രാജ്യത്തിന്‍റെ സ്വന്തം ഇടിപരീക്ഷയായ ഭാരത് എൻസിഎപി ക്രാഷ് ടെസ്റ്റിൽ അഞ്ച് സ്റ്റാർ സുരക്ഷാ റേറ്റിംഗ് നേടി ടാറ്റ പഞ്ച് ഇവി. ഈ ഇലക്ട്രിക് മൈക്രോ എസ്‌യുവിക്ക് മുതിർന്നവരുടെയും കുട്ടികളുടെയും യാത്രക്കാരുടെ സുരക്ഷയ്ക്കായി 5-സ്റ്റാർ റേറ്റിംഗ് ലഭിച്ചു.
ഭാരത് എൻസിഎപി ക്രാഷ് ടെസ്റ്റിൽ അഞ്ച് സ്റ്റാർ സുരക്ഷാ റേറ്റിംഗ് നേടി ടാറ്റ പഞ്ച് ഇവി. ഈ ഇലക്ട്രിക് മൈക്രോ എസ്‌യുവിക്ക് മുതിർന്നവരുടെയും കുട്ടികളുടെയും യാത്രക്കാരുടെ സുരക്ഷയ്ക്കായി 5-സ്റ്റാർ റേറ്റിംഗ് ലഭിച്ചു. പ്രായപൂർത്തിയായവരുടെ സംരക്ഷണത്തിനായി മോഡലിന് 32-ൽ 31.46 പോയിൻ്റുകളും കുട്ടികളുടെ സംരക്ഷണത്തിനായി 49ൽ 45 പോയിൻ്റുകളും ലഭിച്ചു. ഇതോടെ വാഹനത്തിന് അഞ്ച് സ്റ്റാർ റേറ്റിംഗ് ലഭിച്ചു. ഫ്രണ്ടൽ ഓഫ്‌സെറ്റ് ഡിഫോർമബിൾ ബാരിയർ ടെസ്റ്റിലും സൈഡ് മൂവബിൾ ഡിഫോർമബിൾ ബാരിയർ ടെസ്റ്റിലും, പഞ്ച് ഇവി യഥാക്രമം 16 പോയിൻ്റിൽ 14.26, 15.6 പോയിൻ്റുകൾ നേടി. പ്രായപൂർത്തിയായ യാത്രക്കാരുടെ ക്രാഷ് ടെസ്റ്റുകളിൽ ഇത് ശരാശരി സംരക്ഷണം നൽകി.
ചൈൽഡ് ഒക്യുപൻ്റ് പ്രൊട്ടക്ഷനെ കുറിച്ച് പറയുമ്പോൾ, ഡൈനാമിക് ടെസ്റ്റുകൾ, സിആർഎസ് (ചൈൽഡ് സീറ്റ് നിയന്ത്രണം), വാഹന മൂല്യനിർണ്ണയം എന്നിവയിൽ ടാറ്റ പഞ്ച് ഇവി യഥാക്രമം 24-ൽ 23.95 പോയിൻ്റും 12-ൽ 12 പോയിൻ്റും 13-ൽ 9 പോയിൻ്റും നേടി. ഭാരത് എൻസിഎപി സുരക്ഷാ ക്രാഷ് ടെസ്റ്റിന് വിധേയമാക്കിയ മോഡലിൽ ഇലക്ട്രോണിക് സ്റ്റെബിലിറ്റി കൺട്രോൾ, ആൻ്റി-ലോക്ക് ബ്രേക്കിംഗ് സിസ്റ്റം, ആറ് എയർബാഗുകൾ, ഐസോഫിക്സ് മൗണ്ടുകൾ, എല്ലാ സീറ്റുകൾക്കും ത്രീ-പോയിൻ്റ് സീറ്റ് ബെൽറ്റുകൾ തുടങ്ങിയ സവിശേഷതകൾ സജ്ജീകരിച്ചിരുന്നു.
undefined
നിലവിൽ, ടാറ്റ പഞ്ച് ഇവി മോഡൽ ലൈനപ്പ് 10.99 ലക്ഷം മുതൽ 15.49 ലക്ഷം രൂപ വരെ എക്സ്-ഷോറൂം വില പരിധിയിൽ ലഭ്യമാണ്. ഈ ഇലക്ട്രിക് മൈക്രോ എസ്‌യുവി രണ്ട് ബാറ്ററി പാക്ക് ഓപ്ഷനുകളിലാണ് വരുന്നത്. 25kWh, 35kWh (ലോംഗ് റേഞ്ച്). ആദ്യത്തേത് ക്ലെയിം ചെയ്ത MIDC റേഞ്ച് 315 കിലോമീറ്റർ നൽകുമ്പോൾ, രണ്ടാമത്തേത് ഒറ്റ ചാർജിൽ 421 കിലോമീറ്റർ വാഗ്ദാനം ചെയ്യുന്നു.
പഞ്ച് ഇവിക്കൊപ്പം 3.3 കിലോവാട്ട് വാൾ ബോക്സ് ചാർജറും 7.2 കിലോവാട്ട് ഫാസ്റ്റ് ചാർജറും ടാറ്റ വാഗ്ദാനം ചെയ്യുന്നു. ലോംഗ് റേഞ്ച് പഞ്ച് ഇവിക്ക് 122 ബിഎച്ച്പി പവറും 190 എൻഎം ടോർക്കും നൽകുന്ന ഒരു ഇലക്ട്രിക് മോട്ടോറും ഉണ്ട്. അതേസമയം സ്റ്റാൻഡേർഡ് വേരിയൻറ് 82 ബിഎച്ച്പിയും 114 എൻഎമ്മും വാഗ്ദാനം ചെയ്യുന്നു. ടാറ്റയുടെ പുതിയ ജെൻ 2 ആർക്കിടെക്ചറായ ആക്ടി ഡോട്ട് ഇവിയെ അടിസ്ഥാനമാക്കിയുള്ള ആദ്യത്തെ ഉൽപ്പന്നമാണിത്.
ഈ ഇലക്ട്രിക് കാറിന് 10.25 ഇഞ്ച് ഇൻഫോടെയ്ൻമെൻ്റ് സ്‌ക്രീനാണുള്ളത്. 10.25 ഇഞ്ച് ഡിജിറ്റൽ ഇൻസ്ട്രുമെൻ്റ് ക്ലസ്റ്ററും വലിയ ടു-സ്‌പോക്ക് സ്റ്റിയറിംഗ് വീലും ഇതിലുണ്ട്. ഏതെങ്കിലും 50Kw ഡിസി ഫാസ്റ്റ് ചാർജർ ഉപയോഗിച്ച് ഈ ഇവി 56 മിനിറ്റിനുള്ളിൽ 10 മുതൽ 80 ശതമാനം വരെ ചാർജ് ചെയ്യാം. എട്ട് വർഷം അല്ലെങ്കിൽ 1,60,000 കിലോമീറ്റർ വാറൻ്റി ഉള്ള ഒരു വാട്ടർ പ്രൂഫ് ബാറ്ററിയുണ്ട്. അഞ്ച് ഡ്യുവൽ ടോൺ കളർ ഓപ്ഷനുകളിലാണ് പഞ്ച് ഇവി എത്തുന്നത്. ലോംഗ് റേഞ്ചിൽ, മൂന്ന് ട്രിമ്മുകൾ ലഭ്യമാണ്. ഇതിന് നാല് ഡ്യുവൽ-ടോൺ കളർ ഓപ്ഷനുകളുണ്ട്. സുരക്ഷയ്ക്കായി എയർബാഗുകൾ, എബിഎസ്, ഇഎസ്‌സി, ഇഎസ്പി, ക്രൂയിസ് കൺട്രോൾ, 360 ഡിഗ്രി ക്യാമറ തുടങ്ങിയ സ്റ്റാൻഡേർഡ് ഫീച്ചറുകൾ പഞ്ച് ഇവിയിൽ ഉൾപ്പെടുത്തിയിട്ടുണ്ട്.