സായ് പല്ലവി നായികയാകുന്ന അമരന്റെ വീഡിയോ പുറത്ത്.
സായ് പല്ലവി നായികയായി വരാനിരിക്കുന്ന ചിത്രമാണ് അമരൻ. സായ് പല്ലവിയുടെ കഥാപാത്രത്തെ പരിചയപ്പെടുത്തി വീഡിയോ പുറത്തുവിട്ടു. ഇന്ദു റബേക്ക വര്ഗീസ് ആയിട്ടാണ് ചിത്രത്തില് സായ് പല്ലവിയുണ്ടാകുക. സായ് പല്ലവിയുടെ കഥാപാത്രത്തെ പരിചയപ്പെടുത്തുന്ന വീഡിയോ ശ്രദ്ധയാകര്ഷിക്കുകയാണ് എന്നാണ് റിപ്പോര്ട്ടുകള് സൂചിപ്പിക്കുന്നത്.
യുദ്ധത്തിന്റെ പശ്ചാത്തലവും പ്രമേയമായി വരുന്ന ചിത്രം ഒക്ടോബര് 31നാണ് റിലീസ് ചെയ്യുക. സംവിധാനം രാജ്കുമാര് പെരിയസ്വാമി നിര്വഹിക്കുന്ന ചിത്രത്തില് ഭുവൻ അറോറ, രാഹുല് ബോസ് തുടങ്ങിയവര്ക്കൊപ്പം ശ്രീകുമാര്, വികാസ് ബംഗര് എന്നീ താരങ്ങളും പ്രധാന വേഷത്തിലെത്തുന്നു എന്നാണ് റിപ്പോര്ട്ട്. സായ് പല്ലവി ശിവകാര്ത്തികേയൻ നായകനാകുന്ന ചിത്രത്തില് നായികയായിട്ടാണ് ഉണ്ടാകുക. കശ്മീരിലടക്കം ചിത്രികരിച്ച അമരൻ എന്ന സിനിമയുടെ നിര്മാണം കമല്ഹാസന്റെ രാജ് കമലിന്റെ ബാനറില് ആണ്.
സായ് പല്ലവി നായികയായി വരാനിരിക്കുന്ന ചിത്രമാണ് തണ്ടേലും. തണ്ടേല് ഒരു യഥാര്ഥ സംഭവത്തിന്റെ കഥയാണ് പ്രമേയമാക്കുന്നതെന്നാണ് റിപ്പോര്ട്ട്. ശ്രീകാകുളത്തില് നിന്നുള്ള മത്സ്യത്തൊഴിലാളികളുടെ യഥാര്ഥ കഥയാണ് തണ്ടലിന്റേത്. എന്തായാലും നാഗചൈതന്യയുടെ തണ്ടേല് സിനിമയുടെ കഥയുടെ സൂചനകള് പുറത്തായത് ചര്ച്ചയായി മാറിയിട്ടുണ്ട്.
സായ് പല്ലവി നായികയാകുമ്പോള് തണ്ടേല് ചിത്രത്തില് നായകനായി വേഷമിടുന്നത് നാഗചൈതന്യ ആണ്. സ്വന്തം അവകാശങ്ങള്ക്കായി പോരാടുന്ന യുവതിയായ കഥാപാത്രമായിട്ടാണ് സായ് പല്ലവി തണ്ടേലില് നായികയാകുന്നത്. നായകനായ നാഗചൈതന്യക്ക് പ്രതിഫലം ഏഴ് കോടിയായിരിക്കും എന്ന് വ്യക്തമായിട്ടുണ്ടെങ്കിലും സായ് പല്ലവിക്ക് ലഭിക്കുന്ന തുക എത്രയെന്ന് പുറത്തുവിട്ടിട്ടില്ല എന്നാണ് ടോളിവുഡ് ഡോട് കോമിന്റെ റിപ്പോര്ട്ട്. സംവിധായകൻ ചന്ദൂ മൊണ്ടേടിയുടെ പുതിയ ചിത്രമായ തണ്ടേലില് നാഗചൈതന്യക്ക് വലിയ പ്രതീക്ഷകളാണ് ഉള്ളത് എന്നതിനാല് ആരാധകരും ആവേശത്തോടെയാണ് കാത്തിരിക്കുന്നത്.
Read More: ഹിന്ദിയിലെ എക്കാലത്തെയും വിജയ ചിത്രം ഒടിടിയില്, 2024ലെ ആ സര്പ്രൈസ് കാണാം
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക