വിൽപ്പന വർധിപ്പിക്കുന്നതിനായി, സിട്രോൺ ഡീലർമാർ C3 എയർക്രോസിന് 2.62 ലക്ഷം രൂപ വരെ വൻ കിഴിവുകൾ വാഗ്ദാനം ചെയ്യുന്നു. സിട്രോൺ സി3 എയർക്രോസിന്‍റെ മിഡ്-സ്പെക്ക് പ്ലസ് ട്രിമ്മിൽ മാത്രമേ ഈ കിഴിവ് ബാധകമാകൂ.
ഇന്ത്യയിൽ ഏറ്റവും കൂടുതൽ മത്സരമുള്ള ഒരു കാർ സെഗ്‌മെന്‍റാണ് കോംപാക്റ്റ് എസ്‌യുവി സെഗ്‌മെന്‍റ്. ഫ്രഞ്ച് വാഹന ബ്രാൻഡായ സിട്രോൺ ഈ സെഗ്‌മെന്‍റെ ശക്തരായ കമ്പനികളിൽ ഒരാളാണ്. സെഗ്‌മെൻ്റിലെ ഒരേയൊരു മൂന്ന് ലൈൻ ഓഫറായ സിട്രോൺ C3 എയർക്രോസ് കമ്പനി അടുത്തിടെ പുറത്തിറക്കി. ഹ്യുണ്ടായ് ക്രെറ്റ, കിയ സെൽറ്റോസ്, മാരുതി ഗ്രാൻഡ് വിറ്റാര, ടൊയോട്ട ഹെയ്‌റൈഡർ, ഹോണ്ട എലിവേറ്റ്, ടൈഗൺ, കുഷാക്ക്, ആസ്റ്റർ തുടങ്ങിയ എതിരാളികളുമായി താരതമ്യപ്പെടുത്തുമ്പോൾ, സിട്രോൺ സി3 എയർക്രോസ് മാത്രമാണ് ഏഴ് സീറ്റർ. ഇപ്പോഴിതാ വിൽപ്പന കൂടുതൽ വർദ്ധിപ്പിക്കുന്നതിനായി, ഈ എസ്‌യുവിക്ക് കമ്പനി വൻ കിഴിവുകൾ വാഗ്ദാനം ചെയ്യുകയാണ് കമ്പനി എന്നാണ് റിപ്പോര്‍ട്ടുകൾ.
വിൽപ്പന വർധിപ്പിക്കുന്നതിനായി, സിട്രോൺ ഡീലർമാർ C3 എയർക്രോസിന് 2.62 ലക്ഷം രൂപ വരെ വൻ കിഴിവുകൾ വാഗ്ദാനം ചെയ്യുന്നു. സിട്രോൺ സി3 എയർക്രോസിന്‍റെ മിഡ്-സ്പെക്ക് പ്ലസ് ട്രിമ്മിൽ മാത്രമേ ഈ കിഴിവ് ബാധകമാകൂ. അടിസ്ഥാന യു ട്രിമ്മിലും ടോപ്പ്-സ്പെക്ക് മാക്സ് ട്രിമ്മിലും കിഴിവുകളൊന്നുമില്ല. സിട്രോൺ C3 എയർക്രോസിൻ്റെ പ്ലസ് ട്രിമ്മിൻ്റെ എക്സ്-ഷോറൂം വില 11.61 ലക്ഷം രൂപയിൽ ആരംഭിക്കുന്നു. 2.62 ലക്ഷം രൂപ കിഴിവോടെ, മിഡ്-സ്പെക്ക് പ്ലസ് ട്രിമ്മിൻ്റെ വില ഇപ്പോൾ 8.99 ലക്ഷം രൂപയിൽ ആരംഭിക്കുന്നു. അടിസ്ഥാന യു ട്രിമ്മിൽ കിഴിവ് ഇല്ല. ഇപ്പോഴും അതിൻ്റെ വില 9.99 ലക്ഷം രൂപയാണ് എക്സ്-ഷോറൂം വില. അതേസമയം എല്ലാ ഡീലർമാരും ഈ കിഴിവ് വാഗ്ദാനം ചെയ്യുന്നില്ല. അതേ സമയം, ഈ കിഴിവ് ഓഫറിനെക്കുറിച്ച് കൂടുതൽ വിവരങ്ങൾ വേണമെങ്കിൽ, നിങ്ങളുടെ അടുത്തുള്ള ഷോറൂമുമായി ബന്ധപ്പെടാം.
undefined
2024 മെയ് മാസത്തിലെ C3 എയർക്രോസിൻ്റെ വിൽപ്പന പ്രകടനം പരിശോധിച്ചാൽ ഈ 3-ലൈൻ എസ്‌യുവിയുടെ 125 യൂണിറ്റുകൾ മാത്രമാണ് കഴിഞ്ഞ മാസം വിറ്റത്, ഇത് ഒരു മാസം മുമ്പ് 2024 മാർച്ചിൽ വിറ്റ 93 യൂണിറ്റുകളേക്കാൾ താരതമ്യേന മികച്ചതാണ്. വിൽപ്പന വർധിപ്പിക്കാൻ നിരവധി പുതിയ ആശയങ്ങളുമായി സിട്രോൺ എത്തിയിട്ടുണ്ട്. പ്രശസ്ത ക്രിക്കറ്റ് താരവും മുൻ ഇന്ത്യൻ ക്രിക്കറ്റ് ടീം ക്യാപ്റ്റനുമായ മഹേന്ദ്ര സിംഗ് ധോണിയുടെ വ്യാപകമായ ജനപ്രീതി മുതലെടുക്കാനും കമ്പനി ശ്രമിക്കുന്നു. C3 എയർക്രോസിനൊപ്പം 11.82 ലക്ഷം രൂപ എക്സ് ഷോറൂം പ്രാരംഭ വിലയിൽ കമ്പനി ധോണി എഡിഷൻ പുറത്തിറക്കി.
ശ്രദ്ധിക്കുക, മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ പ്രാദേശിക ഡീലറെ സമീപിക്കുക.