കാറുകൾ ഗർഭിണിയായി എന്ന തലക്കെട്ടോടെയാണ് ഈ വീഡിയോ പ്രചരിക്കുന്നത്. അടുത്തിടെ, 'ഗർഭിണിയായ കാറുകളുടെ' ചിത്രങ്ങൾ സോഷ്യൽ മീഡിയയിൽ നിറഞ്ഞു. ചൈനയിലെ തീവ്രമായ ചൂടാണ് ഈ പ്രതിഭാസത്തിന് കാരണം. എന്നാൽ എന്താണ് ഈ 'ഗർഭിണി കാറുകൾ'? ഇതാ അറിയേണ്ടതെല്ലാം
ആഗോളതാപനം ആഗോളതലത്തിൽ ഗണ്യമായ താപനില വ്യതിയാനങ്ങൾക്ക് കാരണമാകുന്നു. ജനങ്ങളിൽ മാത്രമല്ല, കാറുകളിലും ആഘാതം സൃഷ്ടിച്ച കൊടും ചൂടിന് ചൈന സാക്ഷ്യം വഹിക്കുന്നു. സോഷ്യൽ മീഡിയ പ്ലാറ്റ്ഫോമായ എക്സിൽ വൈറലായിക്കൊണ്ടിരിക്കുന്ന ഒരു വീഡിയോ കാണിക്കുന്നത് ചൈനയിൽ ചൂട് കൂടുന്നതിനാൽ കാറുകളുടെ പെയിന്‍റ് റാപ്പ് വീർക്കുന്നതിന് കാരണമാകുന്നു എന്നാണ്.
കാറുകൾ ഗർഭിണിയായി എന്ന തലക്കെട്ടോടെയാണ് ഈ വീഡിയോ പ്രചരിക്കുന്നത്. അടുത്തിടെ, 'ഗർഭിണിയായ കാറുകളുടെ' ചിത്രങ്ങൾ സോഷ്യൽ മീഡിയയിൽ നിറഞ്ഞു. ചൈനയിലെ തീവ്രമായ ചൂടാണ് ഈ പ്രതിഭാസത്തിന് കാരണം. എന്താണ് ഈ 'ഗർഭിണി കാറുകൾ'? ഉയർന്ന താപനില കാരണം കാറുകളിലെ പെയിൻ്റ് റാപ്പിംഗ് ഫിംലിം വികസിക്കുകയും ഒരു ബൾഗിംഗ് പ്രഭാവം സൃഷ്ടിക്കുകയും ചെയ്യുന്ന പ്രതിഭാസമാണ് 'ഗർഭിണി കാറുകൾ'. ഇതൊരു ഒപ്റ്റിക്കൽ മിഥ്യാധാരണയാണ്. ഇത് നെറ്റിസൺമാരിൽ കൗതുകവും വിനോദവും ഉണർത്തുന്നു. വികലമായ പെയിൻ്റ് പാളികളുള്ള നിരവധി കാറുകൾ പ്രദർശിപ്പിക്കുന്ന ഒരു വീഡിയോ ഓൺലൈനിൽ ഒരു വൈറലായിരിക്കുകയാണ്. വീഡിയോയിൽ കാറുകളുടെ മുൻവശം വീർത്തിരിക്കുന്നത് കാണാം. അതേസമയം ചിലകാറുകളുടെ ബോഡിയിൽ ഉടനീളം വീർപ്പ് കാണാം. പ്രാദേശികമായി നിർമ്മിച്ച കാറുകളിൽ മാത്രമേ ഇത്തരം ആഘാതം ദൃശ്യമാകൂ എന്ന് X-ലെ ഉപയോക്താക്കൾ അവകാശപ്പെടുന്നു.
undefined
“തമാശയല്ല! ചൈനയിലെ കാറുകൾ വളരെ ചൂടാകുമ്പോൾ ഗർഭം ധരിക്കുന്നു,” എന്ന കുറിപ്പിനൊപ്പം ജെന്നിഫർ സെങ് എന്നയാൾ സോഷ്യൽ മീഡിയ പ്ലാറ്റ് ഫോമായ എക്സിൽ ഈ വീഡിയോ പോസ്റ്റ് ചെയ്തു. ഈ പോസ്റ്റ് എക്സിൽ വൈറലായി. തുറന്ന സ്ഥലത്ത് പാർക്ക് ചെയ്തിരിക്കുന്ന ഒന്നിലധികം കാറുകൾ വീഡിയോയിൽ കാണിക്കുന്നു. ക്ലിപ്പിൽ ഒരു ഓഡി മോഡൽ ഉൾപ്പെടെ ഒന്നിലധികം കാർ മോഡലുകൾ കാണിക്കുന്നു. പോസ്റ്റ് ചെയ്തതിന് ശേഷം ഈ വീഡിയോ ഏഴ് ലക്ഷത്തിലധികം വ്യൂസ് നേടിക്കഴിഞ്ഞു. ഷെയറിന് 3,700-ലധികം ലൈക്കുകളും ഉണ്ട്. നിരവധി ആളുകൾ അവരുടെ പ്രതികരണങ്ങൾ പങ്കിടാൻ കമൻ്റ് വിഭാഗത്തിലെത്തി.
ദീർഘനേരം സൂര്യപ്രകാശം ഏൽക്കുന്നത് കാർ പെയിന്‍റിനെയും കോട്ടിംഗിനെയും ബാധിക്കും
ഉയർന്ന താപനിലയും നേരിട്ട് സൂര്യപ്രകാശം ഏൽക്കുന്നതും ഒരു കാർ പെയിന്‍റിന്‍റെ ആയുസിലും സൌന്ദ്യരത്തിലുമെല്ലാം സ്വാധീനം ചെലുത്തും. ഉയർന്ന ഊഷ്മാവ് കാരണം കാറിന്‍റെ വിനൈൽ റാപ്‌സ് കുമിളയാകാനോ, നീളാനോ, കാലക്രമേണ മങ്ങാനോ സാധ്യതയുണ്ട്. ഈ പ്രശ്‌നങ്ങളിൽ നിന്ന് രക്ഷനേടാൻ സഹായിക്കുന്ന അൾട്രാവയലറ്റ് പാളിയുടെ പ്രൊട്ടക്റ്റിംഗ് ലെയർ ഈ റാപ്പുകളിൽ ഉണ്ട്. ഉയർന്ന ഊഷ്മാവ്, പൊടി, അഴുക്ക് എന്നിവയുൾപ്പെടെയുള്ള കഠിനമായ സാഹചര്യങ്ങളെ ചെറുക്കുന്നതിനാണ് റാപ്പുകൾ രൂപകൽപ്പന ചെയ്തിരിക്കുന്നത്. എന്നിരുന്നാലും, വാഹന ഉടമകൾ പതിവ് ക്ലീനിംഗ് ദിനചര്യകൾക്ക് മുൻഗണന നൽകുകയും റാപ്പിൻ്റെ സമഗ്രത സംരക്ഷിക്കുന്നതിന് കഠിനമായ ക്ലീനറുകളോ പ്രഷർ വാഷറുകളോ ഉപയോഗിക്കുന്നത് ഒഴിവാക്കുകയും വേണം. മാത്രമല്ല കടുത്ത ചൂടിൽ റാപ്പിൻ്റെ ആയുസ് സംരക്ഷിക്കുന്നതിന് പതിവ് അറ്റകുറ്റപ്പണികൾ എപ്പോഴും അത്യന്താപേക്ഷിതമാണ്.
ചൈനയിൽ കൊടുംചൂട്
ചൈനയിൽ കനത്ത ചൂടിൽ ഇതുവരെ രണ്ടു പേർ മരിച്ചു. നൂറുകണക്കിന് ആളുകൾ രോഗികളാണ്. എട്ട് ദിവസമായി കിഴക്കൻ തീരത്ത് തുടർച്ചയായി ഉഷ്ണതരംഗം തുടരുകയാണ്. യാങ്‌സി നദിയുടെ (ബ്രഹ്മപുത്ര നദി) തെക്ക് ഭാഗത്ത് കഴിഞ്ഞ മൂന്ന് ദിവസമായി ജലനിരപ്പ് ഗണ്യമായി കുറഞ്ഞു. പ്രത്യേകിച്ച് ഷാങ്ഹായിൽ. ഇവിടെയും താപനില 37-39 ഡിഗ്രി സെൽഷ്യസിലാണ്. അൻഹുയി, ജിയാങ്‌സു, ഷെജിയാങ് എന്നിവിടങ്ങളിൽ മെർക്കുറി 40 ഡിഗ്രി സെൽഷ്യസിന് മുകളിലാണ്.
ജൂലൈയിൽ മാസത്തിലും ചൈന ഭയാനകമായ ചൂടായിരുന്നു. ആഗസ്ത് 3 ന്, ഹാങ്ഷൂവിൽ 41.9 ഡിഗ്രി സെൽഷ്യസായിരുന്നു ചൂട്. 50നും 60നും ഇടയിൽ പ്രായമുള്ളവരാണ് മരിച്ചത്. 1961ന് ശേഷം ചൈനയിലുണ്ടായ ഏറ്റവും അപകടകരമായ ചൂടാണിത്. നേരത്തെ, 2022-ലാണ് ഇത്രയും ഭീകരമായ ചൂട് ഉണ്ടായത്. നിലവിൽ ജൂൺ 13 മുതൽ ഇപ്പോൾ വരെ തുടർച്ചയായ ചൂടാണ്.