രണ്ട് ടാസ്കുകളാണ് ഐ.ഇ.എൽ.ടി.എസ് എഴുത്തുപരീക്ഷയ്ക്ക് ഉള്ളത്. ആശയങ്ങൾ എങ്ങനെ ക്രമീകരിക്കുന്നു എന്നത് മുതൽ വ്യാകരണം, പദാവലി തുടങ്ങിയ കാര്യങ്ങളും പരീക്ഷയിലെ വളരെ പ്രധാനപ്പെട്ട ഘടകങ്ങളാണ്.
ഐ.ഇ.എൽ.ടി.എസ് (IELTS) ന്റെ എഴുത്ത് വിഭാഗം നിങ്ങൾ എങ്ങനെ ഉചിതമായ രീതിയിൽ ഒരു പ്രതികരണം എഴുതുന്നുവെന്നും ആശയങ്ങൾ എങ്ങനെ ക്രമീകരിക്കുന്നുവെന്നും വ്യാകരണവും പദാവലിയും കൃത്യമായി ഉപയോഗിക്കുന്നു എന്നും പരിശോധിക്കുന്നു. എഴുത്ത് രണ്ട് ടാസ്‌ക്കുകൾ ഉൾക്കൊള്ളുന്നു- IELTS റൈറ്റിംഗ് ടാസ്ക് 1, IELTS റൈറ്റിംഗ് ടാസ്ക് 2.
എന്താണ് IELTS റൈറ്റിംഗ് പരീക്ഷ പാറ്റേൺ?
IELTS റൈറ്റിംഗ് വിഭാഗത്തിൽ രണ്ട് ഭാഗങ്ങൾ ഉൾക്കൊള്ളുന്നു: ടാസ്ക് 1, ടാസ്ക് 2 . ഒരു മണിക്കൂറിനുള്ളിൽ ഈ രണ്ട് ഭാഗവും പൂർത്തിയാക്കണം. അതായത് റൈറ്റിംഗ് ടെസ്റ്റ് ദൈർഘ്യം: 60 മിനിറ്റ് . അക്കാഡമിക് , ജനറൽ വിഭാഗക്കാർക്ക് ടാസ്ക് 1 വ്യത്യസ്തമാണ്. ഇത് 20 മിനിറ്റിനുള്ളിൽ പൂർത്തിയാക്കാൻ ശ്രമിക്കേണ്ടതുണ്ട്, കാരണം രണ്ടാം ഭാഗം, IELTS റൈറ്റിംഗ് ടാസ്ക് 2, കൂടുതൽ ബുദ്ധിമുട്ടാണ്, കൂടാതെ ഇത് പൂർത്തിയാക്കാൻ നിങ്ങൾക്ക് കുറഞ്ഞത് 40 മിനിറ്റെങ്കിലും വേണ്ടിവരും. IELTS എഴുത്ത് ടാസ്ക് 1 കൃത്യമായി വിവരിക്കുന്ന 150 വാക്കുകളിൽ കുറയാതെ പൂർത്തീകരിക്കാൻ ശ്രമിക്കുക.
രണ്ടാമത്തെ ഭാഗമായ ടാസ്ക് 2, ആദ്യ ഭാഗത്തെ അപേക്ഷിച്ച് അൽപ്പം കൂടുതൽ പ്രാധാന്യം അർഹിക്കുന്നു. തന്നിരിക്കുന്ന വിഷയത്തിൽ ഏകദേശം 250 വാക്കുകളിൽ നിങ്ങൾ ഒരു എസ്സേ എഴുതുകയും നിങ്ങളുടെ ഉത്തരം വ്യക്തമായി ക്രമീകരിക്കുകയും നിങ്ങളുടെ പോയിന്റുകളെ പിന്തുണയ്ക്കുന്നതിന് ചില ഉദാഹരണങ്ങൾ നൽകുകയും ചെയ്യുക.
IELTS റൈറ്റിംഗ് ടാസ്ക് 1, ടാസ്ക് 2 സ്‌കോറുകൾ ഇനിപ്പറയുന്ന മാനദണ്ഡങ്ങളുടെ അടിസ്ഥാനത്തിലാണ് കണക്കാക്കുന്നത്: ടാസ്ക് അച്ചീവ്‌മെന്റ്, ടാസ്ക് റെസ്‌പോൺസ്, കോഹറൻസ്, വ്യാകരണ ശ്രേണിയും കൃത്യതയും, ലെക്‌സിക്കൽ റിസോഴ്‌സ്.
റൈറ്റിംഗ് ടാസ്ക് 1 നെ അപേക്ഷിച്ച് റൈറ്റിംഗ് ടാസ്ക് 2 സ്‌കോറിന് ഇരട്ട വെയിറ്റേജ് നൽകിയിരിക്കുന്നു. ഉദാഹരണത്തിന്, റൈറ്റിംഗ് ടാസ്ക് 1-ന് 8 ബാൻഡ് സ്‌കോറും റൈറ്റിംഗ് ടാസ്ക് 2-ന് 6 ബാൻഡ് സ്‌കോറും ലഭിച്ചാൽ, മൊത്തത്തിലുള്ള സ്കോർ കണക്കാക്കുന്നത് ടാസ്ക് 2-ന്റെ രണ്ട് സ്‌കോറുകളും ടാസ്ക് 1-ന് ഒരു സ്‌കോറും എടുക്കുന്നു. അതിനാൽ, സ്കോർ 8+6+6= 20/3 = 6.66 ആണ്. IELTS സ്കോർ 6.5 ആയി ഉയർത്തും, അത് നിങ്ങളുടെ മൊത്തം സ്കോർ ആയിരിക്കും.
അക്കാഡമിക് / ജനറൽ വിഭാഗക്കാർക്ക് റൈറ്റിംഗ് ടെസ്റ്റ് വ്യത്യസ്തമായിരിക്കുന്നത് എങ്ങനെ?
IELTS റൈറ്റിംഗ് ടെസ്റ്റ് ഫോർമാറ്റ് - അക്കാദമിക് :
രണ്ട് ഭാഗങ്ങളുണ്ട്. ടാസ്ക് 1, ടാസ്ക് 2 എന്നിവയ്ക്കുള്ള പ്രതികരണങ്ങൾ ഒരു അക്കാഡമിക്, സെമി-ഫോർമൽ അല്ലെങ്കിൽ ന്യൂട്രൽ ശൈലിയിൽ എഴുതണം.
ടാസ്ക് 1: റിപ്പോർട്ട് റൈറ്റിംഗ്
ചില ഗ്രാഫിക് അല്ലെങ്കിൽ ചിത്രപരമായ വിവരങ്ങളെ അടിസ്ഥാനമാക്കി നിങ്ങൾക്ക് ഒരു ടാസ്ക് നൽകും. ഇത് ഒരു ബാർ ചാർട്ട്, പൈ ചാർട്ട്, ടേബിൾ, ഗ്രാഫ്, മാപ്പ് അല്ലെങ്കിൽ ഡയഗ്രം എന്നിവയുടെ രൂപത്തിലായിരിക്കാം. തന്നിരിക്കുന്ന വിവരങ്ങളെ അടിസ്ഥാനമാക്കി ആവശ്യമായ ഡാറ്റ തെരഞ്ഞെടുത്ത് താരതമ്യം ചെയ്യാൻ നിങ്ങളോട് ആവശ്യപ്പെട്ടേക്കാം, ഒരു പ്രക്രിയയുടെ ഘട്ടങ്ങൾ വിവരിക്കുക, ഒരു വസ്തുവിനെ വിവരിക്കുക അല്ലെങ്കിൽ എന്തെങ്കിലും എങ്ങനെ പ്രവർത്തിക്കുന്നു എന്ന് വിശദീകരിക്കുക എന്നിവയിലേതും ആദ്യ ഭാഗത്തിൽ പ്രതീക്ഷിക്കാം. നിങ്ങളുടെ സ്വന്തം വാക്കുകളിൽ വിവരങ്ങൾ സംഗ്രഹിച്ച് റിപ്പോർട്ട് തയാറാക്കുക എന്നതാണ് ടാസ്ക് 1.
ടാസ്‌ക്ക് 2: എസ്സേ റൈറ്റിംഗ്
ഒരു വീക്ഷണത്തിനോ വാദത്തിനോ പ്രശ്‌നത്തിനോ മറുപടിയായി ഒരു ഉപന്യാസം എഴുതാൻ നിങ്ങളോട് ആവശ്യപ്പെടുന്നു. ഉന്നയിക്കുന്ന പ്രശ്‌നങ്ങൾ ബിരുദ, ബിരുദാനന്തര ബിരുദ പഠനങ്ങളിൽ പ്രവേശിക്കുന്ന അല്ലെങ്കിൽ പ്രൊഫഷണൽ രജിസ്‌ട്രേഷൻ തേടുന്ന പരീക്ഷാർത്ഥികൾക്ക് പൊതുവായ താൽപ്പര്യമുള്ളതും അനുയോജ്യവും എളുപ്പത്തിൽ മനസ്സിലാക്കാവുന്നതുമാണ്.
IELTS റൈറ്റിംഗ് ടെസ്റ്റ് ഫോർമാറ്റ് - ജനറൽ വിഭാഗം
രണ്ട് ഭാഗങ്ങളുണ്ട്. ഇരു വിഭാഗത്തിലെയും വിഷയങ്ങൾ പൊതു താൽപ്പര്യമുള്ളവയായിരിക്കും.
ടാസ്ക് 1: ലെറ്റർ റൈറ്റിംഗ്
ഒരാളിൽ നിന്ന് വിവരങ്ങൾ അഭ്യർത്ഥിക്കുന്നതിനോ നിലവിലുള്ള സാഹചര്യം വിശദീകരിക്കുന്നതിനോ നിങ്ങൾ ഒരു കത്ത് എഴുതുക. കത്ത് നൽകിയിരിക്കുന്ന വിഷയത്തിന്റെ അടിസ്ഥാനത്തിൽ വ്യക്തിഗതമോ അർദ്ധ ഔപചാരികമോ, ഔപചാരികമോ ആകാം.
ടാസ്‌ക്ക് 2: എസ്സേ റൈറ്റിംഗ്
ഒരു വീക്ഷണത്തിനോ വാദത്തിനോ പ്രശ്‌നത്തിനോ മറുപടിയായി ഒരു ഉപന്യാസം എഴുതാൻ നിങ്ങളെ അനുവദിച്ചിരിക്കുന്നു. അക്കാദമിക് റൈറ്റിംഗ് ടാസ്ക് 2 ഉപന്യാസത്തേക്കാൾ കൂടുതൽ വ്യക്തിഗത പ്രതികരണത്തോടെ ഉപന്യാസം പൂർത്തീകരിക്കുക.