പുതിയ ടോപ്പ്-സ്പെക്ക് എംപവേർഡ് 45+ വേരിയൻ്റിനെ അടിസ്ഥാനമാക്കിയുള്ളതാണ് പുതിയ ടാറ്റ നെക്സോൺ ഇവി റെഡ് ഡാർക്ക് എഡിഷൻ
ടാറ്റ മോട്ടോഴ്‌സ് നെക്സോൺ ഇവി റെഡ് ഡാർക്ക് എഡിഷൻ രാജ്യത്ത് അവതരിപ്പിച്ചു. പുതിയ ടോപ്പ്-സ്പെക്ക് എംപവേർഡ് 45+ വേരിയൻ്റിനെ അടിസ്ഥാനമാക്കിയുള്ളതാണ് പുതിയ ടാറ്റ നെക്സോൺ ഇവി റെഡ് ഡാർക്ക് എഡിഷൻ എന്നാണ് റിപ്പോര്‍ട്ടുകൾ. റെഡ് ഡാർക്ക് എഡിഷൻ ടോപ്പ്-എൻഡ് എംപവേർഡ്+ പേഴ്സണൽ ട്രിമ്മിൽ മാത്രമായി വാഗ്ദാനം ചെയ്യുന്നു, 17.19 ലക്ഷം രൂപയാണ് എക്സ്-ഷോറൂം വില. 16.99 ലക്ഷം രൂപ വിലയുള്ള സാധാരണ നെക്സോൺ ഇവി എംപവേർഡ് 45 നെ അപേക്ഷിച്ച്, നെക്സോൺ ഇവി റെഡ് ഡാർക്ക് എംപവേർഡ് 45-ന് ഏകദേശം 20,000 രൂപ വില കൂടുതലാണ്.
സ്‌പോർട്ടി കാർബൺ ബ്ലാക്ക് ഷേഡിൽ പെയിൻ്റ് ചെയ്‌തിരിക്കുന്ന പുതിയ ടാറ്റ നെക്സോൺ ഇവി റെഡ് ഡാർക്ക് എഡിഷൻൽ പിയാനോ ബ്ലാക്ക് ലോവർ ഗ്രിൽ, പിയാനോ ബ്ലാക്ക് ഡാർക്ക് ക്രോം 2D ടാറ്റ ലോഗോ, മുൻ ഫെൻഡറുകളിൽ റെഡ് ഡാർക്ക് ബാഡ്‌ജിംഗ്, ചാർക്കോൾ റൂഫ് റെയിലുകൾ, പ്രത്യേക ഡാർക്ക് ചിഹ്നം, പിയാനോ ജെറ്റ് ബ്ലാക്ക് 16 ഇഞ്ച് അലോയ് വീലുകൾ, ബ്ലാക്ക് ടിൻ്റ് ലാക്വർ തുടങ്ങിയവ ഉൾപ്പെടുന്നു.
undefined
അകത്ത്, ടാറ്റ നെക്സോൺ ഇവി റെഡ് ഡാർക്ക് എഡിഷനിൽ ഉടനീളം ചുവപ്പ് കോൺട്രാസ്റ്റിംഗ് ഘടകങ്ങളുള്ള ഒരു കറുത്ത തീം ഉണ്ട്. ഡാഷ്‌ബോർഡ് ഗ്രാനൈറ്റ് കറുപ്പിനൊപ്പം സാറ്റിൻ മിഡ്‌നൈറ്റ് ബ്ലാക്ക് ഫിനിഷും ഇരുണ്ട ചുവപ്പ് നിറത്തിലുള്ള ഡബിൾ ഡെക്കോ സ്റ്റിച്ചും ഉൾക്കൊള്ളുന്നു. സാധാരണ പതിപ്പിൽ നിന്ന് വ്യത്യസ്തമായി, ഇൻസ്ട്രുമെൻ്റ് ക്ലസ്റ്ററിനായി റെഡ് ഡാർക്ക് എഡിഷനിൽ ഒരു പ്രത്യേക യൂസർ ഇൻ്റർഫേസ് ഉണ്ട്. ഹെഡ്‌റെസ്റ്റുകളിൽ #ഡാർക്ക് എംബോസ് ചെയ്‌തിരിക്കുന്ന ചുവന്ന സീറ്റ് അപ്‌ഹോൾസ്റ്ററി അതിൻ്റെ സ്‌പോർട്ടി ആകർഷണം കൂടുതൽ വർദ്ധിപ്പിക്കുന്നു.
ഈ കാറിന്‍റെ പവർട്രെയിൻ സജ്ജീകരണത്തിൽ 45kWh ബാറ്ററി പാക്കും ഇലക്ട്രിക് മോട്ടോറും ഉൾപ്പെടുന്നു. പൂർണ്ണ ചാർജിൽ ARAI സാക്ഷ്യപ്പെടുത്തിയ 489 കിലോമീറ്റർ റേഞ്ച് വലിയ ബാറ്ററി പായ്ക്ക് നൽകുമെന്ന് കമ്പനി അവകാശപ്പെടുന്നു. 60kW ഫാസ്റ്റ് ചാർജർ ഉപയോഗിച്ച് 40 മിനിറ്റിനുള്ളിൽ ഇതിൻ്റെ ബാറ്ററി 10 മുതൽ 80 ശതമാനം വരെ ചാർജ് ചെയ്യാം. ഇലക്ട്രിക് എസ്‌യുവി V2L (വാഹനം-ടു-ലോഡ്), V2V (വാഹനത്തിൽ നിന്ന് വാഹനം) ചാർജിംഗ് സാങ്കേതികവിദ്യയെയും പിന്തുണയ്ക്കുന്നു. വോയ്‌സ് അസിസ്റ്റൻ്റോടുകൂടിയ പനോരമിക് സൺറൂഫ്, 360-ഡിഗ്രി ക്യാമറ, റിയർ എസി വെൻ്റുകൾ, കണക്‌റ്റഡ് കാർ ടെക്‌നോളജി, ഫുൾ എൽഇഡി ലൈറ്റിംഗ് പാക്കേജ്, ഫ്രങ്ക് എന്നിവ പ്രധാന സവിശേഷതകളിൽ ഉൾപ്പെടുന്നു.