ടൊയോട്ട ടെയ്‌സർ, ഇപ്പോൾ ദക്ഷിണാഫ്രിക്കൻ വിപണിയിലും അവതരിപ്പിച്ചു. അവിടെ ഒരു പുതിയ പേരും പുതിയ എഞ്ചിനുമായിട്ടാണ് വാഹനം അവതരിപ്പിച്ചിരിക്കുന്നത്. നമുക്ക് അതിൻ്റെ വിശദാംശങ്ങൾ അറിയാം.
ജാപ്പനീസ് വാഹന ബ്രാൻഡായ ടൊയോട്ട അടുത്തിടെ ഇന്ത്യയിൽ അവതരിപ്പിച്ച ടൊയോട്ട ടെയ്‌സർ, ഇപ്പോൾ ദക്ഷിണാഫ്രിക്കൻ വിപണിയിലും അവതരിപ്പിച്ചു. അവിടെ ഒരു പുതിയ പേരും പുതിയ എഞ്ചിനുമായിട്ടാണ് വാഹനം അവതരിപ്പിച്ചിരിക്കുന്നത്. നമുക്ക് അതിൻ്റെ വിശദാംശങ്ങൾ അറിയാം.
ദക്ഷിണാഫ്രിക്കയിൽ ടേസർ എസ്‌യുവിക്ക് ടൊയോട്ട സ്റ്റാർലെറ്റ് ക്രോസ് എന്നാണ് പേര് നൽകിയിരിക്കുന്നത്. ടൊയോട്ട ഗ്ലാൻസ ഇതിനകം സ്റ്റാർലെറ്റ് എന്ന പേരിൽ വിറ്റഴിച്ചതിനാലാണ് ഇങ്ങനൊരു നീക്കം എന്നാണ് റിപ്പോര്‍ട്ടുകൾ. 1970-കളിലും 80-കളിലും 90-കളിലും ഒറിജിനൽ ടൊയോട്ട സ്റ്റാർലെറ്റ് പല രാജ്യങ്ങളിലും വളരെ പ്രചാരത്തില്‍ ഉണ്ടായിരുന്നു. പക്ഷേ ഈ കാർ ഇന്ത്യയിൽ വന്നില്ല. എന്നാൽ ടൊയോട്ട ദക്ഷിണാഫ്രിക്കൻ വിപണിയിൽ ഈ പേരിനെ ഇപ്പോൾ പുനരുജ്ജീവിപ്പിച്ചു. ഈ കാർ മാരുതി സുസുക്കി ബലേനോയുടെ എസ്‌യുവി മോഡലാണ്. ടൊയോട്ടയുടെ ടേസർ അടിസ്ഥാനമാക്കിയുള്ള ബലേനോ അധിഷ്ഠിത ഫ്രോങ്ക്‌സ് ഏതാനും മാസങ്ങൾക്ക് മുമ്പ് മാരുതി പുറത്തിറക്കിയിരുന്നു.
undefined
ഡിസൈനിൻ്റെ കാര്യത്തിൽ, ടൊയോട്ട സ്റ്റാർലെറ്റ് ക്രോസ് ഇന്ത്യൻ ടേയ്‍സറിനെപ്പോലെയാണ്. ഇതിൻ്റെ ഹെഡ്‌ലാമ്പുകൾ, ഡ്യുവൽ എൽഇഡി ഡിആർഎൽ, 10-സ്‌പോക്ക് അലോയ് വീലുകൾ എന്നിവ അതേപടി നിലനിൽക്കുന്നു. ഇൻ്റീരിയർ ഡിസൈനും സമാനമാണ്. ഒരേയൊരു വ്യത്യാസം ഇന്ത്യയിൽ അതിൻ്റെ ഇൻ്റീരിയർ കറുപ്പും മെറൂൺ നിറവുമാണ് എന്നതാണ്. എന്നാൽ ദക്ഷിണാഫ്രിക്കയിൽ അതിനുള്ളിൽ അല്പം ഗോൾഡൻ നിറമാണ് ഉപയോഗിച്ചിരിക്കുന്നത്. ഇത് കൂടാതെ, ഇന്ത്യയിൽ ലഭ്യമല്ലാത്ത ബ്ലാക്ക്, ബ്ലൂ എന്നീ രണ്ട് നിറങ്ങളിൽ കൂടി ഇത് ദക്ഷിണാഫ്രിക്കയിലും ലഭ്യമാണ്.
ഫീച്ചറുകളുടെ കാര്യത്തിലും ഈ കാർ വളരെ മികച്ചതാണ്. വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയെ പിന്തുണയ്ക്കുന്ന ഒമ്പത് ഇഞ്ച് സ്മാർട്ട്പ്ലേ ഇൻഫോടെയ്ൻമെൻ്റ് സിസ്റ്റം ഇതിലുണ്ട്. ഇതുകൂടാതെ, പുഷ്-ബട്ടൺ സ്റ്റാർട്ട്, ഓട്ടോമാറ്റിക് ക്ലൈമറ്റ് കൺട്രോൾ, കീലെസ് എൻട്രി, മൾട്ടി-ഫംഗ്ഷൻ ഫ്ലാറ്റ്-ബോട്ടം സ്റ്റിയറിംഗ് വീൽ, ഹെഡ്-അപ്പ് ഡിസ്പ്ലേ, 360-ഡിഗ്രി ക്യാമറ തുടങ്ങിയ ഫീച്ചറുകൾ ലഭ്യമാണ്.
ദക്ഷിണാഫ്രിക്കൻ സ്റ്റാർലെറ്റ് ക്രോസിൽ ഇന്ത്യൻ ടേസർ എഞ്ചിൻ ഇല്ല എന്നത് ശ്രദ്ധേയമാണ്. ഇന്ത്യയിൽ 1.0 ലിറ്റർ ടർബോ പെട്രോളും 1.2 ലിറ്റർ നാച്ചുറലി ആസ്പിരേറ്റഡ് പെട്രോൾ എഞ്ചിനുകളുമായാണ് ടേസർ വരുന്നത്. ദക്ഷിണാഫ്രിക്കയിൽ ഇത് 1.5 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിനിലാണ് അവതരിപ്പിച്ചിരിക്കുന്നത്. ഈ എഞ്ചിൻ 103 bhp കരുത്തും 138 Nm ടോർക്കും ഉത്പാദിപ്പിക്കും. അഞ്ച് സ്പീഡ് മാനുവൽ അല്ലെങ്കിൽ 4-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്സിലാണ് ട്രാൻസ്മിഷൻ വരുന്നത്.
ദക്ഷിണാഫ്രിക്കയിലെ ടൊയോട്ട സ്റ്റാർലെറ്റ് ക്രോസിൻ്റെ വില 299,900 മുതൽ 359,300 റാൻഡ് (ഏകദേശം 13.70 ലക്ഷം മുതൽ 16.50 ലക്ഷം രൂപ വരെ) വരെയാണ്. താരതമ്യപ്പെടുത്തുമ്പോൾ, ടൊയോട്ട ടേസറിൻ്റെ ഇന്ത്യയിലെ എക്സ്-ഷോറൂം വില 7.74 ലക്ഷം മുതൽ 12.88 ലക്ഷം രൂപ വരെയാണ്. സിഎൻജി ഡെറിവേറ്റീവിനൊപ്പം രണ്ട് പെട്രോൾ എഞ്ചിനുകളിലും മോഡൽ ലഭ്യമാണ്.