ചിരഞ്‍ജീവിയുടെ പുതിയ ചിത്രത്തിന്റെ പ്രതിഫലം സിനിമാ ലോകത്തും ചര്‍ച്ചയാകുകയാണ്.
തെലുങ്കില്‍ ഇന്നും നിരവധി ആരാധകരുള്ള താരമാണ് ചിരഞ്ജീവി. തെലുങ്കിന്റെ ചിരഞ്ജീവി നായകനാകുന്ന ഓരോ ചിത്രത്തിനായും ആരാധകര്‍ കാത്തിരിക്കാറുണ്ട്. ചിരഞ്‍ജീവിയുടെ പുതിയ ചിത്രത്തെ കുറിച്ചുള്ള ഒരു അപ്‍ഡേറ്റാണ് ചര്‍ച്ചയാകുന്നത്. ചിരഞ്‍ജീവിക്ക് പുതിയ ചിത്രത്തിനായി 70 കോടി രൂപയാണ് പ്രതിഫലമെന്ന റിപ്പോര്‍ട്ട് യുവ താരങ്ങളെയും അമ്പരപ്പിക്കുന്നതാണ്.
ശ്രീകാന്ത് ഒഡേലയാണ് സംവിധാനം നിര്‍വഹിക്കുക. ദസറ എന്ന ചിത്രത്തിലൂടെ വരവറിയിച്ച സംവിധായകനാണ് ശ്രീകാന്ത് ഒഡേല. ആക്ഷനും പ്രാധാന്യമുള്ള പിരീഡ് ഡ്രാമയായിരിക്കും ചിത്രം എന്നുമാണ് റിപ്പോര്‍ട്ട്. ശ്രീകാന്ത് ഒഡേല ഒരു ഗാംഗ്‍സ്റ്റര്‍ ചിത്രമായിരിക്കും ഒരുക്കുക എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
ശ്രീകാന്ത് ഒഡേലിയുടെ സംവിധാനത്തിലുള്ള ആദ്യ ചിത്രത്തില്‍ നായകൻ നാനിയായിരുന്നു. മലയാളി പ്രേക്ഷകരുടെ പ്രിയപ്പെട്ട ഒരു താരമായ കീര്‍ത്തി സുരേഷ് 'വെണ്ണേല' എന്ന നായികാ വേഷത്തില്‍ 'ദസറ'യിലെത്തി. നാനി നായകനായി വേഷമിട്ടപ്പോള്‍ ശ്രീകാന്ത് ഒഡേലയുടെ സംവിധാനത്തില്‍ സമുദ്രക്കനി, സായ് കുമാർ, ഷംന കാസിം, സറീന വഹാബ്, ഷൈൻ ടോം ചാക്കോ എന്നിവരും 'ദസറ'യില്‍ മറ്റ് പ്രധാന കഥാപാത്രങ്ങളാകുകയും സന്തോഷ് നാരായണൻ സംഗീതവും സത്യൻ സൂര്യൻ ഐഎസ്‍സിയാണ് ഛായാഗ്രാഹണവും അവിനാശ് കൊല്ല ആര്‍ടും നിര്‍വഹിച്ചു. ശ്രീ ലക്ഷ്‍മി വെങ്കടേശ്വര സിനിമാസിന്റെ ബാനറിൽ നിര്‍മാണം സുധാകർ ചെറുകുരി നിര്‍വഹിച്ചിരിക്കുന്നുക്കുന്നു.
ചിരഞ്ജീവി നായകനായി എത്തിയ ഒടുവിലത്തെ ചിത്രം ഭോലാ ശങ്കര്‍' ആണ്. അജിത്ത് നായകനായ ഹിറ്റ് തമിഴ് ചിത്രം 'വേതാള'ത്തിന്റെ തെലുങ്ക് റീമേക്കായിട്ടും ബോലാ ശങ്കറിന് വൻ പരാജയം നേരിടാനായിരുന്നു വിധിയെന്നും 47.50 കോടിയാണ് ആഗോളതലത്തില്‍ ആകെ നേടാനായത് എന്നുമാണ് ബോക്സ് ഓഫീസ് റിപ്പോര്‍ട്ടില്‍ നിന്ന് വ്യക്തമായത്. വേതാളം' എന്ന ചിത്രത്തില്‍ അജിത്ത് അഭിനയിച്ച കഥാപാത്രമായിട്ടാണ് 'ഭോലാ ശങ്കറി'ല്‍ നായകനായ ചിരഞ്ജീവി എത്തിയത്. സംവിധാനം നിര്‍വഹിച്ചത് മെഹര്‍ രമേഷാണ്. ചിത്രം രമബ്രഹ്‍മം സുങ്കരയാണ് നിര്‍മിച്ചത്. കീര്‍ത്തി സുരേഷ് ചിത്രത്തില്‍ ചിരഞ്‍ജീവിയുടെ സഹോദരിയുടെ വേഷത്തില്‍ എത്തിയപ്പോള്‍ നായികയായി എത്തിയത് തമന്നയാണ്. മഹതി സ്വര സാഗറായിരുന്നു സംഗീതം.
Read More: ഓപ്പണിംഗില്‍ ഐഡന്റിറ്റി ഞെട്ടിച്ചോ?, 2025ലെ ആദ്യ ഹിറ്റാകുമോ?, റിലീസിന് നേടിയ തുക
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക