അടുത്ത രണ്ട് വർഷത്തിനുള്ളിൽ ടെറ സബ്-4 മീറ്റർ എസ്‌യുവി, ടെയ്റോൺ മൂന്ന്-വരി എസ്‌യുവി എന്നിവയ്‌ക്കൊപ്പം മോഡൽ ലൈനപ്പ് വികസിപ്പിക്കാൻ ഫോക്സ്വാഗൺ പദ്ധതിയിടുന്നു. വരാനിരിക്കുന്ന ഈ രണ്ട് ഫോക്സ്വാഗൺ എസ്‌യുവികളുടെ പ്രധാന വിശദാംശങ്ങൾ നോക്കാം.
ജർമ്മൻ വാഹന ബ്രാൻഡായ ഫോക്‌സ്‌വാഗന്‍റെ ഇന്ത്യൻ ഉൽപ്പന്ന ശ്രേണിയിൽ നിലവിൽ മൂന്ന് മോഡലുകളുണ്ട്. അതിൽ വിർട്ടസ് മിഡ്‌സൈസ് സെഡാനും ടൈഗൺ മിഡ്‌സൈസ്, ടിഗുവാൻ പ്രീമിയം 5-സീറ്റർ എന്നിങ്ങനെ രണ്ട് എസ്‌യുവികളും ഉൾപ്പെടുന്നു. രാജ്യത്തെ എസ്‌യുവി സെഗ്‌മെൻ്റിൻ്റെ വളർച്ച കണക്കിലെടുത്ത്, അടുത്ത രണ്ട് വർഷത്തിനുള്ളിൽ ടെറ സബ്-4 മീറ്റർ എസ്‌യുവി, ടെയ്റോൺ മൂന്ന്-വരി എസ്‌യുവി എന്നിവയ്‌ക്കൊപ്പം മോഡൽ ലൈനപ്പ് വികസിപ്പിക്കാൻ ഫോക്സ്വാഗൺ പദ്ധതിയിടുന്നു. വരാനിരിക്കുന്ന ഈ രണ്ട് ഫോക്സ്വാഗൺ എസ്‌യുവികളുടെ പ്രധാന വിശദാംശങ്ങൾ നോക്കാം.
ഫോക്സ്വാഗൺ ടെയ്റോൺ
അടുത്തിടെ അരങ്ങേറ്റം കുറിച്ച പുതിയ ഫോക്സ്വാഗൺ ടെയ്റോൺ എസ്‌യുവി 2025 അവസാനത്തോടെ ഇന്ത്യയിലെത്തും. ഇത് പ്രധാനമായും ടിഗ്വാൻ ഓൾസ്‌പേസിന് പകരമാകും. ടിഗ്വാനുമായി താരതമ്യപ്പെടുത്തുമ്പോൾ, ടെയ്റോൺ എസ്‌യുവിക്ക് 231 എംഎം നീളമുള്ള വീൽബേസ് ഉണ്ട്, മൂന്നാം നിര സീറ്റുകളും 198 ലിറ്റർ അധിക ബൂട്ട് സ്പേസും ലഭിക്കുന്നു. 12.9 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, 10.25 ഇഞ്ച് ഡിജിറ്റൽ ഇൻസ്ട്രുമെൻ്റ് ക്ലസ്റ്റർ, 15 ഇഞ്ച് HUD (ഓപ്ഷണൽ), ADAS ടെക്‌നോളജി തുടങ്ങിയ സവിശേഷതകളാൽ നിറഞ്ഞതാണ് ഈ 7 സീറ്റർ എസ്‌യുവി. എഡിഎഎസ് സ്യൂട്ട് ഓട്ടോണമസ് എമർജൻസി ബ്രേക്കിംഗ്, ലെയ്ൻ കീപ്പ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ തുടങ്ങിയവ പോലുള്ള സുരക്ഷാ ഫീച്ചറുകൾ വാഗ്ദാനം ചെയ്യുന്നു. ആഗോളതലത്തിൽ, ഫോക്സ്വാഗൺ ടെയ്‌റോണിന് നാല് പവർട്രെയിൻ ഓപ്‌ഷനുകളുണ്ട്. പെട്രോൾ, മൈൽഡ് ഹൈബ്രിഡ് പെട്രോൾ, പെട്രോൾ പ്ലഗ്-ഇൻ ഹൈബ്രിഡ്, ഡീസൽ എന്നിവ. ഇന്ത്യ-സ്പെക്ക് വിഡബ്ല്യു ടെയ്‌റോണിൻ്റെ സ്പെസിഫിക്കേഷനുകൾ ഇപ്പോഴും വ്യക്തമല്ല. ഈ വാഹനം സ്കോഡ കൊഡിയാക്, ജീപ്പ് മെറിഡിയൻ എന്നിവയുമായി മത്സരിക്കും.
undefined
ഫോക്സ്വാഗൺ ടെറ
വരും മാസങ്ങളിൽ പുറത്തിറങ്ങാനിരിക്കുന്ന സ്കോഡ കൈലാക്കിനെ അടിസ്ഥാനമാക്കി എത്തുന്ന മോഡലാണ് ഫോക്സ്വാഗൺ ടെറ. രണ്ട് മോഡലുകളും ഫീച്ചറുകൾ, പവർട്രെയിനുകൾ, പ്ലാറ്റ്‌ഫോമുകൾ തുടങ്ങിയവ പങ്കിടും. ഫോക്‌സ്‌വാഗൻ്റെ ആദ്യത്തെ സബ്-4 മീറ്റർ എസ്‌യുവി ഓഫറായിരിക്കും ഇത്. വാഹനം 2026ൽ നിരത്തിലിറങ്ങുമെന്ന് പ്രതീക്ഷിക്കുന്നു. വേറിട്ട ഫ്രണ്ട് ഗ്രിൽ, പുതുക്കിയ ഫ്രണ്ട് ആൻഡ് റിയർ ബമ്പറുകൾ, പുതിയ ലൈറ്റുകൾ, പുനർരൂപകൽപ്പന ചെയ്ത ടെയിൽഗേറ്റ് തുടങ്ങിയവ ടെറ എസ്‌യുവിയിൽ ഉണ്ടായിരിക്കും. ക്യാബിനിലെ ചില ഡിസൈൻ ഘടകങ്ങൾ രണ്ട് എസ്‌യുവികളെയും വ്യത്യസ്തമാക്കും. സ്കോഡ കൈലാക്കിന് സമാനമായി, 115 ബിഎച്ച്‌പി, 1.0 ലിറ്റർ ഡയറക്‌ട്-ഇഞ്ചക്ഷൻ ടർബോ പെട്രോൾ എഞ്ചിനിലാണ് ഫോക്സ്വാഗൺ ടെറ വരുന്നത്.