മാരുതിയുടെ മികച്ച മൈലേജ് ലഭിക്കുന്ന കാറായ ഗ്രാൻഡ് വിറ്റാര ഇഎംഐയിലും വാങ്ങാം. അതിനാൽ ഒറ്റയടിക്ക് നിങ്ങളുടെ പോക്കറ്റിൽ നിന്ന് കൂടുതൽ പണം ചെലവഴിക്കേണ്ടി വരില്ല. ലോൺ എടുത്ത് മാരുതി ഗ്രാൻഡ് വിറ്റാര വാങ്ങുമ്പോൾ വരുന്ന ഇഎംഐ കണക്കുകൾ അറിയാം
രാജ്യത്തെ ജനപ്രിയ വാഹന ബ്രാൻഡായ മാരുതി സുസുക്കിയുടെ ഏറ്റവും ഉയർന്ന മൈലേജ് നൽകുന്ന കാറുകളിലൊന്നാണ് മാരുതി ഗ്രാൻഡ് വിറ്റാര. ഇതൊരു സ്‍മാർട്ട് ഹൈബ്രിഡ് കാറാണ്. ഈ മാരുതി വാഹനത്തിൻ്റെ എക്‌സ് ഷോറൂം വില 10.99 ലക്ഷം രൂപയിൽ തുടങ്ങി 20.09 ലക്ഷം രൂപ വരെയാണ്. ഈ കാർ ഇഎംഐയിലും വാങ്ങാം. അതിനാൽ ഒറ്റയടിക്ക് നിങ്ങളുടെ പോക്കറ്റിൽ നിന്ന് കൂടുതൽ പണം ചെലവഴിക്കേണ്ടി വരില്ല. ഇഎംഐയിൽ മാരുതി ഗ്രാൻഡ് വിറ്റാര എങ്ങനെ വാങ്ങാം എന്നറിയാം.
മാരുതി ഗ്രാൻഡ് വിറ്റാരയുടെ ഏറ്റവും കൂടുതൽ വിൽപ്പനയുള്ള വേരിയന്‍റ് സിഗ്മയാണ് (പെട്രോൾ). ഏകദേശം 12.64 ലക്ഷം രൂപയാണ് ഈ വേരിയൻ്റിൻ്റെ ഡൽഹിയിലെ ഓൺറോഡ് വില. രാജ്യത്തെ വിവിധ നഗരങ്ങൾക്ക് അനുസരിച്ച് ഈ തുകയിൽ ചെറിയ ചില വ്യത്യാസങ്ങൾ പ്രകടമാകും. എങ്കിലും ഈ വില വച്ച് കണക്കുകൂട്ടിയാൽ, നിങ്ങൾക്ക് ഗ്രാൻഡ് വിറ്റാരയുടെ ഈ മോഡൽ വാങ്ങാൻ ബാങ്കിൽ നിന്ന് 11.38 ലക്ഷം രൂപ വായ്പ ലഭിക്കും. ബാങ്കിൽ നിന്ന് നിങ്ങൾക്ക് ലഭിക്കുന്ന വായ്പയുടെ തുക നിങ്ങളുടെ ക്രെഡിറ്റ് സ്‌കോറിനെ ആശ്രയിച്ചിരിക്കുന്നു. നിങ്ങളുടെ ക്രെഡിറ്റ് സ്കോർ എത്രത്തോളം മെച്ചപ്പെടുന്നുവോ അത്രയും കൂടുതൽ നിങ്ങൾക്ക് ഒരു കാർ വാങ്ങാൻ വായ്പ ലഭിക്കും.
കാർ ലോണിന് ഈടാക്കുന്ന പലിശ അനുസരിച്ച്, നിങ്ങൾ എടുക്കുന്ന കാലയളവിലേക്ക്, എല്ലാ മാസവും ബാങ്കിൽ ഒരു നിശ്ചിത തുക ഇഎംഐ ആയി അടയ്ക്കണം. മാരുതി ഗ്രാൻഡ് വിറ്റാരയുടെ സിഗ്മ (പെട്രോൾ) വേരിയൻ്റ് വാങ്ങാൻ, നിങ്ങൾ ഡൗൺ പേയ്‌മെൻ്റായി 1.26 ലക്ഷം രൂപ നിക്ഷേപിക്കണം. സാധിക്കുമെങ്കിൽ ഇതിലും കൂടുതൽ തുക നിങ്ങൾക്ക് അടയ്ക്കാം. ഇത് നിങ്ങളുടെ പ്രതിമാസ ഇൻസ്‌റ്റാൾമെൻ്റിൻ്റെ തുക കുറയ്ക്കും.
ഈ മാരുതി കാർ വാങ്ങാൻ നിങ്ങൾ നാല് വർഷത്തേക്ക് ലോൺ എടുക്കുകയും ഈ ലോണിന് ബാങ്ക് 9 ശതമാനം പലിശ ഈടാക്കുകയും ചെയ്യുന്നുവെങ്കിൽ, നിങ്ങൾ പ്രതിമാസം ഏകദേശം 28,400 രൂപ ഇഎംഐ ആയി അടയ്ക്കേണ്ടിവരും.
മാരുതി ഗ്രാൻഡ് വിറ്റാര വാങ്ങാനുള്ള വായ്പ അഞ്ച് വർഷത്തേക്ക് എടുക്കുകയാണെങ്കിൽ, ഓരോ മാസവും 9 ശതമാനം പലിശയ്ക്ക് 23,620 രൂപ വീതം നിക്ഷേപിക്കണം.
ആറ് വർഷത്തേക്ക് ഗ്രാൻഡ് വിറ്റാരയ്ക്ക് വായ്പയെടുക്കുകയാണെങ്കിൽ, ഓരോ മാസവും 20,500 രൂപ ഗഡു അടയ്ക്കേണ്ടിവരും. ഇനി നിങ്ങൾ ഏഴു വർഷത്തേക്ക് ലോൺ എടുക്കുകയാണെങ്കിൽ, നിങ്ങൾ എല്ലാ മാസവും EMI ആയി 18,300 രൂപ അടയ്ക്കേണ്ടിവരും.
ശ്രദ്ധിക്കുക, വിവിധ ബാങ്കുകളുടെ പോളിസികൾ അനുസരിച്ച് മാരുതി ഗ്രാൻഡ് വിറ്റാരയ്ക്ക് ലഭ്യമായ ലോണിൻ്റെയും ഇൻസ്‌റ്റാൾമെൻ്റിൻ്റെയും തുകയിൽ വ്യത്യാസമുണ്ടാകാം. ഇതിനായി, ലോൺ എടുക്കുമ്പോൾ എല്ലാ രേഖകളും ശ്രദ്ധാപൂർവ്വം വായിക്കേണ്ടത് പ്രധാനമാണ്.
അതേസമയം മാരുതി സുസുക്കി ഗ്രാൻഡ് വിറ്റാരയെപ്പറ്റി പറയുകയാണെങ്കിൽ ഈ കാർ മൂന്ന് എൻജിൻ ഓപ്ഷനുകളിൽ ലഭ്യമാണ്. 1.5 ലിറ്റർ സാധാരണ പെട്രോളും മറ്റൊരു 1.5 ലിറ്റർ പെട്രോൾ ഹൈബ്രിഡ് എഞ്ചിനുമാണ് ഇതിനുള്ളത്. 1.5ലിറ്റർ സിഎൻജി എൻജിനും ഇതിലുണ്ട്. സാധാരണ പെട്രോൾ എഞ്ചിൻ രണ്ട് ട്രാൻസ്മിഷൻ ഓപ്ഷനുകളിലാണ് വാഗ്ദാനം ചെയ്യുന്നത്. 5-സ്പീഡ് മാനുവൽ, 6-സ്പീഡ് ഓട്ടോമാറ്റിക് ട്രാൻസ്മിഷനുമായാണ് ഇത് വരുന്നത്. പെട്രോൾ ഹൈബ്രിഡ് എഞ്ചിൻ ഇസിവിടി ഓട്ടോമാറ്റിക് ട്രാൻസ്മിഷനിൽ മാത്രമേ ലഭ്യമാകൂ, അതേസമയം സിഎൻജി എഞ്ചിൻ 5-സ്പീഡ് മാനുവലിൽ മാത്രമേ ലഭ്യമാകൂ. ഹ്യുണ്ടായ് ക്രെറ്റ, കിയ സെൽറ്റോസ്, ഫോക്‌സ്‌വാഗൺ ടൈഗൺ, സ്‌കോഡ കുഷാക്ക്, എംജി ആസ്റ്റർ, ടൊയോട്ട അർബൻ ക്രൂയിസർ ഹെയ്‌റൈഡർ തുടങ്ങിയ മോഡലുകളാണ് ഗ്രാൻഡ് വിറ്റാരയുടെ എതിരാളികൾ.