28 മാസത്തിനുള്ളിൽ ഫോക്സ്വാഗൺ വിർട്ടസിൻ്റെ വിൽപ്പന 50,000 കടന്നു. 2022 ജൂണിൽ ലോഞ്ച് ചെയ്തതിനുശേഷം ഇന്ത്യയിൽ 50,000 യൂണിറ്റ് വിർടസുകൾ വിറ്റഴിച്ചതായി ഫോക്സ്വാഗൺ പ്രഖ്യാപിച്ചു.
സെഡാൻ സെഗ്‌മെൻ്റ് കാറുകൾക്ക് ഇന്ത്യൻ ഉപഭോക്താക്കൾക്കിടയിൽ എപ്പോഴും ആവശ്യക്കാരുണ്ട്. ഇതിൽ ഹോണ്ട സിറ്റി, ഹ്യുണ്ടായ് വെർണ, സ്കോഡ സ്ലാവിയ, ഫോക്സ്വാഗൺ വിർടസ് തുടങ്ങിയ കാറുകൾ വളരെ ജനപ്രിയമാണ്. ഇപ്പോഴിതാ, ഫോക്സ്വാഗൺ കമ്പനിയുടെ ജനപ്രിയ സെഡാൻ വിർടസ് ഇന്ത്യൻ വിപണിയിൽ 50,000 യൂണിറ്റ് വിൽപ്പന കടന്നതായി ഫോക്സ്വാഗൺ ഇന്ത്യ അറിയിച്ചു. ലോഞ്ച് ചെയ്ത് 28 മാസത്തിനുള്ളിലാണ് ഫോക്സ്വാഗൺ വിർറ്റസ് ഈ നേട്ടം കൈവരിച്ചത്. ഇതുകൂടാതെ, 17,000 യൂണിറ്റുകളുടെ വിൽപ്പനയോടെ 2024-ൽ ഏറ്റവും കൂടുതൽ വിറ്റഴിക്കപ്പെടുന്ന മിഡ്-സൈസ് സെഡാനാണ് ഫോക്സ്വാഗൺ വിർറ്റസ് എന്നും കമ്പനി പ്രഖ്യാപിച്ചു.
അതേസമയം ഫോക്സ്വാഗൺ വിർച്ചസിന് 2026-ഓടെ മിഡ്-ലൈഫ് അപ്‌ഡേറ്റ് ലഭിക്കുമെന്ന് പ്രതീക്ഷിക്കുന്നതായി പല റിപ്പോർട്ടുകളും അവകാശപ്പെടുന്നു. ഫോക്സ്വാഗൺ വിർട്ടസിൻ്റെ സവിശേഷതകൾ, പവർട്രെയിൻ, വില എന്നിവയെക്കുറിച്ച് വിശദമായി അറിയാം.
undefined
കാറിൻ്റെ ഇൻ്റീരിയറിൽ 10.1 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, ഡിജിറ്റൽ ഡ്രൈവർ ഡിസ്‌പ്ലേ, വയർലെസ് ചാർജിംഗ്, സൺറൂഫ്, വെൻ്റിലേറ്റഡ് ഫ്രണ്ട് സീറ്റുകൾ, എൽഇഡി ഹെഡ്‌ലാമ്പുകൾ, 8 സ്പീക്കർ ഓഡിയോ സിസ്റ്റം, ഉയരം ക്രമീകരിക്കാവുന്ന ഡ്രൈവർ സീറ്റ് തുടങ്ങിയ ഫീച്ചറുകൾ നൽകിയിട്ടുണ്ട്. ഇതിനുപുറമെ, സുരക്ഷയ്ക്കായി 6-എയർബാഗുകൾ, ഇലക്ട്രോണിക് സ്റ്റെബിലിറ്റി കൺട്രോൾ, ടയർ പ്രഷർ മോണിറ്ററിംഗ് സിസ്റ്റം എന്നിവയും കാറിലുണ്ട്. വിപണിയിൽ, ഹ്യുണ്ടായ് വെർണ, ഹോണ്ട സിറ്റി, മാരുതി സുസുക്കി സിയാസ് എന്നിവരോടാണ് ഫോക്സ്വാഗൺ വിർറ്റസ് മത്സരിക്കുന്നത്. മുൻനിര മോഡലിന് 11.56 ലക്ഷം മുതൽ 19.41 ലക്ഷം രൂപ വരെയാണ് ഫോക്സ്വാഗൺ വിർറ്റസിൻ്റെ പ്രാരംഭ എക്‌സ് ഷോറൂം വില.
കാറിന്‍റെ പവർട്രെയിനിൻ പരിശോധിക്കുകയാണെങ്കിൽ, ഫോക്സ്വാഗൺ വിർറ്റസിന് 1.0 ലിറ്റർ ടർബോ പെട്രോൾ എഞ്ചിനാണ് ഉള്ളത്. അത് പരമാവധി 115 ബിഎച്ച്പി കരുത്തും 178 എൻഎം പീക്ക് ടോർക്കും സൃഷ്‍ടിക്കാൻ പ്രാപ്‍തമാണ്. ഇതുകൂടാതെ, കാറിന് 1.5 ലിറ്റർ ടർബോ പെട്രോൾ എഞ്ചിൻ ഉണ്ട്. അത് പരമാവധി 150 ബിഎച്ച്പി കരുത്തും 250 എൻഎം പീക്ക് ടോർക്കും സൃഷ്ടിക്കും. മാനുവൽ, ഓട്ടോമാറ്റിക് ഗിയർബോക്‌സുകളിലാണ് കാറിൻ്റെ എഞ്ചിൻ ഘടിപ്പിച്ചിരിക്കുന്നത്. 1.0 ലിറ്റർ മാനുവൽ വേരിയൻ്റിൽ ലിറ്ററിന് 19.40 കിലോമീറ്ററും 1.0 ലിറ്റർ ഓട്ടോമാറ്റിക് വേരിയൻ്റിൽ 18.12 കിലോമീറ്ററും 1.5 ലിറ്റർ ഡിസിടി വേരിയൻ്റിൽ 18.67 കിലോമീറ്ററും മൈലേജ് നൽകുമെന്ന് കമ്പനി അവകാശപ്പെടുന്നു.