ചോദ്യം ചെയ്യലിൽ ഈ കള്ളന്മാരുടെ സംഘം പോലീസിനോട് മുഴുവൻ സത്യവും പറഞ്ഞു. ഈ സംഘം ലോക്ക് സിസ്റ്റം ഹാക്ക് ചെയ്യുകയും തുടർന്ന് പ്രോഗ്രാമിംഗ് പാഡിൻ്റെ സഹായത്തോടെ ഇസിഎം (ECM) അതായത് ഇലക്ട്രോണിക് കണ്ടൻ്റ് മാനേജ്മെൻ്റ് സിസ്റ്റം റീ-പ്രോഗ്രാം ചെയ്യുകയുമായിരുന്നുവെന്ന് വെളിപ്പെട്ടു. ഇതിനുശേഷം, പുതിയ താക്കോൽ ഉപയോഗിച്ച് കാർ അൺലോക്ക് ചെയ്യും.
കണക്റ്റുചെയ്‌ത ഫീച്ചറുകളും അത്യാധുനിക സാങ്കേതികവിദ്യയും സുരക്ഷാ ഫീച്ചറുകളുമൊക്കെയുള്ള ഉള്ള ഒരു കാർ വാങ്ങാൻ ആരാണ് ആഗ്രഹിക്കാത്തത്? പക്ഷേ സാങ്കേതികവിദ്യ പുരോഗമിക്കുമ്പോൾ കള്ളന്മാരും ഹൈടെക് ആയി മാറുന്നു. ഹൈടെക് ഉപകരണങ്ങളും മറ്റും ഉപയോഗിച്ച് വാഹനങ്ങൾ മോഷ്ടിക്കുന്ന സംഘങ്ങൾ സജീവമാണ് ഇന്ന്. വാഹനം മോഷ്ടിക്കാൻ ഇലക്ട്രോണിക് കണ്ടൻ്റ് മാനേജ്മെൻ്റ് സിസ്റ്റം ഹാക്ക് ചെയ്യുന്ന ഒരു സംഘം കഴിഞ്ഞ ദിവസം നോയിഡയിൽ പിടിയിലായിരുന്നു. മാരുതി സുസുക്കി ബ്രെസ, ടൊയോട്ട ഫോർച്യൂണർ, ഹ്യുണ്ടായി ക്രെറ്റ തുടങ്ങിയ വാഹനങ്ങളും കീ പ്രോഗ്രാമിംഗ് പാഡുകൾ, വ്യാജ രജിസ്ട്രേഷൻ സർട്ടിഫിക്കറ്റുകൾ, നമ്പർ പ്ലേറ്റുകൾ, വയർ കട്ടറുകൾ തുടങ്ങിയ നിരവധി ഉപകരണങ്ങളും സംഘത്തിൽ നിന്ന് പിടിച്ചെടുത്തതായി പോലീസ് പറയുന്നു. ഇവരെ ചോദ്യം ചെയ്‍തപ്പോൾ ഞെട്ടിക്കുന്ന വിവരങ്ങളാണ് പൊലീസിന് കിട്ടിയത്.
സെക്ടർ 112ലെ ഭാരത് ഹോസ്പിറ്റലിന് സമീപം കാർ മോഷ്ടിക്കാൻ ശ്രമിക്കുന്നതിനിടെയാണ് ആറ് പേരെ പിടികൂടിയതെന്ന് നോയിഡ ഡിസിപി റംബദൻ സിംഗ് പറഞ്ഞു. ചോദ്യം ചെയ്യലിൽ, വാഹനങ്ങൾ മോഷ്ടിച്ച് മറ്റ് സംസ്ഥാനങ്ങളിലേക്ക് കൊണ്ടുപോകുകയും അവിടെ വിൽക്കുകയും ചെയ്യുമെന്ന് സംഘം പോലീസിനോട് പറഞ്ഞു. ചോദ്യം ചെയ്യലിൽ ഈ കള്ളന്മാരുടെ സംഘം പോലീസിനോട് മുഴുവൻ സത്യവും പറഞ്ഞു. ഈ സംഘം ലോക്ക് സിസ്റ്റം ഹാക്ക് ചെയ്യുകയും തുടർന്ന് പ്രോഗ്രാമിംഗ് പാഡിൻ്റെ സഹായത്തോടെ ഇസിഎം (ECM) അതായത് ഇലക്ട്രോണിക് കണ്ടൻ്റ് മാനേജ്മെൻ്റ് സിസ്റ്റം റീ-പ്രോഗ്രാം ചെയ്യുകയുമായിരുന്നുവെന്ന് വെളിപ്പെട്ടു. ഇതിനുശേഷം, പുതിയ താക്കോൽ ഉപയോഗിച്ച് കാർ അൺലോക്ക് ചെയ്യും.
undefined
ഈ മോഷ്ടാക്കളുടെ സംഘം ആദ്യം കാറിൻ്റെ മുൻവശത്തെ കണ്ണാടി തകർക്കുകയും പിന്നീട് സിസ്റ്റം ഹാക്ക് ചെയ്യുകയും വെറും 5-10 മിനിറ്റിനുള്ളിൽ അവരുടെ ജോലി പൂർത്തിയാക്കി കാറുമായി സ്ഥലം വിടുകയും ചെയ്യുകയുമായിരുന്നു പതിവ്. കാറിൻ്റെ സുരക്ഷയെക്കുറിച്ച് ശ്രദ്ധിക്കാൻ ആരുമില്ലാത്ത സ്ഥലത്ത് നിങ്ങൾ രാത്രിയിൽ നിങ്ങളുടെ കാർ പാർക്ക് ചെയ്യുന്നുവെന്ന് കരുതുക, മോഷ്ടാക്കളുടെ സംഘങ്ങൾ അത്തരം വാഹനങ്ങളെ ലക്ഷ്യമിടുന്നു. മോഷ്ടാക്കൾക്ക് സിസ്റ്റം ഹാക്ക് ചെയ്ത് ഒരു പുതിയ താക്കോലുമായി ജോടിയാക്കാൻ അഞ്ച് മുതൽ 10 മിനിറ്റ് വരെ മാത്രം മതിയാകും. അത്തരമൊരു സാഹചര്യത്തിൽ വിജനമായ സ്ഥലത്ത് പാർക്ക് ചെയ്തിരിക്കുന്ന വാഹനം മോഷ്ടാക്കൾ ലക്ഷ്യമിടുന്നത് വളരെ എളുപ്പമാണ്. ഇത് നിങ്ങൾക്ക് സംഭവിക്കാതിരിക്കാൻ എന്തുചെയ്യണമെന്ന് അറിയാം.
ഇപ്പോൾ നിങ്ങളും ചിന്തിക്കുന്നുണ്ടാവും കള്ളന്മാരുടെ ഈ ഹൈടെക് കൗശലത്തിൽ നിന്ന് എങ്ങനെ രക്ഷപ്പെടാം എന്ന്. കള്ളന്മാരുടെ ഈ തന്ത്രത്തിന് സാങ്കേതികമായി നിലവിൽ പരിഹാരമില്ല. എന്നാൽ ഈ കവർച്ച ഒഴിവാക്കാൻ, നിങ്ങൾക്ക് കാറിൽ ഗിയർ ലോക്ക് സ്ഥാപിക്കുന്നത് പോലുള്ള ചില പ്രധാന സുരക്ഷാ ഫീച്ചറുകൾ സ്വീകരിക്കാം. ഇതുകൂടാതെ, കാറിൽ ആൻ്റി-തെഫ്റ്റ് അലാറം സ്ഥാപിക്കാം. ഈ അലാറം ഇൻസ്റ്റാൾ ചെയ്യുന്നതിൻ്റെ പ്രയോജനം, ആരെങ്കിലും നിങ്ങളുടെ കാർ മോഷ്ടിക്കാൻ വാതിൽ ബലമായി തുറക്കാൻ ശ്രമിച്ചാൽ, അപ്പോൾ അലാറം മുഴങ്ങാൻ തുടങ്ങും. അങ്ങനെ കവർച്ചാ ശ്രമം നിങ്ങൾ അറിയുകയും ചെയ്യും.
കള്ളന്മാരുടെ കണ്ണിൽ നിന്ന് നിങ്ങളുടെ കാർ സുരക്ഷിതമായി സൂക്ഷിക്കാൻ, കള്ളന്മാർക്ക് നിങ്ങളുടെ കാർ മോഷ്ടിക്കാൻ എളുപ്പമാകുന്ന സ്ഥലത്ത് നിങ്ങളുടെ കാർ അബദ്ധത്തിൽ പോലും പാർക്ക് ചെയ്യരുത്. നിങ്ങളുടെ കാർ എപ്പോഴും ഒരു സുരക്ഷാവലയമുള്ള സ്ഥലത്ത് പാർക്ക് ചെയ്യുക. പരമാവധി നിങ്ങളുടെ കാർ പാർക്കിംഗ് ലോട്ടുകളിൽ തന്നെ വാഹനം പാർക്ക് ചെയ്യുക. അങ്ങനെ നിങ്ങളുടെ കാർ മോഷ്‍ടിക്കപ്പെടാനുള്ള സാധ്യത കുറയുന്നു. ഇതുകൂടാതെ, നിങ്ങളുടെ കാറിൽ കാർ ട്രാക്കർ ഇൻസ്റ്റാൾ ചെയ്യുക. അതുവഴി നിങ്ങളുടെ കാറിനെക്കുറിച്ചുള്ള വിവരങ്ങൾ ഓരോ നിമിഷവും നിങ്ങൾക്ക് ലഭിക്കും. കുറഞ്ഞ വിലയിൽ ആളുകൾക്ക് കാർ ട്രാക്കറുകൾ വാഗ്ദാനം ചെയ്യുന്ന നിരവധി കമ്പനികൾ വിപണിയിലുണ്ട്.