ഇപ്പോൾ പുറത്തുവന്ന അതിൻ്റെ ഏറ്റവും പുതിയ സ്പൈ ഷോട്ടുകൾ റൈഡിംഗ് സ്റ്റാൻസും ഡിസൈൻ വിശദാംശങ്ങളും വെളിപ്പെടുത്തുന്നു. പുതിയ ബജാജ് സിഎൻജി ബൈക്കിൽ റൗണ്ട് എൽഇഡി ഹെഡ്‌ലൈറ്റും ബൾബ് ടൈപ്പ് ഇൻഡിക്കേറ്ററുകളും ഉൾപ്പെടുന്നു. സിംഗിൾ പീസ് സീറ്റുള്ള മിഡ്-സെറ്റ് ഫുട്‌പെഗുകൾ നേരായ റൈഡിംഗ് സ്റ്റാൻസ് വാഗ്ദാനം ചെയ്യുന്നു.
ബജാജിൽ നിന്നുള്ള ഇന്ത്യയിലെ ആദ്യത്തെ സിഎൻജി ബൈക്ക് 2024 ജൂലൈ അഞ്ചിന് നിരത്തിലെത്താൻ ഒരുങ്ങുകയാണ്. മോഡൽ അതിൻ്റെ അവസാനഘട്ട പരീക്ഷണത്തിലാണ്. ഇപ്പോൾ പുറത്തുവന്ന അതിൻ്റെ ഏറ്റവും പുതിയ സ്പൈ ഷോട്ടുകൾ റൈഡിംഗ് സ്റ്റാൻസും ഡിസൈൻ വിശദാംശങ്ങളും വെളിപ്പെടുത്തുന്നു. പുതിയ ബജാജ് സിഎൻജി ബൈക്കിൽ റൗണ്ട് എൽഇഡി ഹെഡ്‌ലൈറ്റും ബൾബ് ടൈപ്പ് ഇൻഡിക്കേറ്ററുകളും ഉൾപ്പെടുന്നു. സിംഗിൾ പീസ് സീറ്റുള്ള മിഡ്-സെറ്റ് ഫുട്‌പെഗുകൾ നേരായ റൈഡിംഗ് സ്റ്റാൻസ് വാഗ്ദാനം ചെയ്യുന്നു.
സിഎൻജി സിലിണ്ടർ സീറ്റിന് ചുവടെ ഘടിപ്പിച്ചിരിക്കുന്നു. ഇൻഡിക്കേറ്ററുകൾ, നമ്പർ പ്ലേറ്റ്, ഒരു ഗ്രാബ് റെയിൽ എന്നിവ ഉൾപ്പെടുന്ന സ്ലിം ടെയിൽ സെക്ഷൻ ഇതിനുണ്ട്. 17 ഇഞ്ച് അലോയി വീലുകളാണ് പരീക്ഷണ മോഡലിൽ സജ്ജീകരിച്ചിരിക്കുന്നത്. വരാനിരിക്കുന്ന ബജാജ് സിഎൻജി ബൈക്ക് പൂർണ്ണ ഡിജിറ്റൽ ഇൻസ്ട്രുമെൻ്റ് ക്ലസ്റ്ററും ഇടത് വശത്ത് നീല ബട്ടണുള്ള സ്വിച്ച് ഗിയറുമായാണ് വരുന്നത്. ഇതൊരുപക്ഷേ പെട്രോളിൽ നിന്നും സിഎൻജിയിലേക്കും തിരിച്ചും മാറ്റം നടത്തുന്നതിനുള്ള സംവിധാനം ആയിരിക്കുമെന്നാണ് റിപ്പോര്‍ട്ടുകൾ.
സിഎൻജി ബൈക്കിന് ലഭിക്കുന്ന ഫീച്ചറുകൾ ഇപ്പോഴും വ്യക്തമല്ല. മോഡലിന് 110-125 സിസി പെട്രോൾ എഞ്ചിൻ ഒരു സിഎൻജി കിറ്റിലേക്ക് ചേർത്തതായും അഭ്യൂഹങ്ങൾ ഉണ്ട്. ചെറിയ ഇന്ധന ടാങ്കും ബൈക്കിലുണ്ട്. ഇതിൻ്റെ സസ്പെൻഷൻ സജ്ജീകരണത്തിൽ ടെലിസ്‌കോപ്പിക് ഫോർക്കും ഫ്രണ്ട്, റിയർ ആക്‌സിലിൽ യഥാക്രമം ഘടിപ്പിച്ചിരിക്കുന്ന മോണോഷോക്ക് യൂണിറ്റും ഉൾപ്പെടുന്നു. പുതിയ ബജാജ് സിഎൻജി ബൈക്കിന് മുന്നിലും പിന്നിലും ഡ്രം ബ്രേക്കുകൾ ഉണ്ട്.
ബജാജ് ഓട്ടോ അടുത്തിടെ 'ബജാജ് ഫൈറ്റർ', 'ബജാജ് ബ്രൂസർ' എന്നിവയ്‌ക്കായി വ്യാപാരമുദ്രകൾ ഫയൽ ചെയ്‍തിരുന്നു. അവയിലൊന്ന് വരാനിരിക്കുന്ന സിഎൻജി ബൈക്കിനായി ഉപയോഗിക്കാനാണ് സാധ്യത. ഈ മോഡലിന് ഏകദേശം 80,000 രൂപ മുതൽ എക്സ്-ഷോറൂം വില പ്രതീക്ഷിക്കുന്നു. ലോഞ്ച് ചെയ്തുകഴിഞ്ഞാൽ, ഹോണ്ട ഷൈൻ 100, ഹീറോ സ്‌പ്ലെൻഡർ പ്ലസ്, ടിവിഎസ് റേഡിയൻ എന്നിവയ്‌ക്കെതിരെ ബജാജ് ഫൈറ്റർ അല്ലെങ്കിൽ ബ്രൂസർ സ്ഥാനം പിടിക്കും.