കൊറോള ഈ നാഴികക്കല്ല് പിന്നിട്ടതിന്‍റെ സ്‍മരണയ്ക്കായി അഞ്ച് ഭാഗങ്ങളുള്ള മാംഗ സീരീസ് സൃഷ്‍ടിച്ചിരിക്കുകയാണ് ടൊയോട്ട എന്ന് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു.
ജാപ്പനീസ് വാഹന നിര്‍മ്മാതാക്കളായ ടൊയോട്ടയുടെ (Toyota) ജനപ്രിയ സെഡാനാണ് കൊറോള (Corolla). ടൊയോട്ടയുടെ ഏറ്റവും മികച്ച വിൽപ്പനയുള്ള മോഡലും കൊറോളയാണ്. അരനൂറ്റാണ്ടിനിടെ ലോകത്താകെ വിറ്റത് 50 മില്യൺ അഥവാ അഞ്ച് കോടി കൊറോളകളാണ്. 55 വർഷങ്ങളായി തുടർച്ചയായി നിർമ്മാണത്തിലുള്ള വാഹനമാണ് കൊറോള. ഇപ്പോഴിതാ ഈ നാഴികക്കല്ലിന്‍റെ സ്‍മരണയ്ക്കായി അഞ്ച് ഭാഗങ്ങളുള്ള മാംഗ സീരീസ് സൃഷ്‍ടിച്ചിരിക്കുകയാണ് ടൊയോട്ട എന്ന് ഹിന്ദുസ്ഥാന്‍ ടൈംസ് ഓട്ടോ റിപ്പോര്‍ട്ട് ചെയ്യുന്നു.
കൊറോളയ്ക്ക് 55 വയസ്, ലോകത്താകെ വിറ്റത് അഞ്ച് കോടി യൂണിറ്റുകള്‍
undefined
ടൊയോട്ട കൊറോള 12 തലമുറകളുള്ള അഞ്ച് പതിറ്റാണ്ടിലേറെ നീണ്ട ഉൽപ്പാദന സമയക്രമത്തിന് സാക്ഷ്യം വഹിച്ചു. 1960-കളുടെ അവസാനത്തിലാണ് ആദ്യത്തെ കൊറോള അവതരിപ്പിക്കപ്പെട്ടത്. 1960 മുതൽ ഓരോ ദശകത്തിലും കൊറോള മോഡലുകൾ പ്രദർശിപ്പിക്കുന്ന ചിത്രീകരണങ്ങൾ മാംഗ കോമിക് സീരീസിലുണ്ട്. ഈ കോമിക്കൽ സ്കെച്ചുകൾ കൊറോള ഉടമകളുടെ യഥാർത്ഥ ചിത്രങ്ങളിൽ നിന്ന് പ്രചോദനം ഉൾക്കൊണ്ടതാണ്. കൂടാതെ ഓരോ കോമിക് സ്ട്രിപ്പിന്റെയും അവസാനം യഥാർത്ഥ ഫോട്ടോഗ്രാഫുകൾ കണ്ടെത്താനാകും. സ്വന്തമായി ഒരു കാർ എന്നത് ഒരു പ്രത്യേക കൂട്ടം ആളുകൾക്ക് മാത്രമായി പരിമിതപ്പെടുത്തിയിരുന്ന കാലത്ത്, 'എല്ലാവർക്കും കാറുകൾ ഉണ്ടാക്കുക' എന്ന ആശയവുമായിട്ടാണ് കൊറോള ജനിച്ചതെന്ന് ടൊയോട്ട പറയുന്നു.
ആദ്യ തലമുറ മോഡലിനെ കൊറോള E10 എന്നാണ് വിളിച്ചിരുന്നത്. നിലവിൽ 12-ാം തലമുറ കൊറോള സെഡാനാണ് വിപണിയിലുള്ളത്. 1966 -ൽ 1700 ഡോളർ വിലയുമായാണ് കൊറോള തന്‍റെ പ്രയാണം തുടങ്ങിയത്. ഈ വർഷം ജൂലൈയിൽ 50 ദശലക്ഷം വിൽപ്പനയെന്ന നാഴികക്കല്ല് മറികടന്നു. ഹാച്ച്ബാക്ക്, സെഡാൻ, കൂപ്പെ, വാഗൺ, മിനിവാൻ എന്നിങ്ങനെ ഒന്നിലധികം ബോഡി തരങ്ങളിൽ ടൊയോട്ട കൊറോള വാഗ്ദാനം ചെയ്‍തിട്ടുണ്ട്. ഇത് കമ്പനിയുടെ മാതൃരാജ്യമായ ജപ്പാൻ ഉൾപ്പെടെ ലോകമെമ്പാടുമുള്ള വിപണികളിൽ സ്വീകാര്യത നേടിയ മോഡലിന്റെ ജനപ്രീതി വർദ്ധിപ്പിച്ചു.
ഇന്നോവയുടെ വീട്ടില്‍ നിന്നും പുതിയൊരുവന്‍ കൂടി പുറപ്പെടുന്നു!
1969 ലാണ് അമേരിക്കൻ വിപണിയിൽ കൊറോള എത്തുന്നത്. പ്രായോഗികതയും സൗകര്യങ്ങളും വിശ്വാസ്യതയുംകൊണ്ട് മികച്ച കുടുംബ കാർ എന്ന പേര് വേഗത്തിൽതന്നെ കൊറോളയെ തേടിയെത്തി. 1980 കളുടെ മധ്യത്തോടെ കൊറോളയുടെ നിർമാണം യുഎസിലേക്ക് കൊണ്ടുവരാൻ ടൊയോട്ട തീരുമാനിച്ചു. നിലവിൽ, ടൊയോട്ട കൊറോള നിർമിക്കുന്നത് ടൊയോട്ട മോട്ടോർ മാനുഫാക്ചറിങ് മിസിസിപ്പിയിലാണ്. 2022 കൊറോളയ്ക്ക് യുഎസിൽ 21,100 ഡോളർ വിലയുണ്ട്.
ടൊയോട്ട കൊറോളയുടെ 50 മില്യൺ നാഴികക്കല്ല് ആഘോഷിക്കുന്നതിനായി, കാർ നിർമ്മാതാവ് അതിന്റെ വാഗൺ, ഹാച്ച്ബാക്ക്, സെഡാൻ വകഭേദങ്ങൾക്കായി ഒരു പ്രത്യേക ‘50 മില്യൺ എഡിഷൻ’ ആവർത്തനവും അവതരിപ്പിച്ചുട്ടുണ്ട്. പക്ഷേ, ഈ പ്രത്യേക പതിപ്പുകളുടെ മോഡലുകൾ ജപ്പാനിൽ മാത്രമേ ലഭ്യമാകൂ.
1960 മുതൽ, വിപണിയിലുള്ള മോഡല്‍ ഇപ്പോള്‍ ഒരുപാട് മുന്നോട്ട് പോയി. വളരെ ഡിമാൻഡുള്ള എസ്‌യുവി സെഗ്‌മെന്റിനായി ടൊയോട്ട കൊറോള ക്രോസ് എന്ന ക്രോസ്ഓവർ പതിപ്പും വാഗ്ദാനം ചെയ്യുന്നു. രണ്ടാമത്തേത് ഒരു ഹൈബ്രിഡ് പതിപ്പിലും വരുന്നു. കഴിഞ്ഞ വർഷം ടൊയോട്ട ടൊയോട്ട ജിആർ കൊറോളയെ യുഎസ് വിപണിയിൽ കൊണ്ടുവരാൻ ഒരുങ്ങുകയാണ്.
ഇന്നോവയുടെ അനുജന്മാരെ ഇന്ത്യക്ക് വേണ്ട , പടിയടച്ചിറക്കി ടൊയോട്ട!
ഇന്ത്യൻ വിപണിയിലും മികച്ച വിൽപ്പന നേടിയ വാഹനമാണ് കൊറോള. രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന എക്സിക്യൂട്ടീവ് സെഡാനുകളിൽ ഒന്നാണിത് എന്നാണ് റിപ്പോര്‍ട്ടുകള്‍. പുതിയ കൊറോള ക്രോസ് കോംപാക്ട് ക്രോസ്ഓവർ എസ്‌യുവിയുടെ GR സ്‌പോർട്ട് എഡിഷൻ കമ്പനി അടുത്തിടെ തായ്‍വാനില്‍ അവതരിപ്പിച്ചിരുന്നു. പ്രധാനമായും ക്രോസ്ഓവറിന്റെ ഒരു കിറ്റഡ്-അപ് പതിപ്പാണ് ഈ മോഡല്‍. പുതിയ ടൊയോട്ട കൊറോള ക്രോസ് GR സ്‌പോർട്ടിന് സവിശേഷമായ ഫ്രണ്ട് ഫാസിയ ലഭിക്കുന്നു. കൊറോള ക്രോസ് GR സ്പോർട്ടിന്റെ മെക്കാനിക്സിലും ടൊയോട്ട മാറ്റങ്ങൾ വരുത്തിയിട്ടുണ്ട്. സ്പോർട്സ് സസ്പെൻഷനും ചാസി റൈൻഫോഴ്സ്മെന്റ് ബ്രെയ്സുമായാണ് ഇത് വരുന്നത്. രണ്ട് എഞ്ചിൻ ഓപ്ഷനുകളോടെയാണ് നിർമ്മാതാക്കൾ വാഹനം വാഗ്ദാനം ചെയ്യുന്നത്. 2ZR-FE 1.8 ലിറ്റർ നാച്ചുറലി ആസ്പിറേറ്റഡ് ഫോർ സിലിണ്ടർ പെട്രോൾ എഞ്ചിൻ, 1.8 ലിറ്റർ ഹൈബ്രിഡ് എഞ്ചിൻ എന്നിവയാണ് അത്.
140 bhp കരുത്തും 172 Nm ടോർക്കും നാച്ചുറലി ആസ്പിറേറ്റഡ് എഞ്ചിൻ ഉത്പാദിപ്പിക്കുന്നു. മുൻ വീലുകളിലേക്ക് ഒരു സൂപ്പർ CVT-i ഗിയർബോക്സ് വഴി പവർ കൈമാറും. 98 bhp കരുത്ത് പുറപ്പെടുവിക്കുന്ന 1.8 ലിറ്റർ എഞ്ചിൻ, ഒരു ഇലക്ട്രിക് മോട്ടോർ (72 bhp, 163 Nm), ഒരു നിക്കൽ-മെറ്റൽ ഹൈഡ്രൈഡ് ബാറ്ററി, ഒരു e-CVT എന്നിവ ഹൈബ്രിഡ് സജ്ജീകരണത്തിൽ ഉൾപ്പെടുന്നു. വാഹനം 122 bhp പവർഔട്ട്പുട്ട് വാഗ്ദാനം ചെയ്യുന്നു.
അതേസമയം ടൊയോട്ട 2025-ഓടെ വാഹനങ്ങൾക്കായി സ്വന്തം സോഫ്റ്റ്‌വെയർ ഓപ്പറേറ്റിംഗ് സിസ്റ്റം അവതരിപ്പിക്കാൻ പദ്ധതിയിടുന്നതായി റിപ്പോർട്ടുകള്‍ ഉണ്ട്. ഓട്ടോണമസ് ഡ്രൈവിംഗ്, ഇലക്ട്രിക് മോട്ടോറുകളുടെ മാനേജ്മെന്‍റ്, വാഹനങ്ങളിലെ വിനോദത്തിനും നാവിഗേഷനും സഹായിക്കുന്ന ബാറ്ററികൾ എന്നിവ കൈകാര്യം ചെയ്യാൻ ഈ സംവിധാനത്തിന് കഴിയും.
ഇടിപ്പരീക്ഷയില്‍ മുഴുവന്‍ മാര്‍ക്കും നേടി ടൊയോട്ട കൊറോള