ഹ്യുണ്ടായിയുടെ വരാനിരിക്കുന്ന ഇലക്ട്രിക്ക് കാറുകളെപ്പറ്റി അറിയേണ്ടതെല്ലാം
ഇന്ത്യൻ വിപണിയിൽ ഹ്യുണ്ടായിക്ക് വലിയ ഇവി പ്ലാനുകൾ ഉണ്ട്. കമ്പനിക്ക് നിലവിൽ ഒരൊറ്റ ഇലക്ട്രിക് ഓഫർ മാത്രമേയുള്ളൂ ഇന്ത്യൻ വിപണിയിൽ ഉള്ളൂ. അയോണിക് 5 ആണത്. ഉടൻ തന്നെ ഹ്യുണ്ടായ് ക്രെറ്റ ഇവിയും എത്തും. 2025 ജനുവരിയിൽ അരങ്ങേറ്റം കുറിക്കുന്ന ക്രെറ്റയുടെ ഇലക്ട്രിക്ക് പതിപ്പിന് ടാറ്റ കർവ്വ് ഇവി, എംജി ഇസെഡ്എസ് ഇവി, ബിവൈഡി അറ്റോ 3, വരാനിരിക്കുന്ന മാരുതി സുസുക്കി eVX എന്നിവയിൽ നിന്നുള്ള വെല്ലുവിളികൾ നേരിടേണ്ടിവരും. എല്ലാ എതിരാളികളെയും അപേക്ഷിച്ച്, ക്രെറ്റ ഇവിക്ക് ചെറിയ ബാറ്ററി പാക്ക് ഉണ്ടെന്ന് റിപ്പോർട്ടുകൾ ഉണ്ട്. ഇടത്തരം ഇലക്ട്രിക് എസ്‌യുവിക്ക് പിന്നാലെ ടാറ്റ പഞ്ച് ഇവിയുമായി നേർക്കുനേർ മത്സരിക്കുന്നത് ഹ്യൂണ്ടായ് ഇൻസ്റ്റർ ഇവി ആയിരിക്കും.
HE1i എന്ന കോഡുനാമത്തിൽ ബ്രാൻഡിൻ്റെ താങ്ങാനാവുന്ന E-GMP (K) പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ് ഇൻസ്റ്റർ ഇവി. ആഗോള വിപണികൾക്ക് സമാനമായി, ഇന്ത്യ-സ്പെക്ക് പതിപ്പിന് രണ്ട് ബാറ്ററി പായ്ക്കുകൾ - സ്റ്റാൻഡേർഡ് 42kWh, ലോംഗ്-റേഞ്ച് 49kWh എന്നിവ വാഗ്ദാനം ചെയ്യാൻ സാധ്യതയുണ്ട്. ചെറിയ ബാറ്ററി ഡബ്ല്യുഎൽടിപി ക്ലെയിം ചെയ്ത 300 കിലോമീറ്റർ റേഞ്ച് വാഗ്ദാനം ചെയ്യുന്നു. വലുത് 355 കിലോമീറ്റർ വാഗ്ദാനം ചെയ്യുന്നു. ടാറ്റ പഞ്ച് ഇവിയുടെ എതിരാളിയായ ഹ്യുണ്ടായിയുടെ കോംപാക്റ്റ് എസ്‌യുവി 2026 ൻ്റെ രണ്ടാം പകുതിയിൽ നിരത്തിലെത്തും.
undefined
വെന്യൂ സബ്‌കോംപാക്റ്റ് എസ്‌യുവിയുടെയും ഗ്രാൻഡ് ഐ10 നിയോസ് ഹാച്ച്‌ബാക്കിൻ്റെയും ഇലക്ട്രിക് പതിപ്പുകളും ഹ്യുണ്ടായി ജനറേഷൻ മാറ്റങ്ങളോടെ അവതരിപ്പിച്ചേക്കാം. ഈ രണ്ട് ഇവികളും ഇപ്പോഴും ഇന്ത്യയുടെ പരിഗണനയിലാണ്. അടുത്ത തലമുറ ഹ്യുണ്ടായ് വെന്യു (QU2i എന്ന കോഡ് നാമം) ഹ്യുണ്ടായിയുടെ പുതിയ തലേഗാവ് നിർമ്മാണ കേന്ദ്രത്തിൽ നിർമ്മിക്കുന്ന ബ്രാൻഡിൻ്റെ ആദ്യ മോഡലായിരിക്കും. കഴിഞ്ഞ വർഷമാണ് ഹ്യുണ്ടായ് ജനറൽ മോട്ടോഴ്‌സിൽ നിന്ന് പ്ലാൻ്റ് ഏറ്റെടുത്തത്.
ഏറ്റവും പുതിയ വെന്യുവിൽ ക്രെറ്റ, അൽകാസർ എന്നിവയിൽ നിന്ന് പ്രചോദനം ഉൾക്കൊണ്ടുള്ള ഡിസൈൻ മാറ്റങ്ങളും കൂടുതൽ ഫീച്ചറുകൾ നിറഞ്ഞ ഇൻ്റീരിയറും ലഭിക്കും. 2025 അവസാനത്തോടെ ഇതിൻ്റെ ലോഞ്ച് പ്രതീക്ഷിക്കുന്നു. അടുത്ത തലമുറയിലെ ഹ്യുണ്ടായ് ഗ്രാൻഡ് i10 നിയോസ് 2027-ൽ എത്തും. ഔറ കോംപാക്റ്റ് സെഡാനും എക്‌സ്‌റ്റർ മൈക്രോ എസ്‌യുവിക്കും ഹ്യുണ്ടായ് തലമുറ മാറ്റം നൽകും. ഈ രണ്ട് മോഡലുകളും ഗ്രാൻഡ് i10 നിയോസുമായി ഒരു പ്ലാറ്റ്ഫോം പങ്കിടുന്നു.