ഇലക്ട്രോണിക് ഘടകങ്ങളുടെ വിതരണ സാഹചര്യം പ്രവചനാതീതമായി തുടരുന്നതിനാൽ, 2023-24 സാമ്പത്തിക വർഷത്തിലും ഉൽപ്പാദന അളവിലും ഇത് ചില സ്വാധീനം ചെലുത്തിയേക്കാം എന്ന് റെഗുലേറ്ററി ഫയലിംഗിൽ കമ്പനി പറഞ്ഞു,
നടപ്പ് സാമ്പത്തിക വർഷത്തിൽ തങ്ങളുടെ ഉൽപ്പാദനം കുറയാൻ സാധ്യതയുണ്ടെന്ന് മാരുതി സുസുക്കി പറഞ്ഞതായി പിടിഐയെ ഉദ്ദരിച്ച് എച്ച്ടി ഓട്ടോ റിപ്പോർട്ട് ചെയ്യുന്നു. ഇലക്ട്രോണിക് ഘടകങ്ങളുടെ ലഭ്യതയിലെ പ്രവചനാതീതമായതാണ് ഉല്‍പ്പാദന ഇടിവിന് സാധ്യതയായി കമ്പനി പറയുന്നത്. ഇത്തരം ഘടകങ്ങളുടെ കുറവ് കഴിഞ്ഞ സാമ്പത്തിക വർഷത്തിലെ ഉൽപ്പാദനത്തെയും ബാധിച്ചതായി കമ്പനി അറിയിച്ചു. 2022-23 സാമ്പത്തിക വർഷത്തിൽ 19.22 ലക്ഷം യൂണിറ്റുകളുടെ റെക്കോഡ് ഉല്‍പ്പാദനമാണ് മാരുതി സുസുക്കി സൃഷ്ടിച്ചത്.
അതേസമയം, കഴിഞ്ഞ സാമ്പത്തിക വർഷത്തിൽ മൊത്തത്തിലുള്ള ഉൽപ്പാദനം 20 ലക്ഷം യൂണിറ്റിലെത്തിക്കുക എന്ന ലക്ഷ്യത്തിൽ കമ്പനി പരാജയപ്പെട്ടു. ഇലക്ട്രോണിക് ഘടകങ്ങളുടെ വിതരണ സാഹചര്യം പ്രവചനാതീതമായി തുടരുന്നതിനാൽ, 2023-24 സാമ്പത്തിക വർഷത്തിലും ഉൽപ്പാദന അളവിലും ഇത് ചില സ്വാധീനം ചെലുത്തിയേക്കാം എന്ന് റെഗുലേറ്ററി ഫയലിംഗിൽ കമ്പനി പറഞ്ഞു.
undefined
കഴിഞ്ഞ മാസം, പാസഞ്ചർ വാഹനങ്ങളും ലഘു വാണിജ്യ വാഹനങ്ങളും ഉൾപ്പെടെ കമ്പനിയുടെ മൊത്തം ഉൽപ്പാദനം 1,54,148 യൂണിറ്റായിരുന്നു, ഇത് മുൻ വർഷം ഇതേ കാലയളവിലെ 1,63,392 യൂണിറ്റിൽ നിന്ന് ആറ് ശതമാനം കുറഞ്ഞു. കമ്പനിയുടെ മൊത്തം പാസഞ്ചർ വാഹനങ്ങളുടെ ഉൽപ്പാദനം 2022 മാർച്ചിലെ 1,59,211 യൂണിറ്റിൽ നിന്ന് കഴിഞ്ഞ മാസം 1,50,820 യൂണിറ്റായി കുറഞ്ഞു.
2022 മാർച്ചിലെ 1,09,676 യൂണിറ്റുകളിൽ നിന്ന് മിനി, കോംപാക്‌ട് സെഗ്‌മെന്റ് കാറുകളുടെ ഉത്പാദനം 1,08,001 യൂണിറ്റായി കുറഞ്ഞപ്പോൾ യൂട്ടിലിറ്റി വാഹനങ്ങളുടെ ഉത്പാദനം കഴിഞ്ഞ മാസം 29,440 യൂണിറ്റായി കുറഞ്ഞു. അതുപോലെ, കമ്പനിയുടെ ലഘു വാണിജ്യ വാഹനമായ സൂപ്പർ കാരിയുടെ നിർമ്മാണം മാർച്ചിൽ 3,328 യൂണിറ്റായി കുറഞ്ഞു, മുൻ വർഷം ഇതേ കാലയളവിൽ ഇത് 4,181 യൂണിറ്റായിരുന്നു.
വിൽപ്പന കണക്കുകളിലേക്ക് വരുമ്പോൾ, 22-23 സാമ്പത്തിക വർഷത്തിൽ ഓട്ടോ ഒഇഎം അതിന്റെ എക്കാലത്തെയും ഉയർന്ന വിൽപ്പനയായ 19,66,164 യൂണിറ്റുകൾ രേഖപ്പെടുത്തി. ആഭ്യന്തര വിപണിയിൽ വിറ്റ 1,36,787 യൂണിറ്റുകളും മറ്റ് ഒഇഎമ്മുകളിലേക്ക് വിറ്റ 3,165 യൂണിറ്റുകളും വിദേശ വിപണികളിലേക്ക് കയറ്റി അയച്ച 30,119 യൂണിറ്റുകളും ഉൾപ്പെടെ 1,70,071 യൂണിറ്റുകൾ കഴിഞ്ഞ മാസം വിറ്റു. ബലേനോ , സെലേറിയോ, ഇഗ്‌നിസ്, ടൂർ എസ്, സ്വിഫ്റ്റ്, ഡിസയർ എന്നിവ ഉൾപ്പെടെ ഏറ്റവും കൂടുതൽ കോംപാക്റ്റ് വാഹനങ്ങൾ വിറ്റഴിച്ചതും മാരുതി സുസുക്കിയാണ് എന്നാണ് റിപ്പോര്‍ട്ടുകള്‍.