കഴിഞ്ഞ ദിവസം ജയ്പൂരിൽ തീ പിടിച്ച കാർ ഏറെ ദൂരം റോഡിലൂടെ ഓടിയത് യാത്രികരെ ഭീതിയിലാഴ്‍ത്തിയിരുന്നു. തീ പിടിച്ച ശേഷവും വാഹനം നിർത്താതെ ഓടിയതിന് പിന്നാൽ എന്തായിരിക്കും കാരണം? ഇതാ അറിയേണ്ടതെല്ലാം
ജയ്പൂരിൽ കഴിഞ്ഞ ദിവസം തീ പിടിച്ച കാർ റോഡിലൂടെ നിർത്താതെ ഓടുന്ന ഞെട്ടിക്കുന്ന വീഡിയോ ദൃശ്യങ്ങൾ വൈറലായിരുന്നു. ജയ്‍പൂരിലെ അജ്‍മീ‍ർ റോഡിൽ സുദർശൻപുര പുലിയയിലേക്ക് പോകുകയായിരുന്ന കാറാണ് തീപിടിച്ച ശേഷവും കത്തിക്കൊണ്ട് കുറേദൂരം കൂടി ഓടിയത്. സോഡാല പച്ചക്കറി മാർക്കറ്റിന് സമീപമുള്ള എലിവേറ്റഡ് ഹൈവിയിലായിരുന്നു അപകടം. തീവിഴുങ്ങിയിട്ടും വാഹനം നി‍ത്താതെ ഓടിയതിന്‍റെ കാരണം ഇപ്പോൾ പുറത്തുവന്നിരിക്കുന്നു. തീപിടിച്ചതിന് പിന്നാലെ ഹാൻഡ് ബ്രേക്ക് തകരാറിലായതിനെ തുടർന്നാണ് കാർ നിൽക്കാതെ ഓടിയതെന്നാണ് റിപ്പോര്‍ട്ടുകൾ. അഗ്നിശമനസേനാ ഉദ്യോഗസ്ഥരെ ഉദ്ധരിച്ച് പിടിഐ ആണ് ഇക്കാര്യം റിപ്പോർട്ട് ചെയ്യുന്നത്. കത്തുന്ന കാർ റോഡിൽ ഒരു മോട്ടോർ സൈക്കിൾ യാത്രക്കാരനെ ഇടിച്ചിട്ടിരുന്നു.
വാഹനത്തിൽ തീ പിടിച്ചതോടെ ഡ്രൈവർ ഹാൻഡ് ബ്രേക്ക് ഇട്ട് കാറിൽ നിന്ന് ചാടി രക്ഷപ്പെട്ടിരുന്നു. എന്നാൽ ഹാൻഡ് ബ്രേക്ക് ശരിയായി പ്രയോഗിക്കാത്തതിനെ തുടർന്നാണ് കത്തിക്കൊണ്ടിരുന്ന കാർ മുന്നോട്ട് നീങ്ങിയതെന്നാണ് വിവരം. തീഗോളമായി മാറിയ ശേഷവും ഏറെ ദൂരം മുന്നോട്ടോടിയ കാർ ഒടുവിൽ റോഡരികിലെ ഒരു ഡിവൈഡറിൽ ഇടിച്ചാണ് നിന്നത്. ബോണറ്റിൽ നിന്ന് പുക വരാൻ തുടങ്ങിയതിനെ തുടർന്ന് സോഡാലയിലെ എലിവേറ്റഡ് റോഡിൽ കാർ നിർത്തിയതായി ഡ്രൈവർ ജിതേന്ദ്ര ജംഗിദ് പറയുന്നു. താൻ കാറിൽ നിന്ന് ഉടൻ ചാടിയെന്നും എന്നാൽ ഹാൻഡ് ബ്രേക്ക് തകരാറിലായതിനെ തുടർന്ന് വാഹനം റോഡിലേക്ക് നീങ്ങുകയായിരുന്നുവെന്നും അദ്ദേഹം പറഞ്ഞു. പുറത്തുവന്ന വീഡിയോയില്‍ ഫ്ലൈ ഓവറിന് മുകളിലൂടെ പൂര്‍ണ്ണമായും കത്തിക്കൊണ്ടിരിക്കുന്ന ഒകാര്‍ ഓടുന്നത് കാണാം. കാത്തിക്കൊണ്ടിരിക്കുന്ന വാഹനം മുന്നോട്ട് നീങ്ങുമ്പോള്‍ റോഡിലൂടെ പോവുകയായിരുന്ന ബൈക്കുകളിലും മറ്റും ഇടിക്കുന്നതും കാണാം.
undefined
സ്ഥലത്തെത്തിയ ഫയർഫോഴ്‌സ് ഏറെ നേരത്തെ പരിശ്രമത്തിനൊടുവിലാണ് തീ നിയന്ത്രണ വിധേയമാക്കിയത്. ഈ അപകടത്തെത്തുടർന്ന് റോഡിൽ വൻ കുരുക്കുണ്ടായി. ഷോർട്ട് സർക്യൂട്ടാണ് കാറിന് തീപിടിക്കാൻ കാരണമെന്ന് പറയുന്നു. ഭാഗ്യവശാൽ, ഈ സംഭവത്തിൽ ആളപായമുണ്ടായില്ല, എന്നാൽ തീപിടിത്തത്തിനിടെ സൃഷ്ടിച്ച അരാജകത്വം കാൽനടയാത്രക്കാരിലും ഡ്രൈവർമാരിലും പരിഭ്രാന്തി സൃഷ്‍ടിച്ചു.
കാറിലെ തീയിൽ നിന്നും രക്ഷപ്പെടാൻ
കത്രിക:
സീറ്റ് ബെൽറ്റ് ലോക്ക് ആണെങ്കിൽ കത്രിക ഉപയോഗിച്ച് മുറിക്കാം.
അഗ്നിശമന ഉപകരണം:
തീപിടുത്തമുണ്ടായാൽ അത് അണയ്ക്കാം.
തീ പിടിക്കാതിരിക്കാൻ ഇക്കാര്യങ്ങൾ ശ്രദ്ധിക്കുക
എപ്പോഴാണ് ഒരു കാറിന് തീ പിടിക്കുക?
അഗ്നിബാധയുടെ ലക്ഷണങ്ങൾ എന്തൊക്കെയാണ്?
അതിജീവിക്കാൻ എന്താണ് വേണ്ടത്?