ഇപ്പോഴിതാ സംയുക്ത സംരംഭത്തിന്‍റെ ഭാഗമായി ഇന്നോവ ഹൈക്രോസിനെ അടിസ്ഥാനമാക്കിയുള്ള മാരുതി എംപിവി വിപണിയിലേക്ക് വരികയാണ്.
ജാപ്പനീസ് വാഹന ബ്രൻഡായ ടൊയോട്ടയുടെ ജനപ്രിയ എംപിവിയായ ഇന്നോവയുടെ പുതിയ പതിപ്പാണ് ഇന്നോവ ഹൈക്രോസ്. ഇപ്പോഴിതാ സംയുക്ത സംരംഭത്തിന്‍റെ ഭാഗമായി ഇന്നോവ ഹൈക്രോസിനെ അടിസ്ഥാനമാക്കിയുള്ള മാരുതി എംപിവി വിപണിയിലേക്ക് വരികയാണ്. വാഹനം അടുത്ത രണ്ട് മാസത്തിനുള്ളിൽ ലോഞ്ച് ചെയ്യും എന്നാണ് പുതിയ റിപ്പോര്‍ട്ടുകള്‍.
അടുത്ത രണ്ട് മാസത്തിനുള്ളിൽ ഇന്ത്യൻ കാർ വിപണിയിൽ ടൊയോട്ട ഇന്നോവ ഹൈക്രോസ് അധിഷ്ഠിത ത്രീ-വരി വാഹനം ലോഞ്ച് ചെയ്യുമെന്ന് മാരുതി സുസുക്കി ഔദ്യോഗികമായി സ്ഥിരീകരിച്ചു. ഈ മൂന്ന്-വരി വാഹനം മാരുതി ഉൽപ്പന്ന പോർട്ട്‌ഫോളിയോയുടെ മുകളിൽ സ്ഥാനം പിടിക്കുമെന്നാണ് റിപ്പോര്‍ട്ടുകള്‍. പുതിയ മാരുതി എംപിവി ടൊയോട്ട ടിഎൻജിഎ-സി ആർക്കിടെക്ചറിൽ ആയിരിക്കും നിര്‍മ്മിക്കുക. ഇന്നോവ ഹൈക്രോസിൽ കാണാവുന്ന നാച്ചുറലി ആസ്പിറേറ്റഡ് പെട്രോൾ, കരുത്തുറ്റ ഹൈബ്രിഡ് പെട്രോൾ എഞ്ചിനുകൾ മാരുതി എംപിവിക്കും കരുത്ത് പകരും
undefined
പുതിയ മൂന്ന്-വരി മോഡൽ വളരെ പ്രീമിയം ഓഫറായിരിക്കുമെന്നും, പ്രതിവർഷം 10,000 യൂണിറ്റിൽ താഴെ വിൽക്കാനാണ് സാധ്യതയെന്നും മാരുതി സുസുക്കി ഇന്ത്യ ചെയർമാൻ ആർ സി ഭാർഗവ പറഞ്ഞതായി എച്ച്ടി ഓട്ടോ റിപ്പോര്‍ട്ട് ചെയ്യുന്നു. ശക്തമായ ഹൈബ്രിഡ് സാങ്കേതികവിദ്യയുള്ള ഒരു വാഹനമായിരിക്കും ഇതെന്നും അടുത്ത രണ്ട് മാസത്തിനുള്ളിൽ ഇത് പുറത്തിറക്കുമെന്നും അദ്ദേഹം അറിയിച്ചു.
അടുത്തകാലത്തായി സംയുക്ത സംരംഭത്തിന്‍റെ ഭാഗമായി മാരുതി സുസുക്കിയും ടൊയോട്ടയും തമ്മിൽ കരാറുകള്‍ ഉണ്ട്. നിരവധി മോഡലുകൾ ഈ കൂട്ടുകെട്ടില്‍ ഇറങ്ങിക്കൊണ്ടിരിക്കുകയാണ്. ഇതില്‍ ഏറ്റവും പുതിയ മോഡലുകള്‍ ഗ്രാൻഡ് വിറ്റാര , അർബൻ ക്രൂയിസർ ഹൈറൈഡർ എന്നിവയാണ് . ഈ രണ്ട് ഇടത്തരം എസ്‌യുവികളും ബിദാദിയിലെ ടൊയോട്ട പ്ലാന്റിലാണ് നിർമ്മിക്കുന്നത്. മുമ്പ്, ബലേനോ, ഗ്ലാൻസ, ബ്രെസ, അർബൻ ക്രൂയിസർ തുടങ്ങിയ മോഡലുകൾ പരസ്പരം റീ ബാഡ്‍ജ് ചെയ്‍ത പതിപ്പുകളായിരുന്നു.
കൂട്ടുകെട്ടിൽ നിന്നുള്ള മറ്റ് ക്രോസ്-ബാഡ്‍ജ് ചെയ്‍ത ഉൽപ്പന്നങ്ങളെപ്പോലെ, ഇന്നോവ ഹൈക്രോസിന്റെ മാരുതിയുടെ പതിപ്പിന് വേറിട്ട ചില സ്റ്റൈലിംഗ് ഘടകങ്ങൾ ഉണ്ടായിരിക്കുമെന്ന് പ്രതീക്ഷിക്കുന്നു, പ്രധാനമായും മുൻവശത്ത് സവിശേഷമായ ഗ്രില്ലും വ്യത്യസ്തമായ ബമ്പറും ഹെഡ്‌ലാമ്പും ഡിസൈൻ പ്രതീക്ഷിക്കുന്നു. ഇപ്പോൾ ഗ്രാൻഡ് വിറ്റാര, ബലേനോ, ഫ്രോങ്ക്സ് എന്നിവയിൽ കാണുന്ന നെക്സ തീമിനൊപ്പം സവിശേഷമായ ടെയിൽ-ലാമ്പ് ഡിസൈൻ പിൻവശത്തുള്ള ചില സ്റ്റൈലിംഗ് ട്വീക്കുകളിൽ ഉൾപ്പെടുത്താനും സാധ്യതയുണ്ട്.
അടുത്തിടെ പുറത്തിറക്കിയ ഇടത്തരം മാരുതി എസ്‌യുവികളായ ഹൈറൈഡർ, ഗ്രാൻഡ് വിറ്റാര എന്നിവയിൽ കണ്ടതിന് സമാനമായി, രണ്ട് മോഡലുകളും തമ്മിലുള്ള ട്രിം വ്യത്യാസങ്ങൾക്കൊപ്പം ഇന്റീരിയർ ഷെയ്‌ഡുകളുടെ കാര്യത്തിലും ഉള്ളിലും മാറ്റങ്ങൾ പ്രതീക്ഷിക്കാം.
സുരക്ഷ കൂട്ടിയെന്ന വമ്പൻ പ്രഖ്യാപനവുമായി മാരുതി സുസുക്കി!