മാരുതി സുസുക്കിയുടെ ഏറ്റവും കൂടുതൽ വിറ്റഴിക്കപ്പെടുന്ന ഫാമിലി കാറായ വാഗൺആറിനെ പുതുക്കാൻ ഒരുങ്ങുകയാണെന്നാണ് പുതിയ റിപ്പോര്‍ട്ട്.
ഇന്ത്യൻ വിപണിയിലെ ഏറ്റവും വലിയ കാർ വിൽപ്പന കമ്പനിയാണ് മാരുതി സുസുക്കി. ഇന്ത്യൻ വിപണിയിലെ ആദ്യ 10 കാറുകളിൽ ഏറ്റവും കൂടുതൽ കാറുകൾ വിറ്റഴിച്ചത് മാരുതിയാണ്. കമ്പനിയുടെ മോഡലുകളായ വാഗണാർ, സ്വിഫ്റ്റ് ഡിസയർ, ബലേനോ എന്നിവ ഓരോ മാസവും മികച്ച സ്ഥാനങ്ങൾ നേടുന്നു. ഉപഭോക്താക്കളുടെ മുൻഗണനകൾ കണക്കിലെടുത്ത് മാരുതി സുസുക്കി തങ്ങളുടെ കാറുകൾ അപ്‌ഡേറ്റ് ചെയ്യുന്നു. കുറച്ച് ദിവസങ്ങൾക്ക് മുമ്പ്, മാരുതി സുസുക്കി തങ്ങളുടെ പുതിയ സ്വിഫ്റ്റ് ജപ്പാനിൽ അവതരിപ്പിച്ചു.
ഇപ്പോഴിതാ മാരുതി സുസുക്കിയുടെ ഏറ്റവും കൂടുതൽ വിറ്റഴിക്കപ്പെടുന്ന ഫാമിലി കാറായ വാഗൺആറിനെ പുതുക്കാൻ ഒരുങ്ങുകയാണെന്നാണ് പുതിയ റിപ്പോര്‍ട്ട്. ഈ മോഡൽ വാഗൺആറിന്റെ ഫെയ്‌സ്‌ലിഫ്റ്റ് മോഡലായിരിക്കുമെന്ന് പ്രതീക്ഷിക്കുന്നു. മാരുതി സുസുക്കിയുടെ ശ്രേണിയിൽ ദീർഘകാലമായി നിലവിലുള്ള മോഡലുകളിൽ ഒന്നാണ് വാഗൺആർ. പുതിയ പവർട്രെയിനുകൾ, നൂതന സുരക്ഷാ ഫീച്ചറുകൾ, ആധുനിക രൂപങ്ങൾ എന്നിവയ്‌ക്കൊപ്പം സമയബന്ധിതമായ അപ്‌ഡേറ്റ് ഇതിന് ലഭിച്ചു. അടുത്തിടെ, വാഗൺആറിന്റെ ഒരു ടെസ്റ്റിംഗ് മോഡൽ പരീക്ഷണത്തിനിടെ കണ്ടെത്തി എന്നാണ് റിപ്പോര്‍ട്ടുകൾ. ഇത് ബ്രാൻഡ് ഈ ഹാച്ച്ബാക്കിന് മറ്റൊരു മിഡ്-സൈക്കിൾ അപ്‌ഡേറ്റ് നൽകാൻ തയ്യാറെടുക്കുന്നുവെന്ന് സൂചിപ്പിക്കുന്നു.
undefined
ഇറക്കി ഒരു വർഷം മാത്രം, ഈ വണ്ടിയെ നവീകരിക്കാൻ മഹീന്ദ്ര
പ്രോട്ടോടൈപ്പിന്റെ സ്പൈ ഷോട്ടുകൾ പുതിയ റിയർ ബമ്പർ ഡിസൈൻ വെളിപ്പെടുത്തുന്നു. ഇതിൽ, ബമ്പറിൽ തിരശ്ചീനമായ പ്ലാസ്റ്റിക് ക്ലാഡിംഗ് സ്ഥാപിച്ചിട്ടുണ്ട്, അതേസമയം റിഫ്ലക്ടറുകൾ ഇരുവശത്തും ലംബമായി സ്ഥാപിച്ചിരിക്കുന്നു. ഇതുകൂടാതെ, അൽപ്പം അപ്‌ഡേറ്റ് ചെയ്ത ബ്ലാക്ക്-ഔട്ട് ട്രീറ്റ്‌മെന്റിനൊപ്പം ടെയിൽ ലാമ്പ് ഹൗസിംഗ് നിലവിലെ മോഡലിന് സമാനമാണ്.
നിലവിൽ 1.0 ലിറ്റർ പെട്രോൾ, 1.2 ലിറ്റർ പെട്രോൾ എഞ്ചിനുകളാണ് ഹാച്ച്ബാക്ക് വാഗ്ദാനം ചെയ്യുന്നത്. ആദ്യത്തേത് ഒരു സിഎൻജി ഓപ്ഷനോടൊപ്പം വാഗ്ദാനം ചെയ്തേക്കാൻ സാധ്യതയുണ്ട്. അതേസമയം പെട്രോൾ വേരിയന്റിൽ മാനുവൽ, എഎംടി ഗിയർബോക്സുകൾ വാഗ്ദാനം ചെയ്യുന്നു. 2024-ഓടെ ഇന്ത്യൻ നിരത്തുകളിൽ എത്തിയേക്കാവുന്ന ഫ്ലെക്‌സ് ഇന്ധനത്തിൽ പ്രവർത്തിക്കുന്ന വാഗൺആറിനെ ഈ വർഷം ആദ്യം നടന്ന ഓട്ടോ എക്‌സ്‌പോയിൽ മാരുതി സുസുക്കി പ്രദർശിപ്പിച്ചിരുന്നു.