ഇതൊരു ഓട്ടോമേറ്റഡ് സംവിധാനമായതിനാൽ, ക്യാമറയിൽ ചിത്രങ്ങൾ പകർത്തുകയും തെറ്റായ ഫൈനുകൾ നൽകുകയും ചെയ്യുന്നു. ഷർട്ടിൻ്റെ അതേ ഷേഡിലുള്ള സീറ്റ് ബെൽറ്റ് ധരിച്ച ഡ്രൈവർക്ക് എഐ ക്യാമറ തെറ്റായ പിഴ ചുമത്തിയ ബെംഗളൂരുവിൽ നിന്നുള്ള അത്തരത്തിലുള്ള ചില സംഭവങ്ങളാണ് ഇപ്പോൾ പുറത്തുവരുന്നത്.
നിങ്ങൾ റോഡുകളിൽ എവിടെ നോക്കിയാലും, വേഗത അളക്കുന്ന ക്യാമറകൾ ഇപ്പോൾ കാണപ്പെടുന്നു. രാജ്യത്തെ നഗരങ്ങളുടെ മിക്ക ഭാഗങ്ങളിലും ഇപ്പോൾ ട്രാഫിക് സിഗ്നലുകളിൽ ക്യാമറകൾ സ്ഥാപിച്ചിട്ടുണ്ട്. ട്രാഫിക് നിയമലംഘനങ്ങളും മറ്റ് പ്രശ്‌നങ്ങളും പരിശോധിക്കാനുള്ള പോലീസിൻ്റെ കണ്ണുകളായി ഈ ക്യാമറകൾ പ്രവർത്തിക്കുന്നു. മിക്ക നഗരങ്ങളിലും ഇപ്പോൾ എഐ ക്യാമറകളും ഉണ്ട്. അവ നിയമ ലംഘനങ്ങൾ കണ്ടെത്തുകയും ചിത്രമെടുക്കുകയും നിയമലംഘകർക്ക് പിഴ ചുമത്തുകയും ചെയ്യുന്നു. എങ്കിലും, ഇതൊരു ഓട്ടോമേറ്റഡ് സംവിധാനമായതിനാൽ, പലപ്പോഴും ക്യാമറയിൽ തെറ്റായ ചിത്രങ്ങൾ പകർത്തുകയും തെറ്റായ ഫൈനുകൾ നൽകുകയും ചെയ്യുന്നു. ഷർട്ടിൻ്റെ അതേ ഷേഡിലുള്ള സീറ്റ് ബെൽറ്റ് ധരിച്ച ഡ്രൈവർമാർക്ക് എഐ ക്യാമറ തെറ്റായ പിഴ ചുമത്തിയ ബെംഗളൂരുവിൽ നിന്നുള്ള അത്തരത്തിലുള്ള ചില സംഭവങ്ങളാണ് ഇപ്പോൾ പുറത്തുവരുന്നത്.
റെഡ്ഡിറ്റിലെ ഒരു ഉപയോക്താവാണ് ചിത്രങ്ങൾ പങ്കിട്ടതെന്ന് കാർ ടോഖ് റിപ്പോർട്ട് ചെയ്യുന്നു. ബെംഗളൂരു നഗരത്തിലെ തിരക്കേറിയ റോഡിലൂടെ ഒരു കാർ നീങ്ങുന്നതാണ് ചിത്രം. ഇത് എവിടെയാണ് സംഭവിച്ചതെന്ന് കൃത്യമായ സ്ഥലം വ്യക്തമല്ല. ഒരേ കാർ ഡ്രൈവർക്ക് രണ്ട് തവണ തെറ്റായ പിഴ നോട്ടീസ് നൽകിയതായും റിപ്പോര്‍ട്ടുകൾ ഉണ്ട്. നിയമലംഘനം കണ്ടെത്തിയതിനാലാണ് ക്യാമറ ചിത്രമെടുത്തതെന്നും പോസ്റ്റിൽ പറയുന്നു. കാറോടിക്കുമ്പോൾ ഡ്രൈവർ സീറ്റ് ബെൽറ്റ് ധരിച്ചിരുന്നില്ലെന്നാണ് ക്യാമറയിൽ കണ്ടത്. എങ്കിലും, ചിത്രങ്ങൾ നോക്കുകയാണെങ്കിൽ, ഡ്രൈവർ സീറ്റ് ബെൽറ്റ് ധരിച്ചിരിക്കുന്നു. അപ്പോൾ എന്താണ് സംഭവിച്ചത്? ഡ്രൈവറുടെ ഷർട്ടിൻ്റെ അതേ ഷേഡിൽ ഫിനിഷ് ചെയ്തിരിക്കുന്നതിനാൽ കാറിൻ്റെ സീറ്റ് ബെൽറ്റ് കണ്ടെത്താൻ എഐ ക്യാമറയ്ക്ക് കഴിഞ്ഞില്ല എന്നർത്ഥം.
undefined
സാധാരണയായി ഇന്ത്യയിലെ കാറുകൾ കറുപ്പ് നിറത്തിലുള്ള സീറ്റ് ബെൽറ്റോടെയാണ് വരുന്നത്. നിങ്ങൾ പ്രീമിയം കാറുകൾ വാങ്ങുകയാണെങ്കിൽ, സീറ്റ് ബെൽറ്റുകൾ പലപ്പോഴും ബീജ് അല്ലെങ്കിൽ ഇളം ഷേഡുകളിലായിരിക്കും നിർമ്മിച്ചിരിക്കുക. ഇൻ്റീരിയർ തീമുമായി പൊരുത്തപ്പെടുന്നതിനാണ് ഇങ്ങനെ ചെയ്യുന്നത്. പക്ഷേ, ഇത് കണ്ടെത്തുന്നതിന് എഐ ക്യാമറ പ്രോഗ്രാം ചെയ്തിട്ടില്ല. അതുകൊണ്ടാണ് ക്യാമറകൾ തെറ്റായ നോട്ടീസ് നൽകുന്നത്. ഇത്തരമൊരു പ്രശ്നം ഇതാദ്യമല്ല എന്നതാണ് ശ്രദ്ധേയം. എഐ ക്യാമറകൾ ശരിയായി പ്രവർത്തിക്കുന്നില്ലെന്നും കൂടാതെ രജിസ്ട്രേഷൻ നമ്പറുകൾ ശരിയായി വായിക്കുന്നില്ലെന്നും നമ്പർ പ്ലേറ്റിലെ സ്ക്രൂവിനെയും മറ്റും പൂജ്യമായി കണ്ടെത്തി തെറ്റായ ഉടമകൾക്ക് പിഴ ചുമത്തുന്നുവെന്നും രാജ്യവ്യാപക പരാതികൾ ഉയരാറുണ്ട്. ഈ സംഭവത്തിലും അങ്ങനെ എന്തെങ്കിലും സംഭവിച്ചിട്ടുണ്ടാകുമെന്നാണ് റിപ്പോര്‍ട്ടുകൾ.
ഈ വിഷയത്തിൽ നിന്ന് ഒരു കാര്യം വ്യക്തമാണ്. അതായത് നിങ്ങളുടെ ഷർട്ടിൻ്റെ നിറം കറുപ്പാണ്, അതിനു മുകളിൽ സീറ്റ് ബെൽറ്റിൻ്റെ നിറവും കറുപ്പാണ് എന്നുകരുതുക. ഇത്തരമൊരു സാഹചര്യത്തിൽ റോഡിൽ നിൽക്കുന്ന ട്രാഫിക് പോലീസുകാരൻ ഇത് കാണുകയും മനസിലാക്കുകയും ചെയ്യും. എന്നാൽ ഇവിടെയുള്ള വലിയ ചോദ്യം, വേഗത അളക്കുന്ന റോഡിൽ സ്ഥാപിച്ചിരിക്കുന്ന ക്യാമറകളോട് ഞങ്ങൾ ഇത് എങ്ങനെ വിശദീകരിക്കും എന്നതാണ്. ഒരാൾ സീറ്റ് ബെൽറ്റ് ധരിച്ചില്ലെങ്കിൽ 1,000 രൂപയാണ് ചലാൻ. ഇതേ തെറ്റ് ആവർത്തിച്ചാൽ ഓരോ തവണയും 1000 രൂപ ചലാൻ അടയ്‌ക്കേണ്ടി വരും.
ബംഗളൂരുവിൽ എഐ നിരീക്ഷണ ക്യാമറകൾ തെറ്റായി പിഴ ചുമത്തിയതായി നിരവധി ഡ്രൈവർമാർ അവകാശപ്പെടുന്നതായി ന്യൂ ഇന്ത്യൻ എക്സ്പ്രസും റിപ്പോര്‍ട്ട് ചെയ്യുന്നു. കർണാടകയിൽ, പ്രത്യേകിച്ച് ബെംഗളൂരു, മൈസൂർ തുടങ്ങിയ നഗരങ്ങളിൽ ഇത്തരം നിരവധി കേസുകൾ റിപ്പോർട്ട് ചെയ്യപ്പെട്ടിട്ടുണ്ടെന്ന് ഇന്ത്യൻ എക്‌സ്പ്രസിൻ്റെ റിപ്പോർട്ട് വ്യക്തമാക്കുന്നു. ഫേസ്ബുക്ക്, എക്‌സ് തുടങ്ങിയ സോഷ്യൽ മീഡിയ പ്ലാറ്റ്‌ഫോമുകളിൽ നിരവധി ഉപയോക്താക്കൾ തങ്ങൾക്ക് സംഭവിച്ച അത്തരം അനഭവങ്ങളുടെ കഥ പങ്കിട്ടു. എല്ലാ കഥകളിലും പൊതുവായുള്ള ഒരു കാര്യം, ഡ്രൈവ് ചെയ്യുമ്പോൾ ഉപയോക്താവ് ഇരുണ്ട നിറമുള്ള ഷർട്ടോ ടീ ഷർട്ടോ ധരിച്ചിരുന്നു എന്നതാണ്.
സീറ്റ് ബെൽറ്റ് ധരിച്ചിട്ടും ചലാൻ ലഭിച്ചതിൽ നിരാശ പ്രകടിപ്പിച്ച് നിരവധി ഡ്രൈവർമാർ സോഷ്യൽ മീഡിയയിൽ രംഗത്തെത്തിയിട്ടുണ്ട്. അത്യാധുനിക സാങ്കേതികവിദ്യയുടെ സഹായത്തോടെ സ്വതന്ത്രമായി സുരക്ഷാ ചട്ടങ്ങൾ പാലിക്കുന്നുണ്ടോയെന്ന് നിരീക്ഷിക്കുന്ന ട്രാഫിക് വിഭാഗത്തിൻ്റെ പുതിയ ആർട്ടിഫിഷ്യൽ ഇൻ്റലിജൻസ് സംവിധാനമാണ് ചലാനുകൾ പുറപ്പെടുവിച്ചത്. ബെംഗളൂരു ട്രാഫിക് എഐ ക്യാമറകൾ തെറ്റായ സീറ്റ് ബെൽറ്റ് ടിക്കറ്റ് ചലാൻ നൽകുന്നുവെന്നും ഒരാൾ ധരിച്ചിരിക്കുന്ന സീറ്റ് ബെൽറ്റിൻ്റെയും ഷർട്ടിൻ്റെയും കോട്ടിൻ്റെയും സമാനമായ നിറമാണ് തെറ്റായ ചലാനുകൾക്ക് കാരണമെന്നും ക്യാമറകൾക്ക് ഇവ രണ്ടും വേർതിരിച്ചറിയാനുള്ള കഴിവില്ലായ്മയിൽ നിന്നാണ് പ്രശ്നം ഉണ്ടാകുന്നതെന്നും പലരും സോഷ്യൽ മീഡിയയിൽ പരാതിപ്പെടുന്നു.