കാറിൻ്റെ അടിഭാഗം പെയിൻ്റ് ചെയ്യുന്നതിലൂടെ ചില ഗുണങ്ങളുണ്ട്. ഇതാ അതുസംബന്ധിച്ച് അറിയേണ്ടതെല്ലാം
പുതിയ കാർ വാങ്ങുമ്പോൾ പലരുടെയും സംശയം ആയിരിക്കും കാറിന്‍റെ അടിയിൽ പ്രത്യേക പെയിന്‍റ് അഥവാ അണ്ടർ കോട്ടിംഗ് വേണോ വേണ്ടയോ എന്നത്. കാറിൻ്റെ അടിയിൽ പ്രത്യേക പെയിൻ്റ് ഉപയോഗിക്കുന്നതിലൂടെ, അതിൻ്റെ ആയുസ്സ് വർദ്ധിപ്പിക്കാനും സുരക്ഷ വർദ്ധിപ്പിക്കാനും അറ്റകുറ്റപ്പണികൾ എളുപ്പമാക്കാനും കഴിയും. അതേസമയം പല പുതിയ കാറുകൾക്കും അണ്ടർ കോട്ടിംഗ് ആവശ്യമായി വരില്ലെന്നാണ് വിദഗ്ധർ പറയുന്നത്. കാരണം അവ തുരുമ്പ്-പ്രതിരോധശേഷിയുള്ള മെറ്റീരിയലുകൾ ഉപയോഗിച്ചാണ് നിർമ്മിച്ചിരിക്കുന്നത്. ഇപ്പോഴത്തെ മിക്ക കാറുകളിലും സാധാരണയായി അഞ്ച് വർഷത്തേക്ക് തുരുമ്പ് ദൃശ്യമാകാത്തതിനാൽ, നിങ്ങൾ ദീർഘകാലം ഉപയോഗിക്കാൻ ആഗ്രഹിക്കാത്ത ഒരു പുതിയ കാറിന് അണ്ടർ കോട്ടിംഗ് ചെയ്യുന്നത് സാമ്പത്തികമായി ലഭാകരമായിരിക്കില്ല. എങ്കിലും കാറിൻ്റെ അടിഭാഗം പെയിൻ്റ് ചെയ്യുന്നതിലൂടെ ചില ഗുണങ്ങളുണ്ട്. ഇതാ അതുസംബന്ധിച്ച് അറിയേണ്ടതെല്ലാം
കേടുപാടുകളിൽ നിന്ന് സംരക്ഷിക്കാം
കാറിൻ്റെ അടിയിൽ ആന്റി റെസ്റ്റ് ഉൾപ്പെടുന്ന പെയിൻ്റ് ചെയ്യുന്നത് വാഹനം തുരുമ്പെടുക്കുന്നതിൽ നിന്ന് സംരക്ഷിക്കപ്പെടുന്നു. റോഡിൽ ഒരു കാർ ഓടിക്കുമ്പോൾ വെള്ളവും അഴുക്കും മറ്റ് മൂലകങ്ങളും അടിഭാഗത്ത് അടിഞ്ഞുകൂടാനും തുരുമ്പിൻ്റെ സാധ്യത വർദ്ധിപ്പിക്കാനും ഇടയാക്കും. പ്രത്യേക പെയിൻ്റ് ഒരു സംരക്ഷിത കവചമായി പ്രവർത്തിക്കുന്നു, തുരുമ്പും കേടുപാടുകളും തടയുന്നു.
കാറിൽ ശബ്ദം കുറയുന്നു
ചിലപ്പോൾ പ്രത്യേക പെയിൻ്റുകൾക്ക് അനാവശ്യ ശബ്‍ദത്തെ നശിപ്പിക്കുന്ന ഗുണങ്ങളുമുണ്ട്. ഈ പെയിൻ്റ് റോഡിലെ ശബ്ദം കുറയ്ക്കുകയും അതുവഴി കാർ ക്യാബിനിനുള്ളിലെ ശബ്ദം കുറയ്ക്കുകയും ഡ്രൈവിംഗ് അനുഭവം കൂടുതൽ സുഖകരമാക്കുകയും ചെയ്യുന്നു.
അറ്റകുറ്റപ്പണി കുറയും
പ്രത്യേക പെയിൻ്റ് ഉപയോഗിക്കുന്നത് കാറിൻ്റെ അടിവശം വൃത്തിയായി സൂക്ഷിക്കുന്നത് എളുപ്പമാക്കുന്നു. പൊടിയും ചെളിയും മറ്റ് അഴുക്കും പെയിൻ്റിൻ്റെ ഉപരിതലത്തിൽ അധികനേരം നിലനിൽക്കില്ല, ഇത് വൃത്തിയാക്കൽ എളുപ്പമാക്കുന്നു. കൂടാതെ, കാറിൻ്റെ അടിവശവും വാഹനത്തിൻ്റെ സമഗ്രതയുടെ ഭാഗമാണ്. ഇത് പെയിൻ്റ് ചെയ്യുന്നതിലൂടെ, കാറിൻ്റെ മൊത്തത്തിലുള്ള രൂപം മികച്ചതും ആകർഷകവുമാക്കുന്നു. ചില പ്രത്യേക പെയിൻ്റുകളിൽ ആൻ്റി-റസ്റ്റ് ഏജൻ്റുകൾ അടങ്ങിയിട്ടുണ്ട്. ഇത് ലോഹത്തെ തുരുമ്പെടുക്കുന്നതിൽ നിന്ന് സംരക്ഷിക്കുകയും അതിൻ്റെ ആയുസ് വർദ്ധിപ്പിക്കുകയും ചെയ്യുന്നു.
അണ്ടർക്കോട്ടിംഗ് മാത്രം പോര