മാരുതി സുസുക്കി ഡിസയർ ഫെയ്‌സ്‌ലിഫ്റ്റിൻ്റെ സാധ്യമായ സവിശേഷതകൾ, പവർട്രെയിൻ, വില എന്നിവയെക്കുറിച്ചുള്ള ഒരു ഓടിച്ചുനോട്ടം
ഇന്ത്യൻ വിപണിയിൽ ഏറ്റവുമധികം വിറ്റഴിക്കപ്പെടുന്ന സെഡാനായ മാരുതി സുസുക്കി ഡിസയർ പുതിയ രൂപത്തിൽ വിപണിയിലേക്ക് പ്രവേശിക്കാൻ പോകുന്നു. മാരുതി സുസുക്കി ഡിസയറിൻ്റെ പുതുക്കിയ പതിപ്പ് ഇന്ന് അതായത് നവംബർ 11 ന് കമ്പനി ഇന്ത്യൻ വിപണിയിൽ അവതരിപ്പിക്കും. ഏതാനും മണിക്കൂറുകൾക്കകം പുതിയ വാഹനത്തിന്‍റെ പൂർണവിവരങ്ങൾ നമുക്ക് മുന്നിലേക്ക് എത്തും. പരിഷ്‍കരിച്ച മാരുതി സുസുക്കി ഡിസയറിൻ്റെ എക്സ്റ്റീരിയറിലും ഇൻ്റീരിയറിലും വലിയ മാറ്റങ്ങൾ കാണും. ഇതുകൂടാതെ, ഈ സെഗ്‌മെൻ്റിൽ ഉപഭോക്താക്കൾക്ക് ആദ്യമായി ഒരു സൺറൂഫും ലഭിക്കും. ഇന്ത്യൻ വിപണിയിൽ മാരുതി സുസുക്കി ഡിസയറിൻ്റെ 27 ലക്ഷം യൂണിറ്റുകൾ ഇതുവരെ വിറ്റഴിച്ചു എന്നതിൽ നിന്ന് ഈ കാറിന്‍റെ ജനപ്രീതി മനസിലാക്കാം. മാരുതി സുസുക്കി ഡിസയർ ഫെയ്‌സ്‌ലിഫ്റ്റിൻ്റെ സാധ്യമായ സവിശേഷതകൾ, പവർട്രെയിൻ, വില എന്നിവയെക്കുറിച്ച് ഒന്ന് ഓടിച്ചുനോക്കാം.
ഡിസൈൻ
അപ്‌ഡേറ്റ് ചെയ്ത ഡിസയറിൽ കാറിൻ്റെ മുൻവശത്ത് മധ്യഭാഗത്ത് സുസുക്കി ലോഗോ ഉള്ള ഒരു സ്പ്ലിറ്റ് ഗ്രിൽ ലഭിക്കും. അതേസമയം, ഹെഡ്‌ലാമ്പ് പുതിയ സ്വിഫ്റ്റിന് സമാനമാണ്. ഇതുകൂടാതെ, ഈ 5 സീറ്റർ കാറിന് ബ്ലാക്ക് ഫിനിഷുള്ള ഒരു പുതിയ ഡ്യുവൽ സ്‌പോക്ക് അലോയ് വീലും നൽകും. അതേസമയം, പുതുതായി രൂപകൽപന ചെയ്ത എൽഇഡി ടെയിൽ ലാമ്പുകളും പുതിയ ഡിസൈൻ ബമ്പറും ഉപയോഗിച്ച് പിൻവശത്തെ കാറിൽ നിരവധി മാറ്റങ്ങൾ വരുത്തിയിട്ടുണ്ട്.
undefined
പുതിയ ഡിസയർ എത്തുക മോഹവിലയിലോ?
പവർട്രെയിൻ
ഈ കാറിന് പുതിയ Z-സീരീസ് 1.2-ലിറ്റർ 3-സിലിണ്ടർ പെട്രോൾ എഞ്ചിൻ നൽകും, അത് പരമാവധി 80bhp കരുത്തും 112Nm പീക്ക് ടോർക്കും സൃഷ്ടിക്കാൻ പ്രാപ്തമായിരിക്കും. കാറിൽ 5-സ്പീഡ് മാനുവൽ, ഓട്ടോമാറ്റിക് ട്രാൻസ്മിഷൻ ഉപഭോക്താക്കൾക്ക് ലഭിക്കും.
അടിപൊളി ഫീച്ചറുകൾ
കാറിൻ്റെ ക്യാബിനിൽ, വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റിയെ പിന്തുണയ്ക്കുന്ന ഫ്ലോട്ടിംഗ് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, വയർലെസ് സ്മാർട്ട്‌ഫോൺ ചാർജർ, നവീകരിച്ച സെമി-ഡിജിറ്റൽ ഇൻസ്ട്രുമെൻ്റ് കൺസോൾ തുടങ്ങിയ ഫീച്ചറുകൾ ലഭിക്കും എന്നാണ് റിപ്പോർട്ടുകൾ. ഇതുകൂടാതെ, സുരക്ഷയ്ക്കായി, കാറിൽ 360-ഡിഗ്രി ക്യാമറയുള്ള മൾട്ടി എയർബാഗുകളും ഉണ്ടായിരിക്കും.