ഈ ദീപാവലിക്ക് നിങ്ങൾ ഒരു കാർ വാങ്ങാൻ ആഗ്രഹിക്കുന്നുവെങ്കിൽ, നിരവധി കാറുകളുടെ പ്രത്യേക പതിപ്പുകൾ നിങ്ങളെ കാത്തിരിക്കുന്നു.
ദീപാവലി അടുത്തിരിക്കുന്നു. ഈ അവസരത്തിൽ നിങ്ങൾ ഒരു കാർ വാങ്ങാൻ ആഗ്രഹിക്കുന്നുവെങ്കിൽ, നിരവധി കാറുകളുടെ പ്രത്യേക പതിപ്പുകൾ നിങ്ങളെ കാത്തിരിക്കുന്നു. ഈ ദീപാവലിക്ക് നിരവധി കാർ കമ്പനികൾ തങ്ങളുടെ കാറുകളുടെ പ്രത്യേക പതിപ്പുകൾ പുറത്തിറക്കിയിട്ടുണ്ട്. ഈ കാറുകൾക്ക് ആയിരക്കണക്കിന് രൂപയുടെ കിഴിവും നിങ്ങൾക്ക് ലഭിക്കും. പുതിയ ആക്സസറി പാക്കേജുകളോടെ ചില പ്രത്യേക പതിപ്പ് കാറുകളും അവതരിപ്പിച്ചിട്ടുണ്ട്. ഇവ നിങ്ങളുടെ കാറിനെ കൂടുതൽ ആകർഷകമാക്കും. ഈ സ്പെഷ്യൽ എഡിഷൻ കാറുകളെക്കുറിച്ച് നമുക്ക് അറിയാം.
ടൊയോട്ട ഗ്ലാൻസ ഫെസ്റ്റിവൽ എഡിഷൻ:
ഈ പ്രത്യേക കാർ പതിപ്പിൽ 20,567 രൂപയുടെ ആക്‌സസറീസ് പാക്കേജ് സൗജന്യമായി നൽകുന്നു. 2024 ഒക്ടോബർ 31 വരെ നിങ്ങൾക്ക് ഈ ഓഫർ ലഭിക്കും. ഈ പാക്കേജിൽ, പിൻ ബമ്പർ, ഫെൻഡർ, റിയർ റിഫ്ലക്ടർ, വെൽക്കം ഡോർ ലാമ്പ് എന്നിവയിൽ ക്രോം ഗാർണിഷ് ലഭ്യമാകും. ഇതുകൂടാതെ കറുപ്പും വെള്ളിയും നിറങ്ങളിലുള്ള ഡോർ വൈസറുകളും നെക്ക് കുഷനുകളും കാറിൽ ലഭിക്കും.
മഹീന്ദ്ര സ്കോർപിയോ ക്ലാസിക് ബോസ് എഡിഷൻ:
മഹീന്ദ്ര സ്കോർപ്പിയോ ക്ലാസിക് ബോസ് പതിപ്പിൽ പിൻ ഗാർഡ്, റെയിൻ വൈസറുകൾ, കാർബൺ ഫൈബർ കവർ, ഫ്രണ്ട് ബമ്പർ എന്നിവയിൽ ആഡ്-ഓണുകൾ ഘടിപ്പിച്ചിരിക്കുന്നു. ഇതിനുപുറമെ റിയർ വ്യൂ മിററും കാറിൽ ലഭ്യമാകും. ബ്ലാക്ക് തീം അപ്ഹോൾസ്റ്ററിയും കാറിൽ നൽകിയിട്ടുണ്ട്. ഡീലർഷിപ്പ് തലത്തിൽ ആക്‌സസറീസ് പാക്കേജോടെയാണ് ഇത് അവതരിപ്പിച്ചിരിക്കുന്നത്.
മാരുതി സുസുക്കി ബലേനോ റീഗൽ എഡിഷൻ:
ഗ്രിൽ അപ്പർ ഗാർണിഷ്, ഫ്രണ്ട് അണ്ടർബോഡി സ്‌പോയിലർ, ഫോഗ് ലാമ്പ് ഗാർണിഷ്, റിയർ അണ്ടർബോഡി സ്‌പോയിലർ, ബാക്ക് ഡോർ ഗാർണിഷ്, ബോഡി സൈഡ് മോൾഡിംഗ്, ഡോർ വൈസറുകൾ തുടങ്ങിയ ഫീച്ചറുകൾ മാരുതി സുസുക്കി ബലേനോ റീഗൽ എഡിഷനുണ്ട്. പുതിയ സീറ്റ് കവറുകൾ, ഇൻ്റീരിയർ സ്റ്റൈലിംഗ് കിറ്റ്, വിൻഡോ കർട്ടനുകൾ, ഓൾ-വെതർ 3D ഫ്ലോർ മാറ്റുകൾ എന്നിവയും കാറിനുള്ളിൽ ലഭ്യമാകും. ഇതിൻ്റെ ആക്‌സസറീസ് പാക്കേജിൻ്റെ വില 45,820 രൂപ മുതൽ 60,199 രൂപ വരെയാണ്.
ടൊയോട്ട റൂമിയോൺ ഫെസ്റ്റിവൽ എഡിഷൻ:
ടൊയോട്ട റൂമിയോൺ ഫെസ്റ്റിവൽ എഡിഷനിൽ 20,608 രൂപയുടെ ആക്‌സസറീസ് പാക്കേജ് വാഗ്ദാനം ചെയ്യുന്നു. 2024 ഒക്ടോബർ 31 വരെ നിങ്ങൾക്ക് ഈ പാക്കേജ് സൗജന്യമായി എടുക്കാം. ബാക്ക് ഡോർ ഗാർണിഷ്, മഡ് ഫ്ലാപ്പുകൾ, റിയർ ബമ്പർ ഗാർണിഷ്, ഡീലക്സ് കാർപെറ്റ് മാറ്റുകൾ എന്നിവ പാക്കേജിന് കീഴിൽ ലഭിക്കും. ഇതിനുപുറമെ, ഹെഡ്‌ലാമ്പ് ഗാർണിഷ്, നമ്പർ പ്ലേറ്റ് ഗാർണിഷ്, ക്രോം ഡോർ വിസറുകൾ, റൂഫ് എഡ്‍ജ് സ്‌പോയിലർ, ബോഡി സൈഡ് മോൾഡിംഗ് തുടങ്ങിയ സവിശേഷതകളും കാറിന് ലഭിക്കും.
മാരുതി സുസുക്കി സ്വിഫ്റ്റ് ബ്ലിറ്റ്‌സ് എഡിഷൻ:
39,500 രൂപ മുതൽ 49,848 രൂപ വരെയുള്ള ആക്‌സസറികൾ മാരുതി സുസുക്കി സ്വിഫ്റ്റ് ബ്ലിറ്റ്‌സിൽ സൗജന്യമായി നൽകുന്നു. റിയർ അണ്ടർബോഡി സ്‌പോയിലർ, സ്‌പോയിലർ ഓൺ ദി ബൂട്ട്, എൽഇഡി ഫോഗ് ലാമ്പുകൾ, ഗ്രിൽ ഗാർണിഷ്, ഇല്യൂമിനേറ്റഡ് ഡോർ സിൽസ്, ഡോർ വൈസറുകൾ, സൈഡ് മോൾഡിംഗ് തുടങ്ങിയ ഫീച്ചറുകൾ ഇതിൽ ഉൾപ്പെടുന്നു. പുതിയ സീറ്റ് കവറുകളും കാറിനുള്ളിൽ ലഭ്യമാകും.
ഈ സ്പെഷ്യൽ എഡിഷൻ കാറുകളെല്ലാം ദീപാവലിക്ക് മുമ്പ് പുറത്തിറക്കിയിട്ടുണ്ട്. പ്രത്യേക പതിപ്പ് പരിമിതമായ സമയത്തേക്ക് മാത്രമേ വിൽപ്പനയ്‌ക്ക് ലഭ്യമാകൂ. ആക്‌സസറീസ് പാക്കേജിൻ്റെ ആനുകൂല്യവും പരിമിത കാലത്തേക്ക് മാത്രമേ ലഭ്യമാകൂ.
ശ്രദ്ധിക്കുക, മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ പ്രാദേശിക ഡീലറെ സമീപിക്കുക.