RXT(O) MT എന്ന സ്റ്റാർട്ടിംഗ് വേരിയന്റിന്റെ എക്സ് ഷോറൂം വില 7.99 ലക്ഷം രൂപയാണ്. ഇതുവരെ, RXT (O) MT യുടെ വില 8.24 ലക്ഷം രൂപയായിരുന്നു. അതായത് 25,000 രൂപയുടെ വിലക്കുറവ് .
ഫ്രഞ്ച് വാഹന ബ്രാൻഡായ റെനോ നാല് മീറ്റർ എസ്‌യുവിയായ കിഗറിന്റെ പുതുക്കിയ പതിപ്പ് പുറത്തിറക്കി. ബിഎസ് 6 ഫേസ് 2 ന്റെ പുതിയ മാനദണ്ഡങ്ങൾക്കനുസൃതമായി പുതിയ സവിശേഷതകളോടെയാണ് കമ്പനി ഈ എസ്‌യുവി അവതരിപ്പിച്ചിരിക്കുന്നത്. റെനോ നിരവധി പുതിയ ഫീച്ചറുകളോടെ കിഗർ മിഡ് ട്രിം അപ്‌ഡേറ്റ് ചെയ്യുകയും അതിന്റെ വില ഗണ്യമായി കുറയ്ക്കുകയും ചെയ്തു. RXT(O) MT എന്ന സ്റ്റാർട്ടിംഗ് വേരിയന്റിന്റെ എക്സ് ഷോറൂം വില 7.99 ലക്ഷം രൂപയാണ്. ഇതുവരെ, RXT (O) MT യുടെ വില 8.24 ലക്ഷം രൂപയായിരുന്നു. അതായത് 25,000 രൂപയുടെ വിലക്കുറവ് .
എട്ട് ഇഞ്ച് ടച്ച്‌സ്‌ക്രീൻ, എൽഇഡി ഹെഡ്‌ലൈറ്റുകൾ, ടെയിൽലൈറ്റുകൾ, 16 ഇഞ്ച് ഡ്യുവൽ-ടോൺ അലോയ് വീലുകൾ എന്നിവയുൾപ്പെടെ നിലവിലുള്ള ഫീച്ചറുകളോടൊപ്പം ഇത് തുടരുന്നു. കിഗർ എസ്‌യുവിയുടെ കൂടുതൽ ജനപ്രിയമായ RXZ ട്രിമ്മിനായി നിരവധി ഓഫറുകൾ കൊണ്ടുവന്നതായും റെനോ ഇന്ത്യ പറയുന്നു . ഇത് ഇപ്പോൾ 10,000 ക്യാഷ് വരെയുള്ള ആനുകൂല്യങ്ങളുമായി വരുന്നു . കൂടാതെ, 20,000 രൂപയുടെ എക്‌സ്‌ചേഞ്ച് ആനുകൂല്യത്തോടെയും ഇത് വാഗ്ദാനം ചെയ്യുന്നത് . കൂടാതെ, 12,000 രൂപ വരെയുള്ള കോർപ്പറേറ്റ് ആനുകൂല്യങ്ങളും 49,000 വരെ ലോയൽറ്റി ആനുകൂല്യങ്ങളും ഈ കാറിന് കമ്പനി വാഗ്ദാനം ചെയ്യുന്നു.
undefined
പരിഷ്‍കരിച്ച പതിപ്പിൽ, ഇലക്ട്രോണിക് സ്റ്റെബിലിറ്റി പ്രോഗ്രാം (ഇഎസ്‍പി), ഹിൽ സ്റ്റാർട്ട് അസിസ്റ്റ് (എച്ച്എസ്എ), ട്രാക്ഷൻ കൺട്രോൾ സിസ്റ്റം (ടിസിഎസ്), ടയർ പ്രഷർ മോണിറ്ററിംഗ് സിസ്റ്റം (ടിപിഎംഎസ്) തുടങ്ങിയ സവിശേഷതകൾ നൽകിയിട്ടുണ്ട്. വയർലെസ് കണക്റ്റിവിറ്റിയുള്ള എട്ട് ഇഞ്ച് ടച്ച്‌സ്‌ക്രീൻ, എൽഇഡി ഹെഡ്‌ലാമ്പുകൾ, അലോയ് വീലുകൾ, ഉയർന്ന സെന്റർ കൺസോൾ എന്നിവ ഇതിന് ലഭിക്കും. റെനോ കിഗറിന് 1.0 ലിറ്റർ ടർബോ പെട്രോളും 1.0 ലിറ്റർ എനർജി പെട്രോൾ എഞ്ചിനുമുണ്ട്. ഇതിന് എക്സ്-ട്രോണിക് സിവിടിയും 5 സ്പീഡ് ഈസി-ആർ ഓട്ടോമാറ്റിക് ട്രാൻസ്മിഷനും ലഭിക്കുന്നു. ഇതിന്റെ 1.0 ലിറ്റർ ടർബോചാർജ്ഡ് പെട്രോൾ എഞ്ചിൻ 20.62 Kmpl മൈലേജ് നൽകുന്നു.
നാല് എയർബാഗുകൾ, ഫ്രണ്ട് ആൻഡ് റിയർ സീറ്റ് ബെൽറ്റുകൾ, ഇംപാക്ട് സെൻസിംഗ് ഡോർ അൺലോക്ക്, സ്പീഡ് സെൻസിംഗ് ഡോർ ലോക്ക്, ക്രമീകരിക്കാവുന്ന ഹെഡ്‌റെസ്റ്റുകളുള്ള 60/40 സ്പ്ലിറ്റ് പിൻ നിര സീറ്റുകൾ, കുട്ടികളുടെ സീറ്റുകൾക്കായി ഐഎസ്ഒഫിക്സ് ആങ്കറേജുകൾ എന്നിവയുള്ള ശക്തമായ സുരക്ഷാ ഫീച്ചറുകൾ കാറിന് നൽകിയിട്ടുണ്ട്.
6.50 ലക്ഷം മുതൽ 11.23 ലക്ഷം രൂപ വരെയാണ് കിഗറിന് വില. ടാറ്റ നെക്‌സോൺ, മാരുതി ബ്രെസ , നിസൻ മാഗ്‌നൈറ്റ് തുടങ്ങിയ സബ്-4 എം എസ്‌യുവികളുടെ എതിരാളിയാണ് കിഗർ. ഒപ്പം സിട്രോൺ സി3, മാരുതി ഫ്രോങ്‌ക്സ്, വരാനിരിക്കുന്ന ഹ്യുണ്ടായ് എക്‌സ്‌റ്റർ എന്നിവയ്‌ക്കെതിരെയും വാഹനം മത്സരിക്കും.
ഉപഭോക്താക്കളുടെ വികസിച്ചുകൊണ്ടിരിക്കുന്ന ആവശ്യങ്ങൾ നിറവേറ്റുന്ന ലോകോത്തര ഉൽപ്പന്നങ്ങളും സേവനങ്ങളും നൽകാൻ പ്രതിജ്ഞാബദ്ധമാണെന്ന് കിഗറിന്റെ മിഡ് ട്രിമ്മിൽ അവതരിപ്പിച്ച വിലക്കുറവിനെക്കുറിച്ചും പുതിയ ഫീച്ചറുകളെക്കുറിച്ചും സംസാരിച്ച റെനോ ഇന്ത്യ സിഇഒയും മാനേജിംഗ് ഡയറക്ടറുമായ വെങ്കട്ട്‌റാം മാമില്ലപ്പള്ളി പറഞ്ഞു. കിഗറിന്റെ വിപുലമായ ശ്രേണി അവതരിപ്പിക്കുന്നതോടെ, സുരക്ഷയ്‌ക്കൊപ്പം തങ്ങളുടെ ഉപഭോക്താക്കൾക്ക് ശൈലിയുടെയും പ്രകടനത്തിന്റെയും സമ്പൂർണ്ണ സംയോജനം വാഗ്ദാനം ചെയ്യുന്നതിൽ കമ്പനി സന്തുഷ്‍ടരാണെന്നും അദ്ദേഹം വ്യക്തമാക്കി.