2020 ഒക്ടോബറിനും 2024 ഏപ്രിലിനും ഇടയിൽ നിർമ്മിച്ച CB300F, CB300R, CB350, ഹൈനെസ് CB350, CB350RS എന്നിവ വീൽ സ്പീഡ് സെൻസറുമായി ബന്ധപ്പെട്ട പ്രശ്നങ്ങൾ നേരിടുന്നുണ്ടെന്ന് കമ്പനി പ്രസ്താവനയിൽ പറഞ്ഞു. ഈ സാഹചര്യത്തിലാണ് ഈ ബൈക്കുകളെല്ലാം തിരിച്ചുവിളിക്കുന്നത്.
വീൽ സ്പീഡ് സെൻസറിൻ്റെയും ക്യാംഷാഫ്റ്റിൻ്റെയും തകരാറുകൾ കാരണം ഹോണ്ട മോട്ടോർസൈക്കിൾ ആൻഡ് സ്‍കൂട്ടർ ഇന്ത്യ CB350, ഹൈനെസ് CB350 മോട്ടോർസൈക്കിളുകളുടെ ചില യൂണിറ്റുകൾ തിരിച്ചുവിളിച്ചു. 2020 ഒക്ടോബറിനും 2024 ഏപ്രിലിനും ഇടയിൽ നിർമ്മിച്ച CB300F, CB300R, CB350, ഹൈനെസ് CB350, CB350RS എന്നിവ വീൽ സ്പീഡ് സെൻസറുമായി ബന്ധപ്പെട്ട പ്രശ്നങ്ങൾ നേരിടുന്നുണ്ടെന്ന് കമ്പനി പ്രസ്താവനയിൽ പറഞ്ഞു. ഈ സാഹചര്യത്തിലാണ് ഈ ബൈക്കുകളെല്ലാം തിരിച്ചുവിളിക്കുന്നത്.
അനുചിതമായ മോൾഡിംഗ് പ്രക്രിയ പിന്തുടരുന്നതിനാൽ, വീൽ സ്പീഡ് സെൻസറിലേക്ക് വെള്ളം കയറാൻ സാധ്യതയുണ്ടെന്ന് നിരീക്ഷിച്ചതായും കമ്പനി അറിയിച്ചു. ഇത് സ്പീഡ് സെൻസറിൻ്റെ തകരാറിന് കാരണമായേക്കാം. ഇത് സ്പീഡോമീറ്റർ, ട്രാക്ഷൻ കൺട്രോൾ അല്ലെങ്കിൽ എബിഎസ് ഇടപെടൽ എന്നിവയുടെ തകരാറിന് കാരണമായേക്കാം. അത്തരമൊരു സാഹചര്യത്തിൽ, ഇത് ബ്രേക്കിംഗിനെ ബാധിച്ചേക്കാം. 2020 ഒക്‌ടോബർ മുതൽ 2024 ഏപ്രിൽ വരെ ഉൽപ്പാദിപ്പിക്കുന്ന യൂണിറ്റുകളിൽ മാത്രമാണ് ഈ പ്രശ്നം കണ്ടതെന്ന് കമ്പനി അറിയിച്ചു.
ക്യാംഷാഫ്റ്റ് ഘടകത്തിലെ പ്രശ്നം കാരണമാണ് CB350, ഹൈനെസ് CB350, CB350RS എന്നിവയുടെ യൂണിറ്റുകൾ ഹോണ്ട തിരിച്ചുവിളിക്കുന്നത്. ക്യാംഷാഫ്റ്റിൻ്റെ അനുചിതമായ നിർമ്മാണ പ്രക്രിയ വാഹനത്തിൻ്റെ ഒപ്റ്റിമൽ പ്രവർത്തനത്തെ ബാധിച്ചേക്കാമെന്ന് കണ്ടെത്തിയതായി കമ്പനി അറിയിച്ചു. 2024 ജൂണിനും 2024 ജൂലൈയ്ക്കും ഇടയിൽ നിർമ്മിച്ച യൂണിറ്റുകളെ ഈ പ്രശ്നം ബാധിച്ചതായി അതിൽ പറയുന്നു.
കമ്പനിയുടെ ബിഗ്‍വിംഗ് ഡീലർഷിപ്പിൽ ഈ തകരാർ പരിഹരിക്കുമെന്ന് എച്ച്എംഎസ്ഐ അറിയിച്ചു. ഇതിനുള്ള വാറൻ്റിയെക്കുറിച്ച് ഉപഭോക്താക്കൾ ആശങ്കപ്പെടേണ്ടതില്ല. ഈ പ്രശ്നവുമായി ബന്ധപ്പെട്ട തകരാർ സൗജന്യമായി പരിഹരിക്കും. അതായത് ഉപഭോക്താക്കൾ ഫീസൊന്നും നൽകേണ്ടതില്ല. ഇതുകൂടാതെ, ഈ പ്രശ്നവുമായി ബന്ധപ്പെട്ട ഏത് അന്വേഷണത്തിനും ഉപഭോക്താക്കൾക്ക് ഡീലർഷിപ്പുമായി ബന്ധപ്പെടാം എന്നും കമ്പനി പറയുന്നു.