മഹീന്ദ്ര അതിൻ്റെ ഏറ്റവും ജനപ്രിയവും ഏറ്റവും കൂടുതൽ വിറ്റഴിക്കപ്പെടുന്നതുമായ സ്കോർപിയോ-എൻ എസ്‌യുവിയിൽ ഈ മാസം വിലയ വിലക്കിഴിവ് വാഗ്‍ദാനം ചെയ്യുന്നതായി റിപ്പോർട്ട്.
മഹീന്ദ്ര ആൻഡ് മഹീന്ദ്ര അതിൻ്റെ ഏറ്റവും ജനപ്രിയവും ഏറ്റവും കൂടുതൽ വിറ്റഴിക്കപ്പെടുന്നതുമായ സ്കോർപിയോ-എൻ എസ്‌യുവിയിൽ ഈ മാസം വിലയ വിലക്കിഴിവ് വാഗ്‍ദാനം ചെയ്യുന്നതായി റിപ്പോർട്ട്. വാഹനത്തിന് ന്യൂ ഇയർ സ്റ്റോക്ക് ക്ലിയറൻസ് സെയിൽ ആണ് കമ്പനി നൽകുന്നതെന്നാണ് റിപ്പോർട്ടുകൾ. ഈ ഓഫറിൻ്റെ ആനുകൂല്യം ഡിസംബർ 31 വരെ അല്ലെങ്കിൽ കാർ സ്റ്റോക്കിൽ തുടരുന്നത് വരെ ലഭ്യമാകും. ഈ എസ്‌യുവിക്ക് 50,000 രൂപ ക്യാഷ് കിഴിവാണ് കമ്പനി നൽകുന്നത്. 13.61 ലക്ഷം രൂപയാണ് സ്കോർപിയോയുടെ പ്രാരംഭ എക്‌സ് ഷോറൂം വില.
2024 ഒക്ടോബറിലെ മഹീന്ദ്ര കാറുകളുടെ വിൽപ്പനയെക്കുറിച്ച് പരിശോധിക്കുകയാണെങ്കിൽ, ഒക്ടോബറിൽ 15,677 യൂണിറ്റ് സ്കോർപിയോ വിറ്റഴിക്കപ്പെട്ടു. സെപ്റ്റംബറിൽ 14,438 യൂണിറ്റുകളും ഓഗസ്റ്റിൽ 13,787 യൂണിറ്റുകളും വിറ്റു. സ്കോർപിയോ എൻ-ൽ കമ്പനി പുതിയ സിംഗിൾ ഗ്രിൽ നൽകിയിട്ടുണ്ട്. അതിൽ ക്രോം ഫിനിഷിംഗ് ദൃശ്യമാണ്. കമ്പനിയുടെ പുതിയ ലോഗോ ഗ്രില്ലിൽ കാണാം. അതുമൂലം അതിൻ്റെ മുൻഭാഗത്തിൻ്റെ ഭംഗി വർദ്ധിക്കുന്നു. പുതുതായി രൂപകൽപന ചെയ്ത എൽഇഡി പ്രൊജക്ടർ ഹെഡ്‌ലാമ്പുകൾ, പുതിയ ഫോഗ് ലാമ്പ് ഹൗസിംഗോടുകൂടിയ പുനർരൂപകൽപ്പന ചെയ്ത ഫ്രണ്ട് ബമ്പർ, സി ആകൃതിയിലുള്ള എൽഇഡി ഡേടൈം റണ്ണിംഗ് ലൈറ്റുകൾ, ഷഡ്ഭുജാകൃതിയിലുള്ള ലോവർ ഗ്രിൽ ഇൻസേർട്ട് ഉള്ള വിശാലമായ സെൻട്രൽ എയർ ഇൻലെറ്റ് എന്നിവ ഇതിൽ ഉൾപ്പെടുന്നു.
undefined
പുതുതായി രൂപകൽപ്പന ചെയ്ത രണ്ട്-ടോൺ വീലുകളുടെ ഒരു കൂട്ടം എസ്‌യുവിയിൽ കാണാം. പുറംഭാഗത്തിൻ്റെ മറ്റൊരു ഭാഗത്തെക്കുറിച്ച് പറയുകയാണെങ്കിൽ, ക്രോം ചെയ്ത ഡോർ ഹാൻഡിലുകൾ, ക്രോം ചെയ്ത വിൻഡോ ലൈൻ, ശക്തമായ റൂഫ് റെയിലുകൾ, സൈഡ്-ഹിംഗ്ഡ് ഡോറുകളോട് കൂടിയ ട്വീക്ക് ചെയ്ത ബോണറ്റ്, ബൂട്ട്ലിഡ്, പുതുക്കിയ പിൻ ബമ്പർ, പുതിയ ലംബമായ എൽഇഡി ടെയിൽ ലാമ്പുകൾ എന്നിവ ലഭിക്കുന്നു. സ്കോർപിയോ N-ന് ഒരു എഞ്ചിൻ സ്റ്റാർട്ട്/സ്റ്റോപ്പ് ബട്ടൺ ഉണ്ട്.
പുതിയ ഡാഷും സെൻ്റർ കൺസോളും, നവീകരിച്ച സെമി-ഡിജിറ്റൽ ഇൻസ്ട്രുമെൻ്റേഷൻ, ഫ്ലാറ്റ്-ബോട്ടം സ്റ്റിയറിംഗ് വീൽ, റൂഫ് മൗണ്ടഡ് സ്പീക്കറുകൾ, ലെതർ സീറ്റുകൾ, ക്രമീകരിക്കാവുന്ന ഹെഡ്‌റെസ്റ്റ്, വയർലെസ് ചാർജിംഗ് പാഡ്, സെൻട്രൽ മൗണ്ടഡ് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം എന്നിവ ഇതിന് ലഭിക്കും. സുരക്ഷയ്ക്കായി, സൺറൂഫ്, ആറ് എയർബാഗുകൾ, റിവേഴ്സ് ക്യാമറ, ടയർ പ്രഷർ മോണിറ്ററിംഗ് സിസ്റ്റം, ക്രൂയിസ് കൺട്രോൾ, റിയർ ഡിസ്‍ക് ബ്രേക്ക് തുടങ്ങി നിരവധി ഫീച്ചറുകൾ ലഭ്യമാകും.
ഥാർ, XUV700 എന്നിവയിൽ നിന്നുള്ള എഞ്ചിനുകൾ മഹീന്ദ്ര സ്കോർപിയോ-എൻ-ൽ കാണാം. 2.0 ലിറ്റർ ഫോർ സിലിണ്ടർ എംസ്റ്റാലിയൻ പെട്രോൾ, 2.2 ലിറ്റർ ഫോർ പോട്ട് എംഹോക്ക് ഡീസൽ എഞ്ചിൻ എന്നിവ ഇതിൽ സജ്ജീകരിച്ചിരിക്കുന്നു. 6-സ്പീഡ് മാനുവൽ, 6-സ്പീഡ് ഓട്ടോമാറ്റിക് ട്രാൻസ്മിഷനുമായി എഞ്ചിൻ ഘടിപ്പിക്കാം. സ്കോർപിയോ N ൻ്റെ ടോപ്പ്-എൻഡ് വേരിയൻ്റിൽ ഫോർ വീൽ ഡ്രൈവ് (4WD) സിസ്റ്റം സജ്ജീകരിക്കാം. ഗ്ലോബൽ എൻസിഎപിയുടെ പുതിയ മാനദണ്ഡങ്ങൾ പിന്തുടർന്ന് ക്രാഷ് ടെസ്റ്റിൽ 5-സ്റ്റാർ സുരക്ഷാ റേറ്റിംഗും ഇതിന് ലഭിച്ചിട്ടുണ്ട്.
നിരാകരണം : ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാൻ സാധ്യതയുണ്ട്. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.