന്ന് സംവിധായകൻ തരുണ്‍ മൂര്‍ത്തി വ്യക്തമാക്കിയിരുന്നു. കഥ കേട്ടപ്പോള്‍ ആവേശഭരിതനായെന്നാണ് മോഹൻലാല്‍ പറഞ്ഞത് എന്നും ചര്‍ച്ചയായി മാറിയ തുടരും സംവിധായകൻ തരുണ്‍ മൂര്‍ത്തി വെളിപ്പെടുത്തി. നായകൻ മോഹൻലാലിന്റെ ലുക്കുകള്‍ നേരത്തെ ചിത്രത്തിലേതായി പുറത്തുവിട്ടത് ശ്രദ്ധയാകര്‍ഷിച്ചിരുന്നു.

രജപുത്ര നിര്‍മിക്കുന്ന ഒരു മോഹൻലാല്‍ ചിത്രമാണ് തുടരും. മലയാള മോഹൻലാല്‍ നായകനാകുമ്പോള്‍ കഥാപാത്രം പത്തനംതിട്ട ജില്ലയിലെ റാന്നിയിലെ ഒരു സാധാരണക്കാരനാണ്. മോഹൻലാല്‍ ഒരു റിയലിസ്‍റ്റിക് നായക കഥാപാത്രത്തെ ആണ് അവതരിപ്പിക്കുന്നുവെന്നത് എന്നതാണ് ചിത്രത്തിന്റെ പ്രധാന പ്രത്യേകത. തരുണ്‍ മൂര്‍ത്തിയുടെ സംവിധാനത്തിലുള്ള തുടരും സിനിമ സാധാരണ മനുഷ്യരുടേയും അവരുടെ ജീവിതത്തേയും പ്രധാനമായും ഫോക്കസ് ചെയ്യുന്ന ഒന്നായിരിക്കുമെന്നാണ് റിപ്പോര്‍ട്ട്. തരുണ്‍ മൂര്‍ത്തിയും സുനിലും ചേര്‍ന്നാണ് തിരക്കഥ എഴുതിയിരിക്കുന്നത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക