ആലിയ ഭട്ട് ചിത്രത്തിന്റെ ട്രെയിലര്‍ കഴിഞ്ഞ ദിവസമാണ് പുറത്തുവിട്ടത്.
ആലിയ ഭട്ട് (Alia Bhatt) ചിത്രം 'ഗംഗുഭായി കത്തിയവാഡി'യുടെ ട്രെയിലര്‍ കഴിഞ്ഞ ദിവസമാണ് പുറത്തുവിട്ടത്. ആലിയയുടെ മികച്ച കഥാപാത്രങ്ങളില്‍ ഒന്നാകുമെന്നാണ് പ്രതീക്ഷ. 'ഗംഗുഭായി കത്തിയവാഡി' ചിത്രത്തിന്റെ ട്രെയിലര്‍ ഓണ്‍ലൈനില്‍ തരംഗമായിരുന്നു. രണ്‍ബിര്‍ കപൂര്‍ ചിത്രത്തിന്റെ ട്രെയിലറിനെ 'അഭിനന്ദിച്ച്' നടത്തിയ പ്രതികരണവും അത് ആലിയ ഭട്ട് അനുകരിച്ചതുമാണ് ഇപ്പോഴത്തെ ചര്‍ച്ച.
'ഗംഗുഭായി കത്തിയവാഡി' ചിത്രത്തിന്റെ ട്രെയിലര്‍ എങ്ങനെയുണ്ടെന്ന് ചോദിച്ചപ്പോള്‍ കൈകൂപ്പുകയായിരുന്നു ആലിയയുടെ കാമുകൻ കൂടിയായ രണ്‍ബിര്‍ കപൂര്‍. ബാക്ക് പോസിലുള്ള ഫോട്ടോക്ക് ഒപ്പം അതേ രീതിയില്‍ താൻ നില്‍ക്കുന്നതും ചേര്‍ത്ത് ആലിയ ഭട്ട് ഇൻസ്റ്റാഗ്രാം സ്റ്റോറിയാക്കുകായിരുന്നു. ബെസ്റ്റ് ബോയ്‍ഫ്രണ്ട് എന്ന ക്യാപ്ഷനും ആലിയ എഴുതിയിരുന്നു. സഞ്ജയ് ലീല ബന്‍സാലിയാണ് ചിത്രം സംവിധാനം ചെയ്യുന്നത്.
undefined
സഞ്ജയ് ലീല ബന്‍സാലിയും ഡോ. ജയന്തിലാല്‍ ഗാഡയും ചേര്‍ന്നാണ് നിര്‍മ്മാണം. ബന്‍സാലി പ്രൊഡക്ഷന്‍സ്, പെന്‍ സ്റ്റുഡിയോസ് എന്നിവയുടെ ബാനറിലാണ് നിര്‍മാണം. സഞ്ചിത് ബല്‍ഹാരയാണ് ചിത്രത്തിന്റെ സംഗീത സംവിധാനം. സഞ്ജയ് ലീല ബന്‍സാലിയാണ് ചിത്രസംയോജനം നിര്‍വഹിക്കുന്നതും.
അജയ് ദേവ്‍ഗണും ചിത്രത്തില്‍ അതിഥി വേഷത്തിലുണ്ട്. 'കരീം ലാല'യെന്ന കഥാപാത്രമായിട്ടാണ് അജയ് ദേവ്‍ഗണ്‍ എത്തുന്നത്. സുദീപ് ചാറ്റര്‍ജിയാണ് ചിത്രത്തിന്റെ ഛായാഗ്രാഹണം. ഫെബ്രുവരി 25നാണ് ചിത്രം പ്രദര്‍ശനത്തിനെത്തുക.