ഏതാനും ആഴ്‌ചകൾക്ക് മുമ്പ് ആഗോളതലത്തിൽ 2025 കയെൻ ജിടിഎസ് ശ്രേണിയെ പോർഷെ അവതരിപ്പിച്ചിരുന്നു. ഇപ്പോൾ, ഇന്ത്യയിലും സൂപ്പർ എസ്‌യുവിയുടെ ഏറ്റവും സ്‌പോർട്ടി വേരിയൻ്റുകളുടെ വിലകൾ കമ്പനി ഔദ്യോഗികമായി ലിസ്റ്റ് ചെയ്തിട്ടുണ്ട്.
ഏതാനും ആഴ്‌ചകൾക്ക് മുമ്പ് ആഗോളതലത്തിൽ 2025 കയെൻ ജിടിഎസ് ശ്രേണിയെ പോർഷെ അവതരിപ്പിച്ചിരുന്നു. ഇപ്പോൾ, ഇന്ത്യയിലും സൂപ്പർ എസ്‌യുവിയുടെ ഏറ്റവും സ്‌പോർട്ടി വേരിയൻ്റുകളുടെ വിലകൾ കമ്പനി ഔദ്യോഗികമായി ലിസ്റ്റ് ചെയ്തിട്ടുണ്ട്. ഇത് രണ്ട് ഡെറിവേറ്റീവുകളിൽ ലഭ്യമാണ്. കയെൻ ജിടിഎസ്, കയെൻ ജിടിഎസ് കൂപ്പെയും. യഥാക്രമം 1,99,99,000 രൂപയും 2,01,32,000 രൂപയുമാണ് ഇവയുടെ എക്‌സ്-ഷോറൂം വിലകൾ.
കായെൻ്റെ GTS ശ്രേണിക്ക് സ്റ്റാൻഡേർഡ് മോഡലിനെക്കാൾ ദൃശ്യപരമായും പ്രവർത്തനപരമായും നിരവധി അപ്‌ഡേറ്റുകൾ ലഭിക്കുന്നു. കയെൻ ജിടിഎസിൻ്റെ ഡെലിവറികൾ ഇന്ത്യയിൽ എപ്പോൾ ആരംഭിക്കുമെന്ന് കൃത്യമായ ടൈംലൈൻ പോർഷെ ഇതുവരെ വെളിപ്പെടുത്തിയിട്ടില്ല . മുൻ ഗ്രില്ലിലെ ഗ്ലോസ് ഫിനിഷ്, സൈഡ് സ്കർട്ടുകൾ, വീൽ ആർച്ചുകൾ, വിംഗ് മിററിൻ്റെ താഴത്തെ ഭാഗം, സ്‌പോർട്ട് ഡിസൈൻ പാക്കേജിനൊപ്പം സ്റ്റാൻഡേർഡ് ആയി വരുന്ന റിയർ ഡിഫ്യൂസർ എന്നിവയുൾപ്പെടെ സ്റ്റാൻഡേർഡ് മോഡലിനെക്കാൾ സ്‌പോർട്ടിയർ എക്‌സ്‌റ്റീരിയർ എലമെൻ്റുകൾ കയെൻ ജിടിഎസിന് ലഭിക്കുന്നു. കൂടാതെ, ടർബണൈറ്റ് ഫിനിഷിലുള്ള 21 ഇഞ്ച് അല്ലെങ്കിൽ 22 ഇഞ്ച് ഓൾ-ബ്ലാക്ക് RS സ്പൈഡർ അലോയ് വീലുകളുടെ ഓപ്ഷനുമായാണ് കയെൻ GTS വരുന്നത്.
undefined
487 bhp കരുത്തും 660 Nm ടോർക്കും ഉത്പാദിപ്പിക്കുന്ന 4.0 ലിറ്റർ V8 ട്വിൻ-ടർബോ പെട്രോൾ എഞ്ചിനാണ് 2025 കയെൻ ജിടിഎസ് ശ്രേണിക്ക് കരുത്തേകുന്നത്. എട്ട്-സ്പീഡ് ടിപ്‌ട്രോണിക് ഓട്ടോമാറ്റിക് ഗിയർബോക്സാണ് ട്രാൻസ്മിഷൻ. പ്രകടനത്തെ സംബന്ധിച്ചിടത്തോളം, നിശ്ചലാവസ്ഥയിൽ നിന്ന് 100 കിലോമീറ്റർ വേഗത കൈവരിക്കാൻ കയെൻ ജിടിഎസിന് 4.4 സെക്കൻഡ് മതി. ഉയർന്ന വേഗത മണിക്കൂറിൽ 275 കിലോമീറ്ററാണ്.
വശത്ത് ഒരു കറുത്ത 'ജിടിഎസ്' സ്റ്റിക്കറും പിന്നിലെ ബാഡ്ജുകളുംകയെൻ ജിടിഎസിനെ സ്റ്റാൻഡേർഡ് മോഡലിൽ നിന്ന് കൂടുതൽ വേർതിരിക്കുന്നു. സ്മോക്കി ഇഫക്റ്റ് ലഭിക്കുന്ന ഹെഡ്‌ലാമ്പുകളിലേക്കും ടെയിൽലാമ്പുകളിലേക്കും ബ്ലാക്ക്ഡ്-ഔട്ട് ട്രീറ്റ്‌മെൻ്റ് ലഭിക്കുന്നു. വെള്ള, കറുപ്പ്, ഡോളമൈറ്റ് സിൽവർ , കാരാര വൈറ്റ്, ക്വാർട്‌സൈറ്റ് ഗ്രേ, കാർമൈൻ റെഡ്, കാഷ്മീർ ബീജ് എന്നിങ്ങനെ ഏഴ് സ്റ്റാൻഡേർഡ് കളർ ഓപ്ഷനുകളിലാണ് പോർഷെ കയെൻ ജിടിഎസ് വാഗ്ദാനം ചെയ്യുന്നത് . 7.3 ലക്ഷം രൂപയുടെ അധിക ചിലവിൽ പോർഷെയുടെ 'ലെജൻഡ്‌സ്' പാലറ്റിൻ്റെ ഭാഗമായ അധിക കളർ സ്കീമുകൾ ലഭ്യമാണ്.
2025 പോർഷെ കയെൻ GTS റൂഫ്‌ലൈനർ, സ്റ്റിയറിംഗ് വീൽ, സീറ്റുകൾ, ആംറെസ്റ്റുകൾ, റേസ് ടെക്‌സിൽ പൊതിഞ്ഞ ഡോർ പാനലുകൾ തുടങ്ങി നിരവധി ഭാഗങ്ങളുള്ള ഓൾ-ബ്ലാക്ക് ക്യാബിനിലാണ് വരുന്നത്. കൂടാതെ, രണ്ട് ഇൻ്റീരിയർ പാക്കേജുകളിൽ നിന്ന് തിരഞ്ഞെടുക്കാനുള്ള ഓപ്ഷനുമുണ്ട്.
12.6-ഇഞ്ച് ഡിജിറ്റൽ ഇൻസ്ട്രുമെൻ്റേഷൻ, 12.3-ഇഞ്ച് സെൻട്രൽ ടച്ച്‌സ്‌ക്രീൻ ഇൻഫോടെയ്ൻമെൻ്റ് ഡിസ്‌പ്ലേ, 10.9-ഇഞ്ച് കോ-പാസഞ്ചർ ഡിസ്‌പ്ലേ, 8-വേ അഡ്ജസ്റ്റ് ചെയ്യാവുന്ന ഫ്രണ്ട് സീറ്റുകൾ, 4-സോൺ ക്ലൈമറ്റ് കൺട്രോൾ, ആംബിയൻ്റ് ലൈറ്റിംഗ്, തുടങ്ങിയ ഗിസ്‌മോകൾ കയെൻ ജിടിഎസ് ശ്രേണിയിൽ ലഭ്യമാണ്. ഡ്യുവൽ-പേൻ പനോരമിക് സൺറൂഫ്, പിൻ വിൻഡോകൾക്കുള്ള ഇലക്ട്രിക് സൺബ്ലൈൻഡുകൾ, 14-സ്പീക്കർ 710-വാട്ട് ബോസ് ഓഡിയോ സിസ്റ്റം, വയർലെസ് സ്മാർട്ട്ഫോൺ ചാർജിംഗ് തുടങ്ങിയ ഫീച്ചറുകളും ലഭിക്കും.