ഇൻസ്റ്റിറ്റ്യൂട്ട് ഓഫ് ചാർട്ടേർഡ് അക്കൗണ്ടന്റ്സ് ഓഫ് ഇന്ത്യ, സിഎ ഫൈനൽ റിസൽട്ട് ഇന്ന് ജൂലൈ 15 ന് പ്രഖ്യാപിച്ചേക്കും.
ദില്ലി: ഇൻസ്റ്റിറ്റ്യൂട്ട് ഓഫ് ചാർട്ടേർഡ് അക്കൗണ്ടന്റ്സ് ഓഫ് ഇന്ത്യ (Institute of Chartered Accountants of India), സിഎ ഫൈനൽ റിസൽട്ട് (CA Final Result 2022) ഇന്ന് ജൂലൈ 15 ന് പ്രഖ്യാപിച്ചേക്കും. ജൂലൈ 15 നോ ജൂലൈ 16 നോ പ്രഖ്യാപിച്ചേക്കുമെന്ന് ഔദ്യോഗിക അറിയിപ്പിൽ പറയുന്നു. അറിയിപ്പ് അനുസരിച്ച് ഉച്ചക്ക് 12 മണിക്ക് ഫലപ്രഖ്യാപനം നടത്താനാണ് സാധ്യത. ഫലം പ്രഖ്യാപിച്ചു കഴിഞ്ഞാൻ വിദ്യാർത്ഥികൾക്ക് അവരുടെ ICAI CA ഫല സ്‌കോറുകൾ ഔദ്യോഗിക വെബ്‌സൈറ്റായ icai.org എന്ന വെബ്സൈറ്റില്‍ നിന്ന് ഡൗൺലോഡ് ചെയ്യാൻ കഴിയും.
മെയ് 14 മുതൽ 30 വരെയാണ് സിഎ പരീക്ഷ നടത്തിയത്. രജിസ്ട്രേഷൻ നമ്പറോ പിൻ നമ്പറോ ഉപയോഗിച്ച് വിദ്യാർത്ഥികൾക്ക് അവരുടെ CA ഫൈനൽ ഫലം 2022 ഓൺലൈനിൽ പരിശോധിക്കാം. CA ഫൈനൽ മെയ് റിസൾട്ട് 2022 പുറത്തുവിട്ടതിന് ശേഷം, മെറിറ്റ് ലിസ്റ്റ് പുറത്തിറക്കാനും സാധ്യതയുണ്ട്. റിലീസ് ചെയ്‌താൽ, ഈ ലിസ്റ്റിൽ 2022-ലെ CA ടോപ്പർമാരുടെ പേരുകൾ ഉണ്ടായിരിക്കും. അതേ സമയം കൃത്യമായ സമയവും തീയതിയും സംബന്ധിച്ച സ്ഥിരീകരണം അധികൃതരിൽ നിന്ന് ലഭിച്ചിട്ടില്ല.