വരാനിരിക്കുന്ന ഈ സ്കോഡ എസ്യുവി അഞ്ച് സ്റ്റാർ സുരക്ഷാ റേറ്റിംഗ് കണക്കിലെടുത്താണ് നിർമ്മിക്കുന്നതെന്ന് പുറത്തുവന്ന പല റിപ്പോർട്ടുകളും അവകാശപ്പെടുന്നു. . ഇന്ത്യൻ വിപണിക്ക് വേണ്ടി പ്രത്യേകം രൂപകൽപ്പന ചെയ്ത ഈ ഡിസൈൻ പവർട്രെയിനുകൾ ഒഴികെ ബാക്കി ഭാഗങ്ങൾ 82 ശതമാനം വരെ പ്രാദേശികവൽക്കരിച്ചിരിക്കുന്നു. അത് ചെലവും വിലയും കുറഞ്ഞതാക്കുന്നു.
കഴിഞ്ഞ കുറച്ച് വർഷങ്ങളായി, ഇന്ത്യൻ ഉപഭോക്താക്കൾക്കിടയിൽ സബ്-കോംപാക്റ്റ് അതായത് 4 മീറ്ററിൽ താഴെയുള്ള എസ്‌യുവികളുടെ ഡിമാൻഡിൽ വലിയ വർധനയുണ്ടായിട്ടുണ്ട്. ഈ സെഗ്‌മെൻ്റിൽ ടാറ്റ പഞ്ച്, ഹ്യുണ്ടായ് വെന്യു, നെക്‌സോൺ തുടങ്ങിയ എസ്‌യുവികൾ ഉൾപ്പെടുന്നു. കഴിഞ്ഞ മാസം, അതായത് 2024 ഏപ്രിലിൽ, ഈ എസ്യുവി രാജ്യത്ത് ഏറ്റവുമധികം വിറ്റഴിക്കപ്പെടുന്ന കാറായി മാറിയതിൽ നിന്ന് ടാറ്റ പഞ്ചിൻ്റെ ജനപ്രീതി അളക്കാൻ കഴിയും. ഇപ്പോൾ ഈ സെഗ്‌മെൻ്റിൽ, ചെക്ക് വാഹന ബ്രാൻഡായ സ്കോഡ അതിൻ്റെ പുതിയ സബ്-4 മീറ്റർ എസ്യുവി വരും ദിവസങ്ങളിൽ അവതരിപ്പിക്കാൻ പോകുന്നു. ലോഞ്ചിന് മുമ്പ്, ഇന്ത്യൻ റോഡുകളിൽ പരീക്ഷണ സമയത്ത് ഇത് നിരവധി തവണ കണ്ടിട്ടുണ്ട്. വരാനിരിക്കുന്ന പുതിയ സ്കോഡ കോംപാക്റ്റ് എസ്യുവി പ്രധാനമായും കുഷാക്കിൻ്റെ ചെറിയ പതിപ്പാണ്. വരാനിരിക്കുന്ന സ്കോഡ സബ്-കോംപാക്റ്റ് എസ്‌യുവിയുടെ സാധ്യമായ സവിശേഷതകളെ കുറിച്ച് വിശദമായി അറിയാം.
വരാനിരിക്കുന്ന ഈ സ്കോഡ എസ്യുവി അഞ്ച് സ്റ്റാർ സുരക്ഷാ റേറ്റിംഗ് കണക്കിലെടുത്താണ് നിർമ്മിക്കുന്നതെന്ന് പുറത്തുവന്ന പല റിപ്പോർട്ടുകളും അവകാശപ്പെടുന്നു. ഇന്ത്യയിൽ വിൽപ്പനയ്‌ക്കെത്തുന്ന കമ്പനിയുടെ സ്കോഡ കുഷാക്കും സ്ലാവിയയ്ക്കും കുടുംബ സുരക്ഷയ്‌ക്കായുള്ള ക്രാഷ് ടെസ്റ്റിൽ ഗ്ലോബൽ എൻസിഎപി 5-സ്റ്റാർ റേറ്റിംഗ് നേടിയിട്ടുണ്ട് എന്നത് ശ്രദ്ധേയമാണ്. ഇപ്പോൾ കമ്പനിയുടെ സബ്-4 മീറ്റർ എസ്‌യുവിയിലും ഇത് ആവർത്തിക്കാനാണ് സ്കോഡ തയ്യാറെടുക്കുന്നത് എന്നാണ് റിപ്പോര്‍ട്ടുകൾ. വരാനിരിക്കുന്ന സ്കോഡ സബ്-4 മീറ്റർ എസ്യുവി എംക്യുബി എഓ ഇൻ പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ്. ആഗോള വിപണിയിലും ഈ പ്ലാറ്റ്‌ഫോമിന് നല്ല പ്രതികരണമാണ് ലഭിച്ചത്. പുതിയ സ്കോഡ കോംപാക്റ്റ് എസ്‌യുവിക്ക് കുഷാക്കിനെ അപേക്ഷിച്ച് 2,566 എംഎം വീൽബേസ് കുറവാണ്. എന്നിരുന്നാലും, അതിൻ്റെ മുൻനിര മോഡലുകൾക്കായി ഉപയോഗിക്കുന്ന അതേ MQB A0 IN പ്ലാറ്റ്‌ഫോം ഇതിനും അടിവരയിടും. ഇന്ത്യൻ വിപണിക്ക് വേണ്ടി പ്രത്യേകം രൂപകൽപ്പന ചെയ്ത ഈ ഡിസൈൻ പവർട്രെയിനുകൾ ഒഴികെ ബാക്കി ഭാഗങ്ങൾ 82 ശതമാനം വരെ പ്രാദേശികവൽക്കരിച്ചിരിക്കുന്നു. അത് ചെലവും വിലയും കുറഞ്ഞതാക്കുന്നു. പുതിയ സ്കോഡ കോംപാക്റ്റ് എസ്‌യുവിയുടെ അടിസ്ഥാന വേരിയൻ്റിന് ഏകദേശം ഒമ്പത് ലക്ഷം മുതൽ ടോപ്പ് എൻഡ് ട്രിമ്മിന് 14 ലക്ഷം രൂപ വരെ വില ഉയരാൻ സാധ്യതയുണ്ട് എന്നാണ് റിപ്പോര്‍ട്ടുകൾ. വരാനിരിക്കുന്ന ഈ എസ്യുവി വിപണിയിൽ ടാറ്റ നെക്‌സോൺ, പഞ്ച്, മാരുതി ബ്രെസ്സ, ഹ്യുണ്ടായ് വെന്യു, കിയ സോനെറ്റ്, മഹീന്ദ്ര XUV3X0 എന്നിവയുമായി മത്സരിക്കും.
വരാനിരിക്കുന്ന ഈ എസ്‌യുവിയുടെ പവർട്രെയിനിനെക്കുറിച്ച് പരിശോധിക്കുകയാണെങ്കിൽ, ഇതിന് 1.0 ലിറ്റർ 3-സിലിണ്ടർ ടർബോ പെട്രോൾ എഞ്ചിൻ ലഭിക്കും. ഇത് പരമാവധി 115 ബിഎച്ച്പി കരുത്തും 178 എൻഎം പീക്ക് ടോർക്കും സൃഷ്‍ടിക്കും. കാറിൻ്റെ എഞ്ചിൻ 6-സ്പീഡ് മാനുവൽ, 6-സ്പീഡ് ടോർക്ക് കൺവെർട്ടറുമായി ജോടിയാക്കും. വരാനിരിക്കുന്ന സ്കോഡ സബ്-4 മീറ്റർ എസ്യുവി 2025-ൽ തന്നെ അവതരിപ്പിക്കാനാകും. അതേസമയം വരാനിരിക്കുന്ന എസ്‌യുവിയുടെ ലോഞ്ച് തീയതി സംബന്ധിച്ച് കമ്പനി ഇതുവരെ ഔദ്യോഗിക വിവരങ്ങളൊന്നുതന്നെ സ്കോഡ പുറത്തുവിട്ടിട്ടില്ല.