പരിഷ്കരിച്ച പൾസർ 125 ഉടൻ വിപണിയിൽ അവതരിപ്പിക്കാൻ ബജാജ് പദ്ധതിയിടുന്നു. ഔദ്യോഗിക ലോഞ്ചിന് മുന്നോടിയായി, ഈ ബൈക്കുകൾ ഡീലർഷിപ്പുകളിൽ എത്തി എന്നാണ് പുതിയ റിപ്പോര്‍ട്ടുകൾ.
ബജാജ് ഓട്ടോ പുതിയ ഫീച്ചറുകളോടെ പുതിയ പരിഷ്കരിച്ച പൾസർ 125 ഉടൻ വിപണിയിൽ അവതരിപ്പിക്കാൻ പദ്ധതിയിടുന്നു. ഔദ്യോഗിക ലോഞ്ചിന് മുന്നോടിയായി, ഈ ബൈക്കുകൾ ഡീലർഷിപ്പുകളിൽ എത്തി എന്നാണ് പുതിയ റിപ്പോര്‍ട്ടുകൾ.
2024 ബജാജ് പൾസർ 125-ൻ്റെ ചോർന്ന ചിത്രങ്ങൾ 2024 പൾസർ N250-ൽ കണ്ടതിന് സമാനമായ ഒരു പൂർണ്ണ ഡിജിറ്റൽ കൺസോൾ കാണിക്കുന്നു. പരിഷ്കരിച്ച പൾസർ 125-ൽ ഒരു പുതിയ ലെഫ്റ്റ് സ്വിച്ച്-ക്യൂബ് സ്പോർട് ചെയ്യുന്നതായി കാണപ്പെട്ടു. അതിൽ ഒരു മോഡ് ബട്ടൺ ഉൾപ്പെടുന്നു, അതായത് പൾസർ 125-ന് എബിഎസ് മോഡുകളും പാക്ക് ചെയ്യാം.
undefined
കൂടാതെ, ഡിസൈനും ഹാർഡ്‌വെയറും വലിയ മാറ്റമില്ലാതെ കാണപ്പെടുന്നു. അതിനാൽ, മസ്കുലർ ബോഡി വർക്ക്, DRL-കളുള്ള ഹാലൊജൻ ഹെഡ്‌ലൈറ്റ്, സ്പ്ലിറ്റ് സീറ്റ്, സ്പ്ലിറ്റ് ഗ്രാബ് റെയിൽ എന്നിവ സമാനമാണ്. ടെലിസ്കോപ്പിക് ഫ്രണ്ട് ഫോർക്കുകളും ഡ്യുവൽ റിയർ സ്പ്രിംഗുകളും ഫ്രണ്ട് ഡിസ്കും റിയർ ഡ്രമ്മും നിലനിർത്തിയിട്ടുണ്ട്. 124.4 സിസി സിംഗിൾ-സിലിണ്ടർ എഞ്ചിൻ അതേ ട്യൂൺ ഉപയോഗിച്ച് തുടരുമെന്ന് പ്രതീക്ഷിക്കുന്നു. കൂടാതെ ഔട്ട്പുട്ട് കണക്കുകളും മാറാൻ സാധ്യതയില്ല. നിലവിലെ മോഡൽ 11.64 bhp കരുത്തും 10.8 Nm ടോർക്കും ഉത്പാദിപ്പിക്കുന്നു. ഇത് അഞ്ച് സ്പീഡ് ഗിയർബോക്സുമായി ബന്ധിപ്പിച്ചിരിക്കുന്നു.
പുതിയ ഫീച്ചറുകൾ കൂടി വരുന്നതോടെ ബജാജ് പൾസർ 125 ൻ്റെ ചോദിക്കുന്ന വിലയിൽ നേരിയ വർധനയുണ്ടായേക്കും. നിലവിലെ മോഡലിന് 90,003 രൂപയാണ് ദില്ലി എക്സ്-ഷോറൂം, വില. എന്നാൽ N250 പോലെ തന്നെ 2024 ബജാജ് പൾസർ 125-ൻ്റെ വിലയിൽ മാറ്റം വരാൻ സാധ്യതയുണ്ടെന്നാണ് റിപ്പോര്‍ട്ടുകൾ. 125 സിസി സെഗ്‌മെൻ്റിൽ, പൾസർ 125, ഹോണ്ട SP 125, TVS റൈഡർ 125, ഹീറോ ഗ്ലാമർ തുടങ്ങിയ മോഡലുകളാണ് ഇതിന്‍റെ എതിരാളികൾ.