'ചെറിയതല്ല, എമ്പുരാൻ വലിയ ഒരു സിനിമ', നടൻ കിഷോറിന്റെ വാക്കുകള്‍ ചര്‍ച്ചയാകുന്നു

ഇന്ത്യയില്‍ ചരിത്രമാകാൻ പോകുന്ന ഒരു സിനിമയാണ് എമ്പുരാനെന്നും കിഷോര്‍.

മോഹൻലാലിന്റേതായി എത്താനിരിക്കുന്ന എമ്പുരാൻ ചെറിയ സിനിമയാണ് എന്നാണ് പൃഥ്വിരാജ് പലപ്പോഴും അഭിപ്രായപ്പെടാറുള്ളത്. എമ്പുരാനിലെ പ്രതീക്ഷകള്‍ അമിതമാകാതിരിക്കാനാണ് ചിത്രത്തിന്റെ സംവിധായകൻ പൃഥ്വിരാജ് അങ്ങനെ അഭിമുഖങ്ങളില്‍ അഭിപ്രായപ്പെടുന്നത്. എന്നാല്‍ വൻ താര നിര അണിനിരക്കുന്ന ചിത്രമാണ് എമ്പുരാൻ എന്ന് വ്യക്തമാണ്. എമ്പുരാൻ വലിയ ഒരു ചിത്രമാണ് എന്ന് പറയുകയാണ് കന്നട നടൻ കിഷോറും. മലയാളം, തമിഴ് ഇൻഡസ്‍ട്രി മൊത്തം എമ്പുരാൻ സിനിമയില്‍ ഉണ്ടെന്നും അഭിപ്രായപ്പെടുന്നു കിഷോര്‍. ഇന്ത്യയിലെ ചരിത്രമാകാൻ പോകുന്ന സിനിമയില്‍ ഭാഗമാകുന്നതില്‍ അഭിമാനമുണ്ട്. പൃഥ്വിരാജെന്ന നടൻ ആ സിനിമയുടെ സംവിധായകനായതിന്റെ മികവുണ്ടെന്നും അഭിപ്രായപ്പെടുന്നു നടൻ കിഷോര്‍.

മോഹൻലാലിന്റെ എമ്പുരാനെ കുറിച്ച് ടൊവിനോ പറഞ്ഞ വാക്കുകള്‍ ചര്‍ച്ചയായിരുന്നു. ''എമ്പുരാനില്‍ ഞാൻ മുഖ്യമന്ത്രി ആണല്ലോ. റഷ്യയിലാണല്ലോ ലൂസിഫര്‍ കൊണ്ട് അവസാനിപ്പിച്ചിരിക്കുന്നത്. എത്ര രാജ്യങ്ങളിലാണ് പിന്നെ ചിത്രീകരിച്ചതെന്ന് തനിക്ക് അറിയാം. ഞാൻ കുറെ സ്വീക്വൻസുകള്‍ കണ്ടു. ഭയങ്കര അടിപൊളിയാണ്. ഞാൻ എക്സൈറ്റഡാണ്. അത് മൊത്തം സിനിമയായി കാണണം. പറ്റിയാല്‍ അന്നത്തെ പോലെ തന്നെ തനിക്ക് രാജുവേട്ടനും ലാലേട്ടനും ഒക്കെയുള്ള ഒരു തിയറ്ററില്‍ കാണാനായാല്‍ ഗംഭീരമാകു''മെന്നും നടൻ ടൊവിനോ അഭിപ്രായപ്പെട്ടു.

ലൂസിഫറിന്റെ രണ്ടാം ഭാഗായി എമ്പുരാൻ സിനിമ മാര്‍ച്ച് 27ന് റിലീസാകുമ്പോള്‍ പ്രതീക്ഷയിലാണ് താരത്തിന്റെ ആരാധകര്‍. സ്റ്റീഫൻ നെടുമ്പള്ളിയെന്ന ഖുറേഷി അബ്രമായി ചിത്രത്തില്‍ മോഹൻലാല്‍ എത്തിയപ്പോള്‍ ആഗോള ബോക്സ് ഓഫീസില്‍ 150 കോടി രൂപയില്‍ അധികം ബിസിനസ് നേടി ലൂസിഫര്‍ തിളങ്ങിയിരുന്നു. ലൂസിഫറിലെ സ്റ്റീഫൻ നെടുമ്പള്ളിക്കായിരിക്കില്ല രണ്ടാം ഭാഗമായ എമ്പുരാനില്‍ പ്രാധാന്യം എന്ന് റിപ്പോര്‍ട്ടുണ്ട്. ഖുറേഷി അബ്രഹാമിന്റെ പിന്നാലെ സഞ്ചരിക്കുന്ന കഥയായിരിക്കും എമ്പുരാന്റെയെന്നാണ് അപ്‍ഡേറ്റുകളില്‍ നിന്ന് മനസിലാകുന്നത്.

ഖുറേഷി എബ്രമായി ലൂസിഫറിന്റെ അവസാന ഭാഗത്ത് പ്രത്യക്ഷപ്പെട്ട മോഹൻലാലിന്റെ എമ്പുരാൻ സ്റ്റൈലിഷ് സിനിമ ആയിരിക്കുമെന്നാണ് പ്രതീക്ഷിക്കുന്നത്. സംവിധായകൻ പൃഥിരാജും മോഹൻലാല്‍ നായകനാകുന്ന ചിത്രത്തില്‍ നിര്‍ണായക വേഷത്തിലുണ്ടാകുമ്പോള്‍ ഗോവര്‍ദ്ധനായി ഇന്ദ്രജിത്ത്, ജതിൻ രാംദാസായി ടൊവിനോ തോമസ് തുടങ്ങിയവരും മറ്റ് പ്രധാന കഥാപാത്രങ്ങളായും ഉണ്ടാകും എന്നാണ് വ്യക്തമായിരിക്കുന്നത്. ഛായാഗ്രാഹണം നിര്‍വഹിക്കുന്നത് സുജിത് വാസുദേവാണ്. മലയാളത്തിനു പുറത്തെയും താരങ്ങള്‍ മോഹൻലാല്‍ ചിത്രത്തില്‍ ഉണ്ടാകും ക്യാരക്ടര്‍ പോസ്റ്ററുകള്‍ പുറത്തുവിട്ടപ്പോള്‍ വ്യക്തമായിരുന്നു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക