ഇതാ നിലവിൽ ഇന്ത്യയിൽ വിൽപ്പനയ്‌ക്കെത്തുന്ന മികച്ച അഞ്ച് സ്‌പോർട്ടികളായ 125 സിസി ബൈക്കുകൾ
ലോകത്തിലെ ഏറ്റവും വലിയ ഇരുചക്ര വാഹന വിപണിയാണ് ഇന്ത്യ. എൻട്രി ലെവൽ 100 സിസി ബൈക്കുകൾ മുതൽ ലിറ്റർ ക്ലാസ് സൂപ്പർബൈക്കുകൾ വരെയുള്ള വൈവിധ്യമാർന്ന മോട്ടോർസൈക്കിളുകൾ നമ്മുടെ വിപണിയില്‍ വിൽപ്പനയിലുണ്ട്. എന്നിരുന്നാലും, 125 സിസി സെഗ്‌മെന്റ് അതിവേഗം വളരുന്ന മോട്ടോർസൈക്കിൾ വിഭാഗമാണ്. കൂടാതെ ഓപ്ഷനുകൾക്ക് ക്ഷാമമില്ല എന്നതും ശ്രദ്ധിക്കേണ്ടതാണ്. ഇവിടെ, നിലവിൽ ഇന്ത്യയിൽ വിൽപ്പനയ്‌ക്കെത്തുന്ന മികച്ച അഞ്ച് സ്‌പോർട്ടികളായ 125 സിസി ബൈക്കുകൾ പട്ടികപ്പെടുത്തിയിട്ടുണ്ട്.
ബജാജ് പൾസർ 125 / NS125
പ്രാരംഭ വില: 89,254 രൂപ
undefined
ഇന്ത്യൻ ഇരുചക്ര വാഹന വിപണിയിലെ ജനപ്രിയമായ ഒരു പേരാണ് ബജാജ് പൾസർ. ഇത് ഇപ്പോൾ 125 സിസി രൂപത്തിലും ലഭ്യമാണ്. പൾസർ 125 ഉം NS125 ഉം ഒരേ മെക്കാനിക്കൽ ഫീച്ചറുകള്‍ ആണ്. 5-സ്പീഡ് ഗിയർബോക്സുമായി ജോടിയാക്കിയ 11.8 bhp, 11 Nm എന്നിവ വികസിപ്പിക്കുന്ന 124.4cc, സിംഗിൾ സിലിണ്ടർ, എയർ-കൂൾഡ് എഞ്ചിനാണ് അവയ്ക്ക് കരുത്തേകുന്നത്. പൾസർ 125 സീരീസിന് 89,254 രൂപ മുതലാണ് എക്‌സ് ഷോറൂം വില.
ഹോണ്ട SP125
പ്രാരംഭ വില: 85,131 രൂപ
ഈ പട്ടികയിലെ ഏറ്റവും താങ്ങാനാവുന്ന മോട്ടോർസൈക്കിളാണ് ഹോണ്ട SP125. 85,131 രൂപ മുതലാണ് SP125-ന്റെ എക്സ്ഷോറൂം വില. 123.94 സിസി, സിംഗിൾ സിലിണ്ടർ, എയർ കൂൾഡ്, ഫ്യൂവൽ ഇഞ്ചക്‌റ്റഡ് എഞ്ചിനാണ് ഹോണ്ട SP125 ന് കരുത്ത് പകരുന്നത് . ഈ മോട്ടോർ 10.7 bhp കരുത്തും 10.9 Nm ഉം ഉത്പാദിപ്പിക്കുകയും 5-സ്പീഡ് ഗിയർബോക്സുമായി ഘടിപ്പിച്ചിരിക്കുന്നു.
ടിവിഎസ് റൈഡർ
പ്രാരംഭ വില: 93,719 രൂപ
ടിവിഎസ് റൈഡർ ഇന്ത്യയിലെ ഏറ്റവും ഫീച്ചറുകളാൽ സമ്പന്നമായ 125 സിസി മോട്ടോർസൈക്കിളുകളിൽ ഒന്നാണ്. 124.8 സിസി, സിംഗിൾ സിലിണ്ടർ, എയർ, ഓയിൽ കൂൾഡ്, ഫ്യൂവൽ ഇഞ്ചക്‌റ്റഡ് എഞ്ചിനാണ് റൈഡറിന് കരുത്തേകുന്നത്. 5-സ്പീഡ് ഗിയർബോക്സുമായി ജോടിയാക്കിയ ഈ മോട്ടോർ 11.2 ബിഎച്ച്പിയും 11.2 എൻഎം പീക്ക് ടോർക്കും പുറപ്പെടുവിക്കുന്നു. ടിവിഎസ് റൈഡർ 125 ന്റെ എക്സ്ഷോറൂം വില 93,719 രൂപയാണ്.
കെടിഎം 125 ഡ്യൂക്ക്
പ്രാരംഭ വില: 1.78 ലക്ഷം രൂപ
അടുത്തതായി, പട്ടികയിൽ കെടിഎം 125 ഡ്യൂക്ക് ഉണ്ട്. 1.78 ലക്ഷം രൂപയാണ് എക്സ്ഷോറൂം വില, KTM 125 ഡ്യൂക്കിന് 14.3 bhp കരുത്തും 12 Nm ടോര്‍ക്കും ഉത്പാദിപ്പിക്കുന്ന 124.7 സിസി, സിംഗിൾ സിലിണ്ടർ, ലിക്വിഡ് കൂൾഡ്, ഫ്യുവൽ-ഇഞ്ചക്‌റ്റഡ് എഞ്ചിൻ. 6-സ്പീഡ് മാനുവൽ ഗിയർബോക്സുമായി ഇത് ജോടിയാക്കിയിരിക്കുന്നു.
കെടിഎം ആർസി 125
പ്രാരംഭ വില: 1.89 ലക്ഷം രൂപ
ഈ ലിസ്റ്റിലെ അവസാന മോട്ടോർസൈക്കിള്‍ സെഗ്മെന്‍റിലെ ഏറ്റവും ചെലവേറിയതാണ്. അത് കെടിഎം ആര്‍സി 125 ആണ്. 1.89 ലക്ഷം രൂപ മുതലാണ് കെടിഎം RC 125 ന്റെ എക്‌സ് ഷോറൂം വില. ഇത് 125 ഡ്യൂക്കുമായി മെക്കാനിക്കൽ ഫീച്ചറുകള്‍ പങ്കിടുന്നു. 6-സ്പീഡ് മാനുവൽ ഗിയർബോക്സുമായി ജോടിയാക്കിയ 14.3 ബിഎച്ച്പിയും 12 എൻഎം പീക്ക് ടോർക്കും പുറപ്പെടുവിക്കുന്ന 124.7 സിസി, സിംഗിൾ സിലിണ്ടർ, ലിക്വിഡ് കൂൾഡ്, ഫ്യൂവൽ ഇഞ്ചക്‌റ്റഡ് എഞ്ചിനാണ് കെടിഎം ആർസി 125-ന് കരുത്തേകുന്നത്.