വിപണിയിലെ ഏറ്റവും വിലപിടിപ്പുള്ള മോഡലുകളിലൊന്നായ ഡ്യുവൽ ടോൺ വൈറ്റ്, ബ്ലാക്ക് റേഞ്ച് റോവർ എസ്‌യുവിക്ക് ഇന്ത്യയിൽ രണ്ടുകോടിയിലധികം വിലവരും. മെഴ്‌സിഡസ് ബെൻസ് ജിഎൽഇ 250d, ബിഎംഡ്യബ്ല്യു X5, ലെക്സസ് LX 570 തുടങ്ങിയ ഹൈ-എൻഡ് കാറുകൾ ജാൻവിയുടെ ഗാരേജിൽ ഇതിനകം തന്നെയുണ്ട്.
തൻ്റെ ആകർഷകമായ കാർ ശേഖരത്തിലേക്ക് ഒരു പുതിയ ആഡംബര കാർ കൂടി ചേർത്ത് ബോളിവുഡ് നടി ജാൻവി കപൂർ . ഒരു സ്റ്റൈലിഷ് റേഞ്ച് റോവർ എസ്‌യുവിയാണ് നടി സ്വന്തമാക്കിയതെന്നാണ് റിപ്പോര്‍ട്ടുകൾ. വിപണിയിലെ ഏറ്റവും വിലപിടിപ്പുള്ള മോഡലുകളിലൊന്നായ ഡ്യുവൽ ടോൺ വൈറ്റ്, ബ്ലാക്ക് റേഞ്ച് റോവർ എസ്‌യുവിക്ക് ഇന്ത്യയിൽ രണ്ടുകോടിയിലധികം വിലവരും. മെഴ്‌സിഡസ് ബെൻസ് ജിഎൽഇ 250d, ബിഎംഡ്യബ്ല്യു X5, ലെക്സസ് LX 570 തുടങ്ങിയ ഹൈ-എൻഡ് കാറുകൾ ജാൻവിയുടെ ഗാരേജിൽ ഇതിനകം തന്നെയുണ്ട്.
ലോംഗ് വീൽബേസ് (LWB) മോഡലിൻ്റെ മിഡ് ലെവൽ ട്രിം ആയ HSE വേരിയൻ്റാണ് ജാൻവിയുടെ റേഞ്ച് റോവർ. ഈ പതിപ്പിന് ഇന്ത്യയിൽ 2.36 കോടി രൂപയാണ് എക്‌സ്-ഷോറൂം വില. എഞ്ചിൻ സവിശേഷതകളുടെ കാര്യത്തിൽ, റേഞ്ച് റോവർ എസ്‌യുവിയിൽ 8-സ്പീഡ് ഓട്ടോമാറ്റിക് ഗിയർബോക്‌സുമായി ജോടിയാക്കിയ 346 ബിഎച്ച്പി പവർ ഔട്ട്‌പുട്ടും 700 എൻഎം ടോർക്കും ഉൽപ്പാദിപ്പിക്കുന്ന ശക്തമായ ഡീസൽ എഞ്ചിൻ ലഭിക്കുന്നു. മണിക്കൂറിൽ 234 കിലോമീറ്റർ വേഗത കൈവരിക്കാനും വെറും 6.3 സെക്കൻഡിൽ 0 മുതൽ 100 കിലോമീറ്റർ വരെ വേഗത കൈവരിക്കാനും ഇതിന് കഴിയും.
റേഞ്ച് റോവർ 13.1 ഇഞ്ച് ഫ്ലോട്ടിംഗ് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, പൂർണ്ണ ഡിജിറ്റൽ ഇൻസ്ട്രമെൻ്റ് ക്ലസ്റ്റർ, ഹെഡ്-അപ്പ് ഡിസ്‌പ്ലേ (HUD), മൾട്ടി-സോൺ ക്ലൈമറ്റ് കൺട്രോൾ, പിൻ-സീറ്റ് എൻ്റർടെയ്ൻമെൻ്റ് സ്‌ക്രീനുകൾ എന്നിവ ഉൾപ്പെടുന്ന നിരവധി ആഡംബര സവിശേഷതകൾ വാഗ്ദാനം ചെയ്യുന്നു. പ്രീമിയം 35 സ്പീക്കർ മെറിഡിയൻ സൗണ്ട് സിസ്റ്റം, ഈ വേരിയൻ്റിന് മാത്രമുള്ള മൂന്നാം നിര സീറ്റുകൾ, ആക്റ്റീവ് നോയ്സ് ക്യാൻസലേഷൻ എന്നിവയും എസ്‌യുവിയിൽ ഉണ്ട്.
റേഞ്ച് റോവർ എസ്‌യുവികൾ ഇന്ത്യൻ സെലിബ്രിറ്റികൾക്കിടയിൽ ഒഴിവാക്കാനാകാത്ത ഒു മോഡലായി മാറുകയാണ്. ആലിയ ഭട്ട്, ഹൃത്വിക് റോഷൻ, രൺബീർ കപൂർ, അനുഷ്‌ക ശർമ്മ, വിരാട് കോഹ്‌ലി, ഷാരൂഖ് ഖാൻ, കത്രീന കൈഫ് തുടങ്ങി നിരവധി സെലിബ്രിറ്റികൾക്ക് ഇപ്പോൾ അവരുടെ ഗാരേജിൽ ഒരു റേഞ്ച് റോവർ എസ്‌യുവി ഉണ്ട്.