വിൽപ്പന കൂടുതൽ മെച്ചപ്പെടുത്തുന്നതിനായി, അടുത്ത രണ്ടോ മൂന്നോ വർഷത്തിനുള്ളിൽ ടൊയോട്ട അഞ്ച് പുതിയ എസ്‌യുവികൾ ഇന്ത്യൻ വിപണിയിൽ അവതരിപ്പിക്കാൻ പോകുന്നു. അവയെക്കുറിച്ച് അറിയാം
ജാപ്പനീസ് കാർ നിർമ്മാതാക്കളായ ടൊയോട്ടയ്ക്ക് പുതുതായി പുറത്തിറക്കിയ കാറുകളിൽ നിന്ന് മികച്ച പ്രതികരണമാണ് ലഭിക്കുന്നത്. അതിൽ അർബൻ ക്രൂയിസർ ഹൈറൈഡർ, ഗ്ലാൻസ, ഇന്നോവ ഹൈക്രോസ് എന്നിവ ഉൾപ്പെടുന്നു. നിലവിൽ, ഹൈക്രോസ് 3-വരി എംപിവിക്ക് ഒരു വർഷത്തിലധികം കാത്തിരിപ്പ് കാലാവധിയുണ്ട്. പ്രതിമാസം 20,000 യൂണിറ്റുകൾ കമ്പനി തുടർച്ചയായി വിൽക്കുന്നു. ഈ വിൽപ്പന കൂടുതൽ മെച്ചപ്പെടുത്തുന്നതിനായി, അടുത്ത രണ്ടോ മൂന്നോ വർഷത്തിനുള്ളിൽ ടൊയോട്ട അഞ്ച് പുതിയ എസ്‌യുവികൾ ഇന്ത്യൻ വിപണിയിൽ അവതരിപ്പിക്കാൻ പോകുന്നു. അവയെക്കുറിച്ച് അറിയാം
ടൊയോട്ട ഇലക്ട്രിക് എസ്യുവി
2024 അവസാനത്തോടെ മാരുതി സുസുക്കി eVX ഇലക്ട്രിക് എസ്യുവി ഇന്ത്യൻ വിപണിയിൽ അവതരിപ്പിക്കാൻ പോകുന്നു. ഈ പുതിയ എസ്യുവി ഗുജറാത്തിലെ സുസുക്കിയുടെ പ്ലാന്റിൽ നിർമ്മിക്കും. ടൊയോട്ട 2025-ൽ EVX-ന്റെ റീബാഡ്ജ് ചെയ്ത മോഡൽ നമ്മുടെ വിപണിയിൽ അവതരിപ്പിച്ചേക്കാം. ഈ എസ്യുവി ഒരു പുതിയ സ്കേറ്റ്‌ബോർഡ് പ്ലാറ്റ്‌ഫോമിനെ അടിസ്ഥാനമാക്കിയുള്ളതാണ്. ഇത് നിരവധി സുസുക്കി, ടൊയോട്ട ഇലക്ട്രിക് വാഹനങ്ങൾക്കും ഉപയോഗിക്കും. ഈ ഇലക്ട്രിക് എസ്‌യുവിയുടെ നീളം ഏകദേശം 4.3 മീറ്ററായിരിക്കും, ഇത് ഹ്യുണ്ടായ് ക്രെറ്റ ഇവി, ടാറ്റ നെക്‌സോൺ ഇവി, സെഗ്‌മെന്റിലെ മറ്റ് കാറുകളോട് മത്സരിക്കും. ഫ്രണ്ട്-ആക്‌സിൽ മൗണ്ടഡ് ഇലക്ട്രിക് മോട്ടോറിനൊപ്പം 60kWh ബാറ്ററി പായ്ക്ക് ലഭിക്കുമെന്ന് പ്രതീക്ഷിക്കുന്നു. ഒരു ചാർജിൽ 500 കിലോമീറ്ററിലധികം റേഞ്ച് ലഭിക്കും.
അടുത്ത തലമുറ ടൊയോട്ട ഫോർച്യൂണർ
2024ൽ പുറത്തിറങ്ങുമെന്ന് പ്രതീക്ഷിക്കുന്ന അടുത്ത തലമുറ ഫോർച്യൂണർ എസ്യുവി ടൊയോട്ട ഒരുക്കുന്നുണ്ട്. ഇന്ത്യ-സ്പെക്ക് മോഡൽ 2025-ൽ പുറത്തിറക്കാൻ സാധ്യതയുണ്ട്. ഈ എസ്യുവി പുതിയ ടിഎൻജിഎ പ്ലാറ്റ്‌ഫോമിൽ രൂപകൽപ്പന ചെയ്യുകയും വികസിപ്പിക്കുകയും ചെയ്യും. ലാൻഡ് ക്രൂയിസർ 300, ലെക്സസ് എൽഎക്സ് 500 ഡി, പുതിയ ടാക്കോമ പിക്കപ്പ് എന്നിവയുൾപ്പെടെ നിരവധി ആഗോള മോഡലുകളിൽ ഇത് നിലവിൽ ഉപയോഗിക്കുന്നു. 48 വോൾട്ട് മൈൽഡ് ഹൈബ്രിഡ് സജ്ജീകരണത്തോടെ വരുന്ന 2.8 ലിറ്റർ ടർബോ ഡീസൽ എഞ്ചിനാണ് പുതിയ തലമുറ ടൊയോട്ട ഫോർച്യൂണറിന് കരുത്തേകാൻ സാധ്യത. ഈ എഞ്ചിൻ 6-സ്പീഡ് ഓട്ടോമാറ്റിക് ഗിയർബോക്സുമായി ഘടിപ്പിക്കും. ഈ ഹൈബ്രിഡ് സജ്ജീകരണത്തിന് 48 വോൾട്ട് ബാറ്ററിയും ഒരു ചെറിയ ഇലക്ട്രിക് മോട്ടോറും ഉണ്ടാകും.
ടൊയോട്ട അർബൻ ക്രൂയിസർ ടേസർ
മാരുതി സുസുക്കി ഫ്രണ്ട് ക്രോസ് ഓവറിനെ അടിസ്ഥാനമാക്കി പുതിയ കോംപാക്ട് എസ്യുവി പുറത്തിറക്കാൻ ടൊയോട്ട തയ്യാറെടുക്കുന്നു. അതിന്റെ പേര് അർബൻ ക്രൂയിസർ ടേസർ എന്നായിരിക്കാം. 2024 ന്റെ തുടക്കത്തിൽ ഇത് അവതരിപ്പിക്കുമെന്ന് പ്രതീക്ഷിക്കുന്നു. രണ്ട് എഞ്ചിൻ ഓപ്ഷനുകളിൽ ഇത് ലഭ്യമാണ്; 89bhp, 1.2L NA പെട്രോൾ, 100bhp, 1.0L ടർബോ പെട്രോൾ എന്നിവ വാഗ്ദാനം ചെയ്യും.
മിനി ലാൻഡ് ക്രൂയിസർ
ടൊയോട്ട പുതിയ മിനി ലാൻഡ് ക്രൂയിസർ ഒരുക്കുന്നതായും റിപ്പോർട്ടുകൾ ഉണ്ട്. ഇതിന്റെ പേര് "ലാൻഡ് ക്രൂയിസർ എഫ്ജെ" എന്നായിരിക്കുമെന്ന് പ്രതീക്ഷിക്കുന്നു. പുതിയ ക്രൂയിസർ എഫ്‌ജെയ്ക്ക് ബോക്‌സി ഡിസൈനും വലിയ ബോഡി ക്ലാഡിംഗും ലഭിക്കും. ഇതിന്റെ നീളം ഏകദേശം 4.35 മീറ്ററായിരിക്കും. ഐസിഇ, ഹൈബ്രിഡ് പവർട്രെയിൻ എന്നീ ഓപ്ഷനുകളോടെയാണ് ഇത് വാഗ്ദാനം ചെയ്യുന്നത്. പിന്നീട് വൈദ്യുത പവർട്രെയിനും ലഭിച്ചേക്കും.
ടൊയോട്ട കൊറോള ക്രോസ് 7-സീറ്റർ
ടൊയോട്ട തങ്ങളുടെ മൂന്നാമത്തെ പ്രൊഡക്ഷൻ പ്ലാന്റ് കർണാടകയിലെ ബിദാദിയിൽ സ്ഥാപിക്കുമെന്ന് പ്രഖ്യാപിച്ചിട്ടുണ്ട്. കമ്പനിയുടെ ഈ വരാനിരിക്കുന്ന 3-വരി എസ്യുവി ഇവിടെ നിന്ന് നിർമ്മിക്കും, ഇത് 2025-26 ൽ പുറത്തിറക്കുമെന്ന് പ്രതീക്ഷിക്കുന്നു. പുതിയ ടൊയോട്ട 7-സീറ്റർ എസ്യുവി ടാറ്റ സഫാരി, മഹീന്ദ്ര XUV700 ഉൾപ്പെടെയുള്ള സെഗ്‌മെന്റിലെ മറ്റ് കാറുകളുമായി മത്സരിക്കും. ഇത് ടിഎൻജിഎ- സി പ്ലാറ്റ്‌ഫോമിനെ അടിസ്ഥാനമാക്കിയുള്ളതായിരിക്കും. ഇത് 7 സീറ്റർ ലേഔട്ടിൽ വന്നേക്കാം. ഇന്നോവ ഹൈക്രോസ് പവർട്രെയിൻ ഓപ്ഷനുകൾ ഈ 7 സീറ്റർ എസ്‌യുവിയിൽ കാണാം.