ഇതില്‍ ഏത് വേരിയന്‍റാണ് നേഹ വാങ്ങിയതെന്ന് വ്യക്തമല്ല. വാഹനം സ്വന്തമാക്കിയ വിവരം താരം തന്നെയാണ് ട്വീറ്റ് ചെയ്‍തത്.
സോളോ എന്ന സിനിമയിലൂടെ ദുല്‍ഖര്‍ സല്‍മാന്‍റെ നായികയായി മലയാളത്തിലെത്തിയ നായികയാണ് നേഹ ശര്‍മ. ഹിന്ദി, തെലുങ്ക്, പഞ്ചാബി തുടങ്ങി വിവിധ ഭാഷകളില്‍ തിളങ്ങുന്ന നേഹ ശർമ്മ ഇപ്പോഴിതാ ഒരു മെഴ്സിഡസ് ബെൻസ് GLE ലക്ഷ്വറി എസ്‌യുവി സ്വന്തമാക്കിയിരിക്കുന്നു. 300d, 450, 400d എന്നിങ്ങനെ മൂന്ന് വേരിയന്റുകളിലായാണ് മെഴ്സിഡസ് ബെൻസ് GLE വിൽക്കുന്നത്. 88 ലക്ഷം രൂപ മുതൽ 1.05 കോടി രൂപ വരെയാണ് ഈ ആഡംബര എസ്‌യുവിയുടെ എക്‌സ്‌ഷോറൂം വില. ഇതില്‍ ഏത് വേരിയന്‍റാണ് നേഹ വാങ്ങിയതെന്ന് വ്യക്തമല്ല. വാഹനം സ്വന്തമാക്കിയ വിവരം താരം തന്നെയാണ് ട്വീറ്റ് ചെയ്‍തത്.
മെഴ്സിഡസ് ബെൻസ് ഇന്ത്യൻ വിപണിയിൽ ജിഎല്‍ഇ അതിന്റെ ലോംഗ്-വീൽബേസ് പതിപ്പിൽ വിൽക്കുന്നു. പിന്നിലെ യാത്രക്കാർക്ക് കൂടുതൽ ലെഗ്‌റൂം നൽകുന്നതിനായി എസ്‌യുവിയുടെ വീൽബേസ് വിപുലീകരിച്ചിരിക്കുന്നു എന്നതാണ് ഇതിനർത്ഥം. ഇതിന്റെ അളവ് 2,995 എംഎം ആണ്. വാഹനത്തിന് 4,294 mm നീളവും 1,772 mm ഉയരവും 2,157 mm വീതിയുമാണ്.
undefined
245 എച്ച്‌പി കരുത്തും 500 എൻഎം ടോർക്കും ഉൽപ്പാദിപ്പിക്കുന്ന ഫോർ സിലിണ്ടർ ഡീസൽ എൻജിനാണ് 300ഡിക്ക് കരുത്തേകുന്നത്. 325 എച്ച്പിയും 700 എൻഎം ഉത്പാദിപ്പിക്കുന്ന ആറ് സിലിണ്ടർ ഡീസൽ എഞ്ചിനുമായി വരുന്ന 400d കൂടുതൽ ശക്തമാണ്. 365 എച്ച്‌പി പവറും 500 എൻഎം പവറും ഉൽപ്പാദിപ്പിക്കുന്ന പെട്രോൾ എഞ്ചിനാണ് 450ന് ലഭിക്കുന്നത്. എല്ലാ എഞ്ചിനുകളും 9-സ്പീഡ് ഓട്ടോമാറ്റിക് ട്രാൻസ്മിഷനുമായി ഘടിപ്പിച്ചിരിക്കുന്നു, കൂടാതെ മെഴ്‌സിഡസിന്റെ 4MATIC സിസ്റ്റവും ഓഫറിലുണ്ട്.
നിരവധി ഫീച്ചറുകള്‍ക്കൊപ്പം കസ്റ്റമൈസേഷന്‍ ഓപ്ഷന്‍ കൂടി നല്‍കുന്ന വാഹനമാണിത്. ഒരു വ്യക്തിക്ക് തിരഞ്ഞെടുക്കാൻ കഴിയുന്ന നിരവധി സവിശേഷതകൾ കമ്പനി വാഗ്‍ദാനം ചെയ്യുന്നു. എയർ സസ്‌പെൻഷൻ, മൾട്ടിബീം എൽഇഡി ഹെഡ്‌ലാമ്പുകൾ, എൽഇഡി ഉയർന്ന പെർഫോമൻസ് ഹെഡ്‌ലാമ്പുകൾ, പനോരമിക് സൺറൂഫ്, അണ്ടർ ഗാർഡ്, അലുമിനിയം റണ്ണിംഗ് ബോർഡുകൾ എന്നിവയുണ്ട്. 64-കളർ ആംബിയന്റ് ലൈറ്റിംഗ്, ലെതർ അപ്‌ഹോൾസ്റ്ററി, ഡിജിറ്റൽ ഡ്രൈവർ ഡിസ്‌പ്ലേ, ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, സൺബ്ലൈൻഡുകൾ, മൾട്ടി-ഫംഗ്ഷൻ സ്റ്റിയറിംഗ് വീൽ, ഓട്ടോമാറ്റിക് ക്ലൈമറ്റ് കൺട്രോൾ, വയർലെസ് ചാർജിംഗ് എന്നിവയും അതിലേറെയും ഓഫറിലെ മറ്റ് ഫീച്ചറുകളാണ്.
മെഴ്സിഡസ് ബെൻസ് നിലവിൽ AMG GT 63 SE പെർഫോമൻസ് 4-ഡോർ കൂപ്പെയെ ഏപ്രിൽ 11 ന് ഇന്ത്യൻ വിപണിയിൽ അവതരിപ്പിക്കാനുള്ള തയ്യാറെടുപ്പിലാണ്. ഇലക്ട്രിക് മോട്ടോറുകളുമായി ഇണചേർന്ന ഇരട്ട-ടർബോചാർജ്ഡ് V8 ആണ് ബീസ്റ്റിന് കരുത്ത് നൽകുന്നത്. സംയുക്ത പവർ ഔട്ട്പുട്ട് 843 എച്ച്പിയും 1,400 എൻഎം പീക്ക് ടോർക്കും. മണിക്കൂറിൽ 315 കിലോമീറ്റർ വേഗതയുള്ള ഇതിന് 2.9 സെക്കൻഡിനുള്ളിൽ പൂജ്യത്തില്‍ നിന്നും 100 കിലോമീറ്റർ വേഗത കൈവരിക്കാനാകും.