ഇന്നോവ ക്രിസ്റ്റയുടെ എൻട്രി ലെവൽ, സെവൻ സീറ്റർ ജി മോഡൽ, ദക്ഷിണ കൊറിയൻ വാഹന ബ്രാൻഡായ കിയയയുടെ കാരെൻസിന്റെ ശ്രേണിയിലെ ടോപ്പിംഗ് ലക്ഷ്വറി പ്ലസ് ഏഴ് സീറ്റർ വേരിയന്റിനെ നേരിടുന്നു. ഇതില്‍ ഏതാണ് മികച്ചത്? നമുക്കൊന്ന് നോക്കാം.
ജാപ്പനീസ് വാഹന ബ്രാൻഡായ ടൊയോട്ട 2023 ഇന്നോവ ക്രിസ്റ്റയെ ഈ ജനുവരിയിൽ ഇന്ത്യയിൽ അവതരിപ്പിച്ചു. വാഹനം ഉടൻ വിപണിയില്‍ ലോഞ്ച് ചെയ്യും. കാറിന് ആകർഷകമായ രൂപവും ഫീച്ചറുകലാല്‍ സമ്പന്നമായ ക്യാബിനും ശക്തമായ 2.4 ലിറ്റർ, നാല് സിലിണ്ടർ, ഡീസൽ എഞ്ചിനും ഉണ്ട്. ഇന്ത്യൻ വിപണിയിൽ, അതിന്റെ എൻട്രി ലെവൽ, സെവൻ സീറ്റർ ജി മോഡൽ, ദക്ഷിണ കൊറിയൻ വാഹന ബ്രാൻഡായ കിയയയുടെ കാരെൻസിന്റെ ശ്രേണിയിലെ ടോപ്പിംഗ് ലക്ഷ്വറി പ്ലസ് ഏഴ് സീറ്റർ വേരിയന്റിനെ നേരിടുന്നു. ഇതില്‍ ഏതാണ് മികച്ചത്? നമുക്കൊന്ന് നോക്കാം.
കിയ കാരൻസ് കണ്ണിന് കൂടുതൽ ഇമ്പമുള്ളതാണ്
ടൊയോട്ട ഇന്നോവ ക്രിസ്റ്റയിൽ മസ്കുലർ ബോണറ്റ്, ബ്ലാക്ക്ഡ്-ഔട്ട് റേഡിയേറ്റർ ഗ്രിൽ, സ്ലീക്ക് ഹാലൊജൻ ഹെഡ്‌ലാമ്പുകൾ, ബ്ലാക്ക്ഡ്-ഔട്ട് ബമ്പർ, 16 ഇഞ്ച് അലോയ് വീലുകൾ, സംയോജിത എൽഇഡി സ്റ്റോപ്പ് ലാമ്പോടുകൂടിയ പിൻ സ്‌പോയിലർ എന്നിവയുണ്ട്. ഇതിന് സൈഡ്-സ്റ്റെപ്പറുകളും ഇൻഡിക്കേറ്റർ ഘടിപ്പിച്ച ORVM-കളും ലഭിക്കുന്നു. അതേസമയം, 'ടൈഗർ നോസ്' ഗ്രിൽ, 16 ഇഞ്ച് അലോയ് റിമ്മുകൾ, റൂഫ് റെയിലുകൾ, ഓൾ-എൽഇഡി ലൈറ്റിംഗ് സജ്ജീകരണം, പിൻ സ്‌പോയിലർ എന്നിവ കിയ കാരൻസ് വാഗ്ദാനം ചെയ്യുന്നു. ഒരു ഷാര്‍ക്ക് ഫിൻ ആന്റിനയും ഉണ്ട്.
undefined
സൺറൂഫിൽ നിന്ന് ഫ്ലാറ്റ്-ബോട്ടം സ്റ്റിയറിംഗ് വീൽ വരെ
ടൊയോട്ട ഇന്നോവ ക്രിസ്റ്റ (ജി) യിൽ മാനുവൽ എസി സഹിതമുള്ള ഏഴ് സീറ്റർ ക്യാബിൻ, റിക്ലൈൻ ഫംഗ്‌ഷനുള്ള മുൻ സീറ്റുകൾ, പവർ വിൻഡോകൾ, മൾട്ടിഫങ്ഷണൽ സ്റ്റിയറിംഗ് വീൽ, മൂന്ന് സപ്ലിമെന്റൽ റെസ്‌ട്രെയിന്റ് സിസ്റ്റം (എസ്ആർഎസ്) എയർബാഗുകൾ എന്നിവയുണ്ട്. ഇതിന് എബിഎസ്, ഇബിഡി എന്നിവയും ലഭിക്കും. ഏഴ് സീറ്റുകൾ, ഒരു സൺറൂഫ്, ആറ് എയർബാഗുകൾ, റിയർ വ്യൂ ക്യാമറ, എബിഎസ്, ഇലക്ട്രോണിക് സ്റ്റെബിലിറ്റി കൺട്രോൾ, ഫ്ലാറ്റ്-ബോട്ടം മൾട്ടിഫങ്ഷണൽ സ്റ്റിയറിംഗ് വീൽ എന്നിവ കാരൻസ് ലക്ഷ്വറി പ്ലസിന് ലഭിക്കുന്നു.
കിയ കാരൻസ് ഒരു ബോസ് സൗണ്ട് സിസ്റ്റം വാഗ്ദാനം ചെയ്യുന്നു
ടൊയോട്ട ഇന്നോവ ക്രിസ്റ്റ (G) ഒരു MID ഉള്ള സ്പീഡോമീറ്റർ, ഏറ്റവും പുതിയ കണക്റ്റിവിറ്റി സൗകര്യങ്ങൾക്കുള്ള പിന്തുണയുള്ള 8.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് പാനൽ, ഫ്രണ്ട് ആൻഡ് റിയർ പാർക്കിംഗ് സെൻസറുകൾ എന്നിവ പായ്ക്ക് ചെയ്യുന്നു. മറുവശത്ത്, കിയ കാരൻസിന് എയർ പ്യൂരിഫയർ, യുഎസ്ബി ടൈപ്പ്-സി പോർട്ടുകൾ, ഡിജിറ്റൽ ഇൻസ്ട്രമെന്റ് ക്ലസ്റ്റർ, മൂഡ് ലൈറ്റിംഗ്, 8.0 ഇഞ്ച് ഇൻഫോടെയ്ൻമെന്റ് കൺസോൾ, 8 സ്പീക്കർ ബോസ് സൗണ്ട് സിസ്റ്റം എന്നിവ ലഭിക്കുന്നു.
കാരൻസിന് കൂടുതൽ എഞ്ചിൻ ഓപ്ഷനുകൾ ലഭിക്കുന്നു
2023 ടൊയോട്ട ഇന്നോവ ക്രിസ്റ്റ 148 എച്ച്‌പി പവറും 360 എൻഎം ടോർക്കും ഉൽപ്പാദിപ്പിക്കുന്ന 2.4 ലിറ്റർ, നാല് സിലിണ്ടർ ഡീസൽ എഞ്ചിനിൽ നിന്നാണ് പവർ ഉല്‍പ്പാദിപ്പിക്കുന്നത്. ഇത് 5-സ്പീഡ് മാനുവൽ ഗിയർബോക്സുമായി ബന്ധിപ്പിച്ചിരിക്കുന്നു. 1.5 ലിറ്റർ ടർബോ-പെട്രോൾ മിൽ (157.8hp/253Nm), 1.5 ലിറ്റർ ഡീസൽ മോട്ടോറും (114hp/250Nm) ആണ് കിയ കാരൻസിന് ഇന്ധനം നൽകുന്നത്. ട്രാൻസ്മിഷൻ ഓപ്‍ഷനുകളിൽ 6-സ്പീഡ് AT, 6-സ്പീഡ് iMT, 7-സ്പീഡ് DCT ഗിയർബോക്സ് എന്നിവ ഉൾപ്പെടുന്നു.
ഏതാണ് നിങ്ങൾ വാങ്ങേണ്ടത്?
ടൊയോട്ട ഇന്നോവ ക്രിസ്റ്റയുടെ ബേസ് ജി മോഡലിന് 19.13 ലക്ഷം രൂപ എക്സ് ഷോറൂം വില പ്രതീക്ഷിക്കുന്നു. അതേസമയം കിയ കാരൻസിന്റെ ശ്രേണിയിലെ ടോപ്പിംഗ് ലക്ഷ്വറി പ്ലസ് പതിപ്പിന്റെ എക്സ് ഷോറൂം വില 18.45 ലക്ഷം രൂപയാണ്. ഇനി തീരുമാനം നിങ്ങളുടേത് മാത്രമാണ്. ഇരട്ടച്ചങ്കനായ ഇന്നോവയെ വേണോ നട്ടെല്ലുറപ്പുള്ള കാരൻസിനെ വേണോ?
പുത്തൻ ഇന്നോവയുടെ വിലകള്‍ പ്രഖ്യാപിച്ച് ടൊയോട്ട