ഇപ്പോൾ കമ്പനി സ്വിഫ്റ്റിന്‍റെ പുതിയ എപ്പിക് എഡിഷൻ പുറത്തിറക്കിയിരിക്കുന്നു. അത് അടിസ്ഥാന മോഡലായ LXi അടിസ്ഥാനമാക്കിയുള്ളതാണ്. കമ്പനി ഇതിലേക്ക് എപ്പിക് എഡിഷൻ ആക്സസറീസ് പായ്ക്ക് ചേർത്തിട്ടുണ്ട്. ഇതുമൂലം 26 പുതിയ ഫീച്ചറുകൾ ഇതിൽ ലഭ്യമാണ്. LXi ട്രിമ്മുമായി താരതമ്യപ്പെടുത്തുമ്പോൾ, അതിൻ്റെ വില 67,878 രൂപ കൂടുതലായിരിക്കും.
മാരുതി സുസുക്കിയുടെ പുതിയ തലമുറ സ്വിഫ്റ്റിനെ മെയ് ഒമ്പതിന് ഇന്ത്യൻ വിപണിയിൽ അവതരിപ്പിച്ചു. നിരവധി സൗന്ദര്യവർദ്ധക മാറ്റങ്ങളോടൊപ്പം ഒരു പുതിയ എഞ്ചിനും കമ്പനി നൽകിയിട്ടുണ്ട്. കൂടാതെ, അതിൻ്റെ അളവുകളിലും വ്യത്യാസമുണ്ട്. എല്ലാ വേരിയൻ്റുകളിലും ആറ് എയർബാഗുകൾ ലഭിക്കുന്ന മാരുതിയുടെ ആദ്യ ഹാച്ച്ബാക്ക് കൂടിയാണിത്. ഇപ്പോൾ കമ്പനി അതിൻ്റെ പുതിയ എപ്പിക് എഡിഷൻ പുറത്തിറക്കിയിരിക്കുന്നു. അത് അടിസ്ഥാന മോഡലായ LXi അടിസ്ഥാനമാക്കിയുള്ളതാണ്. കമ്പനി ഇതിലേക്ക് എപ്പിക് എഡിഷൻ ആക്സസറീസ് പായ്ക്ക് ചേർത്തിട്ടുണ്ട്. ഇതുമൂലം 26 പുതിയ ഫീച്ചറുകൾ ഇതിൽ ലഭ്യമാണ്. LXi ട്രിമ്മുമായി താരതമ്യപ്പെടുത്തുമ്പോൾ, അതിൻ്റെ വില 67,878 രൂപ കൂടുതലായിരിക്കും.
2024 മാരുതി സ്വിഫ്റ്റ് എപ്പിക് എഡിഷനിൽ അതിശയകരമായ പിയാനോ ഗ്ലോസ് ബ്ലാക്ക് ഗ്രിൽ, ഡാഷ്‌ബോർഡിൽ ഒഇഎം സ്വിച്ചുകളുള്ള എൽഇഡി ഫോഗ് ലൈറ്റുകൾ, ബോണറ്റ് ഡിക്കലുകൾ, ഫ്രണ്ട് ക്വാർട്ടർ പാനൽ ഡെക്കലുകൾ, റൂഫ് ഡെക്കലുകൾ, ഗ്ലോസ് ബ്ലാക്ക് 14 ഇഞ്ച് വീൽ കവറുകൾ, ഡോർ വിസറുകൾ എന്നിവ കാണാം. ഇതിൽ ക്രോം ഇൻസേർട്ടുകൾ, ഷോൾഡർ ലൈനിലെ ക്രോം ലൈനിംഗ്, ക്രോം ഇൻസേർട്ടുകളുള്ള ഗ്ലോസ് ബ്ലാക്ക് റൂഫ് സ്‌പോയിലർ, ക്രോം ഡോർ ഹാൻഡിലുകൾ, സൈഡ് മോൾഡിംഗുകൾ, ആൻ്റിന, കാർബൺ ഫൈബർ ഇഫക്റ്റുള്ള ഓആർവിഎം ക്യാപ്‌സ് തുടങ്ങിയവയും ഉൾപ്പെടുന്നു.
കാറിനുള്ളിൽ, നാല് സ്പീക്കറുകളുള്ള 7 ഇഞ്ച് പയനിയർ ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം ലഭ്യമാണ്. ഇതിൽ രണ്ടെണ്ണം പയനിയറിൽ നിന്നുള്ളതും രണ്ടെണ്ണം ജെബിഎല്ലിൽ നിന്നുള്ളതുമാണ്. ഇതിന് ഡ്യുവൽ-ടോൺ ലെതറെറ്റ് സീറ്റ് കവറുകൾ, ലെതറെറ്റ് സ്റ്റിയറിംഗ് കവർ, മാറ്റുകൾ എന്നിവയും മറ്റും ലഭിക്കുന്നു. സ്വിഫ്റ്റ് ബേസ് എൽഎക്‌സ്ഐ ട്രിം, ആക്‌സസറികളൊന്നുമില്ലാതെ നിരവധി അടിസ്ഥാന സവിശേഷതകളോടെയാണ് വരുന്നത്. സെൻട്രൽ ലോക്കിംഗ്, റിമോട്ട് ലോക്കിംഗ്, നാല് പവർ വിൻഡോകൾ, ഓട്ടോ അപ്/ഡൗൺ ഡ്രൈവർ വിൻഡോ, എൽഇഡി ടെയിൽ ലൈറ്റുകൾ, പ്രൊജക്ടർ ഹെഡ്‌ലൈറ്റുകൾ, റിയർ ഡീഫോഗർ, 6 എയർബാഗുകൾ, ഹിൽ അസിസ്റ്റ്, ഇഎസ്പി തുടങ്ങി നിരവധി പ്രധാന ഫീച്ചറുകൾ നൽകിയിട്ടുണ്ട്.
പഴയ സ്വിഫ്റ്റിനെ അപേക്ഷിച്ച് മൈലേജ് ഗണ്യമായി വർദ്ധിപ്പിക്കുന്ന പുതിയ സ്വിഫ്റ്റിൽ ഒരു പുതിയ Z സീരീസ് എഞ്ചിൻ ആണ് ഹൃദയം. ഇതിലെ പുതിയ 1.2L Z12E 3-സിലിണ്ടർ നാച്ച്വറലി ആസ്‍പിരേറ്റഡ് പെട്രോൾ എഞ്ചിൻ 80 ബിഎച്ച്പി കരുത്തും 112മഎൻഎം ടോർക്കും സൃഷ്‍ടിക്കും. മൈൽഡ് ഹൈബ്രിഡ് സെറ്റപ്പാണ് ഇതിൽ കാണുന്നത്. അഞ്ച് സ്പീഡ് മാനുവൽ, അഞ്ച് സ്പീഡ് എഎംടി ഗിയർബോക്‌സ് ഓപ്ഷനുകളുണ്ട്. മൈലേജിനെക്കുറിച്ച് പറയുമ്പോൾ, മാനുവൽ എഫ്ഇ വേരിയൻ്റിന് 24.80 കിലോമീറ്ററും ഓട്ടോമാറ്റിക് എഫ്ഇ വേരിയൻ്റിന് 25.75 കിലോമീറ്ററും മൈലേജാണ് കമ്പനി അവകാശപ്പെടുന്നത്.