കമ്പനിയുടെ സിഎൻജി കാറുകളുടെ വിൽപ്പന 2023 സാമ്പത്തിക വർഷത്തിൽ 41,000 യൂണിറ്റിൽ നിന്ന് 2024 സാമ്പത്തിക വർഷത്തിൽ 91,000 യൂണിറ്റായി ഉയർന്നു. 120 ശതമാനമാണ് വളർച്ചാ നിരക്ക്.
ടിയാഗോ, ടിഗോർ സിഎൻജി മോഡലുകളുടെ സഹായത്തോടെ വളരുന്ന സിഎൻജി പാസഞ്ചർ വെഹിക്കിൾ സെഗ്‌മെൻ്റിൽ വൻ മുന്നേറ്റം നടത്തി ടാറ്റ മോട്ടോഴ്സ്. കമ്പനിയുടെ സിഎൻജി കാറുകളുടെ വിൽപ്പന 2023 സാമ്പത്തിക വർഷത്തിൽ 41,000 യൂണിറ്റിൽ നിന്ന് 2024 സാമ്പത്തിക വർഷത്തിൽ 91,000 യൂണിറ്റായി ഉയർന്നു. 120 ശതമാനമാണ് വളർച്ചാ നിരക്ക്. ഇതേ കാലയളവിൽ 74,000 യൂണിറ്റുകൾ വിറ്റഴിച്ച ബ്രാൻഡിൻ്റെ ഇവി വിൽപ്പനയെ മറികടന്ന് ടാറ്റയുടെ സിഎൻജി വിൽപ്പന ഇരട്ടിയിലധികമായി.
2024 ലെ നിക്ഷേപക ദിനത്തിലാണ് ടാറ്റ മോട്ടോഴ്സ് തങ്ങളുടെ വാർഷിക സിഎൻജി വിൽപ്പന കണക്കുകൾ വെളിപ്പെടുത്തിയത്. 2023 സാമ്പത്തിക വർഷത്തിലെ എട്ട് ശതമാനത്തിൽ നിന്ന് 2024 സാമ്പത്തിക വർഷത്തിൽ ബ്രാൻഡിൻ്റെ മൊത്തം വോള്യത്തിൻ്റെ 16 ശതമാനം സിഎൻജി കാറുകൾ സംഭാവന ചെയ്യുന്നു. അതേസമയം, കമ്പനിയുടെ ഇവി വിൽപ്പന പ്രതിവർഷം 48 ശതമാനം വർധിച്ചു. 2023 സാമ്പത്തിക വർഷത്തിൽ 50,000 യൂണിറ്റുകളിൽ നിന്ന് 2024 സാമ്പത്തിക വർഷത്തിൽ 74,000 യൂണിറ്റായി.
ഇവി വിൽപ്പന ബ്രാൻഡിൻ്റെ മൊത്തം വോള്യങ്ങളിൽ 13 ശതമാനം സംഭാവന നൽകി. കഴിഞ്ഞ വർഷത്തെ അപേക്ഷിച്ച് ഒമ്പത് ശതമാനം ഉയർന്നു. റിപ്പോർട്ട് പ്രകാരം പെട്രോൾ, ഡീസൽ വാഹനങ്ങളുടെ സംഭാവന ഇപ്പോഴും 71 ശതമാനമാണ്. എന്നിരുന്നാലും, 2023 സാമ്പത്തിക വർഷത്തിൽ ഇത് 83 ശതമാനമായി കുറഞ്ഞു. കഴിഞ്ഞ സാമ്പത്തിക വർഷം ടാറ്റയുടെ വിൽപ്പന 5.73 ലക്ഷം യൂണിറ്റായിരുന്നു.
ടാറ്റ ഫാക്ടറിയിൽ ഘടിപ്പിച്ച സിഎൻജി ഓപ്ഷനുമായി സിഎൻജി സെഗ്‌മെൻ്റിൽ പ്രവേശിച്ചുവെന്ന് മാത്രമല്ല, കൂടുതൽ സവിശേഷതകളുള്ള ടോപ്പ് വേരിയൻ്റിൽ ഓപ്ഷണൽ ഇന്ധന ഓപ്ഷനും അവതരിപ്പിച്ചു. സിഎൻജി വാഹനങ്ങൾക്ക് കൂടുതൽ പ്രായോഗികത കൊണ്ടുവരുന്നതിനുള്ള ഒരു നാഴികക്കല്ലായിരുന്നു അതിൻ്റെ ഇരട്ട സിലിണ്ടർ സാങ്കേതികവിദ്യയുടെ അവതരണം. ടാറ്റ ഈ വർഷം ആദ്യം വിപണിയിൽ സിഎൻജി-എഎംടി കാർ അവതരിപ്പിച്ചു.
ടിയാഗോ, ടിഗോർ, പഞ്ച്, ആൾട്രോസ് എന്നിവയുൾപ്പെടെ മിക്കവാറും എല്ലാ ടാറ്റ ചെറിയ കാറുകളും സിഎൻജി ഓപ്ഷൻ വാഗ്ദാനം ചെയ്യുന്നു. ഈ ഉത്സവ സീസണിൽ എത്തുമെന്ന് പ്രതീക്ഷിക്കുന്ന അടുത്ത നെക്‌സോൺ സിഎൻജി അവതരിപ്പിക്കാനുള്ള തയ്യാറെടുപ്പിലാണ് കമ്പനി. ഈ വർഷം ആദ്യം നടന്ന ഭാരത് മൊബിലിറ്റി എക്‌സ്‌പോയിൽ ടാറ്റാ മോട്ടോഴ്സ് നെക്‌സോൺ സിഎൻജിയെ പ്രദർശിപ്പിച്ചിരുന്നു.
2024 ലെ നിക്ഷേപക ദിനത്തിൽ ടാറ്റയുടെ ഭാവി മോഡലുകളുടെ ടൈംലൈനും കമ്പനി വെളിപ്പെടുത്തി. വിവരങ്ങൾ അനുസരിച്ച്, കർവ് ഇവിയും ഹാരിയർ ഇവിയും 2025 സാമ്പത്തിക വർഷത്തിൽ എത്തും.അതേസമയം സിയറ ഇവി 2026 സാമ്പത്തിക വർഷത്തിൽ ലോഞ്ച് ചെയ്യുമെന്ന് സ്ഥിരീകരിച്ചിട്ടുണ്ട്. 2026 സാമ്പത്തിക വർഷത്തിൽ ജിഎൽആർ പ്ലാറ്റ്‌ഫോമിനെ അടിസ്ഥാനമാക്കി അവിനിയ അടിസ്ഥാനമാക്കിയുള്ള ഇലക്ട്രിക് വാഹനങ്ങളും ടാറ്റാ മോട്ടോഴ്സ് വിപണിയിൽ കൊണ്ടുവരും. 2025ൽ 10 ഇവികൾ വിപണിയിൽ എത്തിക്കാൻ പദ്ധതിയിടുന്നതായി ടാറ്റ നേരത്തെ പ്രഖ്യാപിച്ചിരുന്നു.